Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БАКТЫГҮЛ ӨЗҮНӨ ЭМНЕ БЕЛЕК ИЗДЕП ЖҮРӨТ?

№267 14-20-декабрь, 2007-ж.


Дагы бир жылды артка таштап 2008-жылдын кирип келээрине бир аз гана убакыт калды. Жаңы жылда ар бир адам өзүнө жаңы буюм сатып алуу салтка айланып калган көрүнүш десек болот. Бирок, албетте, автоунаалуу болуу ар бир адамдын эле колунан келе бербейт. Биздин ай чырайлуу ырчы кызыбыз Бактыгүл Бадыева учурда өзүнө-өзү белек кылуу үчүн көңүлүндөгү "Мерседес" унаасын таппай жүрөт. "Кудай буюрса, жаңы машиналуу болуп калсам, азыркы тээп жүргөн "Голф-3үмдү" сатпайм деле, экөөнү алмак-салмак айдай берем",- дейт ырчы кыз.

БОРОНЧУ ӨЗ МАШИНАСЫНЫН НОМУРУН УНУТУП КАЛЫПТЫР

Сакадай бою сары алтын, куудул, ырчы, тамада Борончу Кудайбергенов бир тойдо тамадалык милдетин аткарып жатып машинасын алдырып жибере жаздаган. Сырттан кирген бир жигит Борончуга "бир машина туура эмес коюлуп калыптыр, алып коюшсун, номуру 23-50 экен, айтып коюңузчу" дептир. Борончу тойдогу конокторго микрофон менен бул тууралуу жарыя кылган. Эч ким унчукпагандан кийин бир аздан кийин кайра кайрылат. Дагы деле жооп болбогон соң жанагы жигит келип "азыр машинасын сүйрөтүп кетебиз" дегенде, Борончу өз машинасы экенин эстей коюптур. Ишине берилип кеткен Борончу ошентип машинасынын номурун кээде унутуп да калат экен.

АЛЕКС БУТУН КОКУСТАТЫП АЛДЫ

Көп кабаттуу үйлөрдүн тогузунчу кабатында жашаган жаш ырчы Алекс бутун кокустатып алып, 4-5 күн үйүнөн чыга албай төшөктө жатты. Шашып баратканда эч нерсеге карабаган ырчы квартирасынан чыга калып, лифтке түшүү үчүн сегизинчи кабатка бет алганда чалынып кетип, катуу жыгылган. Натыйжада, бутунун тарамыштары чоюлуп калган.

"КЫЛЫМ МУЗА" ПРОДЮСЕРДИК БОРБОРУ ЖЕТИМ КЫЗДАР ЖӨНҮНДӨ КИНО ТАРТАТ

Айбек Карымов башында турган "Кылым муза" продюсердик борбору "Мери" аттуу жетим кыздар турмушун камтыган кино тартып жатат. Бул фильмдин режиссёру жана сценарийин жазган Камат Касенов аттуу жигит. Айбек Карымовдун айтымында, тасма жаңы жылга чейин тартылып бүтүп, 2008-жылдын алгачкы айларында бет ачаар аземи болот.

ЧЫҢГЫЗ СЕМИРҮҮНҮН АЙЛАСЫН ТАППАЙ ЖАТАТ

Акыркы мезгилдерде "кыргыз кереметинин" жандана баштаганын баарыбыз эле байкап жатабыз. Жаңы кино тартылып элге көрсөтүлө баштаганда эле дароо экинчи бир киного кастинг жарыяланып жатканы жакшы саамалыктардын бири экени талашсыз. Анан калса, ырчыларыбыздын бир тобу өздөрүн актёрдук жактан да сынап көрүшүүдө. Алардын арасында ди-джей, ырчы Чыңгыз Мырзаев да бар. Чыңгыз жаз чыгаары менен жаңы тасма тартууга даярданып жаткан режиссёр Жаныш Кулмамбетовдун көңүлүнө толуп, бирок, арыктыгы ылайык келбей жатыптыр. Анткени, Чыңгыз чымыр денелүү, толмоч, кызыл жүздүү жылкычынын ролун аткарат экен. Ушундан улам Чыңгыз «кантип толсом?» деп ойлонуп жаткан кези.

КАЙРАТ КАНДЕК КҮЧҮК БЕЛЕККЕ АЛДЫ

Буга чейин мышыгы менен көпчүлүктүн көңүл борборунда болуп келген Кайрат Примбердиев эми кандек күчүктүү болду. Мурда уюлдук телефон аркылуу сүйлөшүп жүргөн күйөрман кыздарынын бири ырларынын жагаарын айтып, Кайратка кичинекей күчүк белек кылган. Баарынан кызыгы, ал күчүк абдан уйкучу экен. Көп кабаттуу үйлөргө багууну туура көрбөгөн ырчы күчүгүн таякесиникине алып барып койгон эле. Күчүгүн көргөнү барган ырчы качан барбасын анын уктап жатканына күбө болууда.

АЗИЗ ДОСТОРУ ТАРТКАН КЛИПТИ ЖАРАТПАДЫ

Апасынын жолун жолдоп ырчы катары жаштардын сүймөнчүлүгүнө ээ болгон Азиз Жетигенов орусча "Грусть" деген ырына клип тарттырган эле. Бул клипти профессионал клипмейкерлер эмес, Азиздин достору тарткан. Мыкты сапаттагы камераларды колдонушканы менен досторунун клиби ырчыга жакпай калган. Ырчынын айтымында, буга көп деле каражат сарпталган эмес. Болгону, ал клип НБТ телеканалынан эки жолу көрсөтүлгөн, ал эми башка телеканалдардан болсо алдырып салууга үлгүргөн.

ЖАНАРА ЖАКЫНДА УУЛДУУ БОЛОТ

2007-жылдын март айында көп жигиттерди тамшандырган ай чырайлуу ырчы Клара Алибековадан кем калышпаган таланттуу сиңдиси Жанара Алибекова турмушка чыккан эле. Кирип келген бул чычкан жылына Жанара Алибекова башкалар сыяктуу өзүнө Жаңы Жылдык белек издебейт. Анткени, ал ушул айдын аяк ченинде эне деген статуска ээ болуу алдында турат. Ырчы кыз УЗИге барып, наристенин жынысын билүүгө да үлгүрүптүр. Ушундан кийин кыргыз элине дагы бир эр азамат кошулаары анык болду.

«ХИТ-ПАРАДДЫН» КОНЦЕРТИНДЕ ЭШИКТЕР ТАЛКАЛАНДЫ

Улуттук Биринчи каналдагы "Улуттук хит-парад" долбоорунун бир жылдык жыйынтыктоочу концерти башка концерттерден буга чейин болуп көрбөгөндөй жоруктары менен айырмаланды. Сахнадан же теледен көрүп жүргөн ырчыларды жанынан көрүүнү каалагандардын саны чынында өтө көп болду. Буга "ырчыларды жанынан көрбөй каламбы?" деп жүткүнгөндөр Спорт Ордосунун эшиктеринин айнегин талкалап салышканы күбө болду. Айнекти төлөп берүү милдети моюнуна түшкөн долбоордун жетекчиси Динара Эсенгулованы концертти тейлөө кызматкерлери: "Эл саналуу болгондон көрө ушинтип эшик-терезе талкаланып турганы жакшы",- деп араң сооротушкан.
Келген ырчылардын кызыл килем үстүнөн басып өтө тургандыгы долбоордун жетекчиси Динара эженин идеясы эле. Ал эми кантип келээри ырчылардын фантазиясынан көз каранды болду. Долбоордун жетекчилиги концерттин алпаруучулары Нурзат Токтосунова менен Алексей Филатовго лимузин заказ кылышкан. Алпаруучулардын артынан өзгөчөлөнүп Съездбек Искеналиев, Неля жана Ильяз Андаш элдин баарын чочутуп "Тез жардам" машинасы менен келишкен. Кумар Асанов болсо төрт аскердин коштоосунда, улуттук колоритте сахнага ылайыкташтырылып тигилген формасы менен келип кирген. Самат Доолотбаков аялыбы же кызыбы, айтор, жашыруун бирөө менен, Сема өнөктөшү «90-60-90» аттуу ыры менен таанымал Кундуз менен бирге келген. Продюсерлер Канат Култаев, Асыл Апасова, Динара Эсенгулованын тарбиялануучулары өз-өзүнчө лимузин менен келип түшүшкөн. Расул кызы Айгерим индус кызынын коштоосунда келүүнү ылайык көрүптүр. Ал эми концертти тартууга эки жү-гүртмө камера, ырчыларды Спорт Ордосунун алдынан тосуп алуу үчүн атайын камера орнотулган кран-машина заказ кылыныптыр. Кыскасы, бул концерт чет өлкөнүн концерттеринен кем калбаган эле концерт болду окшойт.


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: