Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТАГДЫР ТАМАШАСЫ уландысы СҮЙҮҮНҮН ӨТКӨН ЧАГЫ БОЛБОЙТ...

№269 28-декабрь - 3-январь


Режиссёр – Тимур Бекмамбетов
Продюсери – Константин Эрнст, Тимур Бекмамбетов, Анатолий Максимов
Сценарийин жазгандар – Алексей Слаповский, Тимур Бекмамбетов, Константин Эрнст
Ролдордо: Сергей Безруков (Ираклий), Елизавета Боярская (Надюша), Константин Хабенский (Костя Лукашин), Андрей Мягков (Евгений Лукашин), Юрий Яковлев (Ипполит), Барбара Брыльска (Надежда Шевелева), ошондой эле Александр Ширвиндт, Михаил Ефремов, Анна Семенович жана Эльдар Рязанов.

КЫСКАЧА МАЗМУНУ
Көрсө, атактуу окуя биз ойлогондон такыр башкача уланган турбайбы... Женя менен Галянын уулу Костя жогорку окуу жайын аяктап, доктурлук кесиптин ээси болот. Күндөрдүн биринде ал Петербургга илимий конференцияга катышуу үчүн кетет. Конференциянын аягы чакан той менен бүтөт. Кызып калган Костя уктап кетип ойгонот да, өзүн Москвада жүргөндөй сезип, такси кармап “үйүнө” айдатат. Анын үйү болсо баягы эле 3-Куруучулар көчөсүндөгү 25-үй, 12-квартира. Бирок, билишибизче, бул дарек Ипполит менен Надянын жана экөөнүн кызы Надюшанын квартирасына таандык...
Кыскасы, окуя кайра башынан башталат. Тагдыр тамашасы менен таанышып калган Костя менен Надя күтүүсүздөн бири-бирин жактырып калышат. Эгер Надянын жигити бизнесмен Ираклий болбогондо абал жеңилирээк болоор эле...

РЯЗАНОВДУН УРУКСАТЫ МЕНЕН
Улуу режиссёр Эльдар Рязановдун “Тагдыр тамашасы же жеңил парыңар менен” тасмасын ар бир Жаңы Жылдын алдында көрүү жакшы салтка айланган. Бул тасма жаш балаты, аппак кар же оливье салаты сыяктуу Жаңы Жылдык символдордун бири десек болчудай. Андагы каармандар жыл сайын биз менен бирге Жаңы Жыл тосууга келгендей сезилет. Ал эми фильмдеги ырлар менен сөздөрдү жатка билбегендер аз болсо керек.
Бул Жаңы Жылдык жомоктун уландысын тартуу чоң эрдикти талап кылган. Мындай эрдик Тимур Бекмамбетов менен Константин Эрнстте табылды. Экөө 15 жылдан бери тасманын уландысын тартуу идеясын иш жүзүнө ашыра албай келишкен. Мунун бир себеби, коркуу, өз күчүнө ишенбестик болсо, экинчи жагынан, ыңгайлуу шарт да табылбай жаткан.
Тасманын бет ачары 21-декабрга белгиленген. Бирок, аны алгач Рязанов өзү көрү­шү керек эле. 20-декабрь күнү “Эль­дар” деп аталган чакан клубда улуу режиссёр жана анын коноктору үчүн жабык көр­сөтүү болгон.
Тобокелге салып ишке кири­шээр­ден мурун тасманын жаратуучулары аны “ээсинен” сурап алууну туура көрүшкөн. Качан гана Рязанов сценарийди толук окуп чыккандан кийин ага кол коюп, жаш муунга уруксаты менен кошо батасын да берген. Ошентип, 2005-жылдын аягынан тартып жаңы тасма тартыла баштаган. Көрүү­чүлөргө сюрприз даярдагылары келген продюсерлер кино тартып жаткандарын колдон келишинче жашырып жүрүшкөн. Тартуу процесси көбүнесе Прага шаарында өткөн.

ЭКИ МУУНДУН МЫКТЫ АКТЁРЛОРУ БИР ТАСМАДА
Фильмде биз күбө боло турчу нерселер, ошол эле мончо, ошол эле учак, ошол эле окшош квартиралар... Бир гана “Ипполит-Надя-Женя” үч бурчтугунун ордуна ”Ираклий-Надя-Костя” деген жаңы үч бурчтук келди.
Фильмди тартуучулар улуу актёрлорду киного чакырып жатышканда адегенде сүрдөп, коркушкан. 1975-жылы жаралган фильмдеги актёрлор Лия Ахеджаковадан башкасы тасманын уландысына тартылууга макулдугун беришкен. Рязановдун фильмди “белек кылгандан” сырткары учактагы жолоочунун ролун да аткарып бергени тартуучулардын баарын кубанткан.
Кичүү актёрлор менен сүйлө­шүүдөн оңой нерсе албетте, жок эле. Үч башкаарман тең келишимге дароо кол коюшкан. Константин Хабенский менен режиссёр “чабыттардан” (“Күн­дүзгү чабыт”, ”Түнкү чабыт” фильмдери) бери тааныш. Жетишкен ишкер адамдын образын Сергей Безруковдон мыкты жаратаар эч ким жок эле. Ал эми Лиза Боярская башкы ролго көптөгөн талаштардан кийин аныкталган. Бирок, кино тартылып бүткөн соң анын эмгеги бийик бааланды.

АТА-ЭНЕЛЕР МЕНЕН БАЛДАРДЫН ЫРЫ
Тасмага атайын жазылган саундтрек “Бороон” деп аталат. Муңдуу ырдын сөзүн Жахан Поллыева, обонун болсо Константин Меладзе жазган. Ага клип тартууга да жетишишти. Бул клипти азыр россиялык Биринчи каналдан тынбай көрсөтүп жаткандарын сиздер деле байкап жатсаңыздар керек. Балким, бул тасманы колдоо үчүн жарнама, пиардын бир түрүдүр.
Клиптин режиссёру Константин Эрнст өзү. Ал акыркы клибин мындан туура 15 жыл мурун тартканын билдирген. Эмнеси болсо да клип өзүнүн милдетин жакшы эле аткарып жатат. Анда жаңы тасманын үзүндүлөрү көрсөтүлгөн. Кино эки муундун өкүлдөрүн камтып жаткандан кийин ырды да Алла Пугачёва менен анын кызы Кристина Орбакайтенин аткаргандары бекеринен эмес. “Бороон” – апасы менен кызы жаздырган алгачкы дуэт.

ТАСМА ТУУРАЛУУ ЖАРАТУУЧУЛАР ЭМНЕ ДЕШЕТ?
Эльдар Рязанов:
– Бул тасманы тартып бүткөнүмдө анын өмүрү мынчалык узак болоорун элестете да алган эмесмин. Негизи, «Тагдыр тамашасынын” уландысын эч качан тартпайм деп өзүмө сөз бергем. Себеби, бул аягы эмне болуп бүтөөрү билинбеген окуя, ар ким аны өзү каалагандай бүтүрүп алышы керек эле. Бирок, жаңы муундун сунушун четке кага албадым.
Константин Эрнст:
– Тагдыр тамашасынын» уландысы бардык курактагы адамдарга арналып тартылган тасма экенине жакында көзүм жетти. Фильм али даяр боло электе дискти үйгө ала келип, кайненеме көрсөттүм. Ал киши өзү өтө каардуу, серт, катуу аял. Тасманы көрүп жатып ал менин көзүмчө биринчи жолу жашын жашыралбай ыйлап жиберди. Ошондо мен элге уят болбойт экенбиз деп ойлодум.
Тимур Бекмамбетов:
– Рязановдун “Тагдыр тамашасы” – бул икона. Мен дайым ага сыйынып келгем. Ипполит, Женя, Надялардын окуясы эмне болуп уланаары өзүмдү да дайыма кызыктырчу. “Кел, бир чыгынып, уландысын тарталы” деп Константин Эрнст экөөбүз кыялданып калчубуз. Бирок, бир топко чейин баштай албай жүрдүк. Кээде «сыйынган, ыйык туткан нерсени өз колум менен булгап албасам экен» деп да корктум. Балким, мен тараптан улуу кинону улантуу – нысапсыздык чыгаар. Бирок, Рязанов баш болуп улуу актёрлордун да бул ишке киришкендери мен үчүн чоң сыймык, бакыт экенин жакшы билип, түшүнүп турам.
Елизавета Боярская:
– Бизди мурунку каармандар менен салыштырышат. Мындай тобокелге салып барган иштен ар кандай көз караштагы пикирлерди күтүүгө мүмкүн. Мен сценарийди окуп отуруп бир эле убакта ыйлап да, күлүп да жаттым. Ошондуктан, тасманы ким кандай кабыл албасын, менин да буга тиешем бар экенине эч өкүнбөйм.

КЫЗЫКТУУСУ...
Тасманын башка аталыштары да бар: “Тагдыр тамашасы-2”, “Тагдыр тамашасы же жаңы бактыңар менен!”, “Чоң россиялык долбоор”.
Тасма 1050 дискке көчү­рүл­гөн. Анын ичинен 830 нускасы Россиянын, 118и Украинанын, 35и Казахстандын, ошондой эле Грузия, Өзбекстан жана албетте, Кыргызстандын кинотеатрларына берилген.
Кинотеатр демекчи, кээ бир россиялык театрлардын көрүүчүлөр залына кино учурунда мандарин, апельсин сыяктуу цитрус жемиштеринин жана жаш карагайдын жытын атайын ароматизаторлор менен себишет. Бул көрүү­чү­лөргө кайталангыс Жаңы Жылдык маанай тартуулоого жардам берет.
Тасманын сценарийинин 40 башка варианты бар. Акыры баарысы бир сценарийге токтолуп, элге тартууланган.
Фильм келишим боюнча келерки 2 жыл ичинде теле эфир аркылуу көрсө­түл­бөйт.
Тасмага тартылган эң жаш актриса, башкаармандын ролун аткаруучу Елизавета Боярская белгилүү ырчы Михаил Боярскийдин кызы. Ал 1985-жылы 20-декабрда төр­өлгөн. Ал эми киного 13 жашынан тартыла баштаган.
Тасма насыяга алынган акчага жана демөөрчү­лөр­дүн жардамы менен тартылды. План боюнча тасмага 4,3 миллион доллар корош керек эле. Бирок, кээ бир эпизоддор кайталанып тартылгандыгы үчүн бул сан 5 миллионго көтөрүлгөн.
Кино аяктаганда соңку титрларда “Эльдар Рязановго багышталат” деген билдирүү бар.

Даярдаган Бегайым Мусакеева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: