Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АБАКТЫН КАПКАНЫНАН АМАН КАЛУУ

№269 28-декабрь - 3-январь


"Шаарга кетем!"
Жеңиштин тагдырын жеңил деп айтууга ооз барбайт. Алты жашында атасы каза таап, үйдүн улуусу болгондуктан, эрбеңдей энесинин этегине жармашып иштеп жүрүп чоңойду. Катаал тагдыр сүйкүмдүү бул баланын баёо балалыгын эрте күндө колунан сууруп, түйшүккө салды. Мектеп жашынан тартып энеси менен колхоздун кызылчасын чаап, түптөп дегендей, оюн, эркелик дегенди билбей өстү. Илмийген шыйрактары ийиле кетмен көтөрүп алдында бараткан уулун көрүп эненин зээни кейип кетээр эле.
Мектепти бүтүп жаткан күндөрдүн биринде Жеңиш энесине кеп салды.
– Мен шаарга кетем.
– Ок, эмне дейт?
– Шаарга кетем дейм, апа.
– Ии, балам, окусам дейсиңби?
– Окуу-мокуусу жок эле ошол жакка барып иштеп келсем деп турам.
Совет кезинде азыркыдай "бир жакка барып иштеп келем" дегенди угуп көрбөгөн энеси Батма чочуп кеткен ошондо.
– Кандайча иштеп келесиң? Мен да бир окуусуна тапшырганы жатат экен десе. Иштегиң келсе, мына, биздин колхозго калып эле иштей бер. Ии, баса! Эсиме жара чыгып унутуп кала жаздаган турбаймынбы. Кечээ раис чакырып алып сен жөнүндө сурады. "Уулуңуз ийкемдүү, акылдуу бала. Эгер иштейм десе мага келсин. Колхоздун кампасына ишенимдүү киши керек болуп жатат. Балаңыз мындай иштерди эптеп кетет",- деди. Балам, колхоздун кампасына кирип алсаң канча пайда көрөөрүңдү билесиңби?! Тигине, Алишерди карачы, он жылдан бери кампаны жетектеп жүрүп бутуна туруп алды.
– Апа, раисиңиздин сунушуна рахмат. Минтип айылда жүрө берсем эч нерсеге жетише албайм. Окуюн десем... Сиздин айлыгыңыз инимдин кийим-кечесине жетеби, тамак-ашка жетеби? Ээ, кайдагы окуу...
Оор турмушун ойлоп көңүлү чөккөн Жеңиш колду шилтей тышка чыгып кеткен. Бирок, айтканын бербей энеси менен айтышып, таарынышып жатып шаарга кетти. Ал жакка барып эмне жумуш кылат, кайсы жерде жашайт, аны ойлогусу келген жок.
Калаага келип эле Жеңиш жыргап кеткен жок. Далай жолу ачка калып, башпаанек кылаарга жылуу жайдын жогунан вокзалдарга түнөп да жүрдү. Ошентсе да мындай жашоого чөгүп кетпеди. Көп өтпөй заводго жумушка орношуп, жолун таап кетти. Ошол жерден жубайы Надя менен таанышты. Украиндердин кара көз, кара каш бул кызы Жеңиштин эмнесин жактырды?.. Москвадан университетти бүтүп келип, бул заводдо иштеп жатканына үч жыл болгон экен. Жалпы калкка билинбегени менен ошол кезде эле тааныш-билиш, пара бермей күчтүү эле. Өмүр бою жетекчи кызматтарда иштеп жүргөн ата-энеси Надяны окууну бүтүп келээр замат сүйлөшүп туруп жакшы кызматка орноштуруп коюшкан.

Турмушу оңолуп калган...
Уулу өзүнөн беш жаш улуу украин кызына үйлөнгөнүн уккан Батма өпкө-өпкөсүнө батпай солуктап ыйлап кирди.
– Шаарга жөнөтпөй койсом бул балээ жок эле.
– Койсоңчу, Батма. Келиндүү болгон адам да ыйлайбы? Орусубу, кыргызыбы, бактылуу болсо болгону.
Көзүнүн жашы он талаа болгон Батманы курбусу Кыял соорото албай убара.
– Сага айтууга оңой да, уул-келиниң жаныңда. Энекелеп ысык чайын сунуп отурушат. Кайдагы хахол кызга үйлөнөт деп ким ойлоду дейсиң. Өзүбүздүн айылдагы кыздарга көз салып, мен бечара келин тандап жүрсө...
Уулунун кеңешпей туруп бөлөк диндеги кызга үйлөнүп алганына Батма көпкө дейре иренжип жүрдү. Надяны Батма кабыл алгысы келбесе, Жеңишти Надянын ата-энеси кабыл албай, экөө үч жыл ара жолдо чайналып жүрүштү да, ажырашып кетишти. Күндүз иштеп, кечкисин окуп жүрүп дипломго ээ болгон Жеңишке кайнатасы бир жакшылык кылып, тааныштары аркылуу Фрунзедеги машина чыгаруучу заводго чоң бөлүмгө башчы кылып дайындатып койду.

Экинчи нике
– Балам, эми дагы канчага дейре жалгыз бой жүрмөк элең. Тигил Жибекке үйлөнүп алчы?! Окуусун бүттү. Эми ал да Фрунзеде иштейт экен.
– Жибегиңиз ким эле?
– Ботом, тигил Калыгул акенин кызычы?! Кичинекей кезинде колуңдан түшүрбөй эле көтөрүп жүрчү эмес белең.
– Койчу, апа, ошол кыз күйөөгө чыга турган болуп калдыбы?
– Анан эмне. Кыз бала ошентип бат эле суйкайып чыга келет.
Бул кепке анча маани бербесе да, энесинин шагын сындыргысы келбей: "Макул, шаарга барганда таанышам",- деп койгон. Бир күнү убадасы эсине түшүп, ал-жайын сурап коймокчу болуп ал иштеген техникумга барып калды. Баягы эркелеп колунан түшпөй ыйлактай берчү Жибек жок. Келишимдүү, сулуу, уяң кыз болуптур. Бир көр­гөндө эле жагып, көп ойлонуп отурбай үйлөнүп алды.

Бир топчу илинчек болду
Жибектей ыймандуу, акылдуу кызга туш болгонуна Жеңиш ичинен кубанып жүрчү. Айрыкча биринчи жубайы Надя тууралуу чукуп сурай бербегенине ыраазы болоор эле. Ошентип, эрте күндө бутуна туруп, очор-бачар жашап калган Жеңишти кимдир-бирөө өз үйүнөн өлтүрүп кетип, ак жеринен күнөөлүү болгон Жибек камакка алынган болчу. Анткени, жумуштан келип, төркү үйдө канга боёлуп жаткан күйөөсүн көрүп бакырып ыйлап, өзүн жоготкон. Анан күйөөсүнүн далысына сайылган бычакты сууруп салууга аракет кылып, бирок, сууруй албай койгон. Албетте, бычактан анын бармактарынын изи табылган. Бирок, Жеңиштин жанына кайсы бир кийимден жулунуп түшүп калган топчуга эч ким маани берген эмес.
Тааныштарынын суранычы менен Жибекти коргоого алган адвокат иликтөөнү баштады. Ким өлтүрүшү мүмкүн? Кесиптештеринин, урук-туугандарынын айтымында, Жеңишти өлтүрүп кетчүдөй душманы деле болбогон экен. Маркумдун байланыштарын иликтеп жүрүп, адвокат анын мурун украин кызына үйлөнүп, кайра ажырашканын билип калды. Атүгүл Надя өмүрүнүн аягына чейин Жеңиш менен жакшы мамиледе келгенин тактады. Кызыгы, Надежда Александровна Жеңиштен бир жума илгери каза тапкан экен.
Адвокат Айбекке Надянын үйүнүн эшигин далысы кучак, эңгезердей киши ачты. АлНадянын агасы экен. Адвокатты жактырбай кабагын карыш салып отуруп укту.
– Биз Надянын Жеңишке күйөөгө чыгышына каршы болгонбуз. Экөө ажырашып кеткенине канча жыл болду?! Надя да каза болуп калды. Аны эмне үчүн эми сурап келдиңер?
– Кечиресиз, алардын балдары бар беле?
– Надянын баласы жок болчу.
– Сиз да бул үйдө жашайсызбы? Мага даректи беришкен адамдар Надежда Александровна жалгыз жашайт дешти эле...
– Менин кайда жашаарым менен сенин кандай ишиң бар? Эмне эле мени суракка алып, башты оорутуп жатасың? Давай, жолуңа түш! Бир жакка барышым керек.
Жулкулдаган киши Айбекти чыгарып, артынан өзү жөнөдү. Эмнеден улам кайрыла калды билбейт. Бирок, артындагы кишиге кайрылган Айбектин көздөрү чанагынан чыга жаздап барып токтоду. Ачуулана топчуланып жаткан кишинин күрмөсүнөн бир топчусу жулунуп түшүп калган экен. Болгондо да дал эле Жеңиштин сөөгүнүн жанынан табылган топчунун өзү! Жеңиш өлтүрүлгөн күнү анын жанынан табылган топчуну Жибекке көрсөтүшсө, үйүндө мындай топчулуу кийимдин жоктугун айткан эле.
Көрсө, Надянын агасы жашынан тентек чыгып, чоңойгону түрмөдөн башы чыкпай келе жаткан адам экен. Айыкпас дартка кабылып, өмүрү кылдын учунда илинип турган карындашыныкына келип жашап жүрүп: "Надянын менден бөлөк жакыны жок. Кокус көз жумса, үй-жайы менде калат",- деп ойлогон тура. Бирок, карындашы каза болгон соң үй-жайды Надя Жеңишке каттатып койгондугун билет. Ошентип, абакта жүрүп адамдыгын жоготкон киши Жеңиштин үйүнө барып, аны бычактап салып кете берген экен. Экөө мушташып жатканда күрмөсүнүн топчусу жулунуп түшүп калгандыгын байкаган эмес. Надянын агасын милиция кызматкерлери кармап келишкен соң "сиз бошсуз" деп Жибекти бошотуп коюшту. Бечара уккан кулагына ишенбей жатты. Тоодой аска-жөлөгү болгон күйөөсүнүн бейкүнөө жерден каза тапканына ишенгиси келбей, оор, жагымсыз түш көрүп жаткандай элдир-селдир абалда жүргөн. Мына, эми араң эсине келгендей жан-жагына айлана карап, абактын оозунан өзүн сууруп чыккан адвокатты көрүп ыйлап жиберди.

ДаярдаганАйбек Нурадилов. Сүрөтчү Ренат Мамытбеков



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: