Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖАҢЫ ЖЫЛДАГЫ КАРГАША

№270 4-10-январь, 2008-ж.


«...Үч! Эки! Бир! Оо-о! Жаңы Жылыңар менен! Жаңы Жылыңар менен!..» Көңүлдүү компанияда шатыра-шатман түшкөн достор бирин-бири куттуктап, жүрөк толкуткан бул мүнөттөрдө Эрмектин ойлуу турганын байкашкан жок. Эрмектин алып-учкан ою кайрадан он беш жыл илгерки Жаңы Жыл түнүндөгү каргашалуу окуяга кетип, ошол окуя көз алдынан тасмадай чууруп жатты. Ошондогу каргаша болбогондо Жаңы Жыл башка адамдардай эле Эрмекке шаң тартуулайт беле, ким билет...

ЧЫРДЫН БАШЫ...
Жаңы Жыл – майрамдардын ичинен эң жагымдуу, жалпы эл сүйгөн үйбүлөлүк майрам. Бир кезде Эрмек үчүн да 31-декабрь өзгөчө майрам болчу. Бирок, Эрмек он жети жашка чыккандан тартып Жаңы Жыл майрамы өз кунун жоготту да койду. Бардар бүлөнүн жалгыз эрке баласы, анын үстүнө, мектептин бүтүрүүчүсү болгонго көөдөнү көктө, шоктугунда чек жок болуп жүргөн кези эле. Ырас, атасы менен энесинин мамилеси анча эмес, жалпы үйбүлө аталышканы менен ар кимиси өз кызыкчылыгы менен алек, мамилелери салкын болчу. Көп урушушчу. Жашында байкабаса да, Эрмек эс тарткан сайын уруш-талаштын маңызы кайда экенин боолголой баштаган.
Атасы жашынан тың чыгып, эл ойлоп жетише электе коммерция кылып Кытайга каттап, бутуна туруп кеткен экен. Албетте, мындай ийгиликтин баарына өзү жалгыз жетише койгон жок. Өйдө чыкса өбөгү, ылдый тартса жөлөгү болуп дайыма жанында келинчеги жүргөн. Бирок, колунда акчасы көбөйгөндөн тартып көзүн май басып, кечээки күндөрүн эстен чыгара баштаган. Аялы тыйындын артынан томолоно "бутка турабыз" деп иштеп жүрүп, денсоолугунан айрылганын унутуп бараткан. Кыштын кычыраган ызгаарында товар менен Алматыга баратып жарым күн суукта калган Салиманын боюнан түшүп, экинчи төрөбөс болуп калган эле. Ал жагын эстен чыгарып жиберген атасы келинчегинин көзүнчө эле Эрмекти эркелетип отуруп: "Сага карындаш алып келип берейинби?"- дей берчү. Көрсө, бул кеп төгүн эмес экен. Эрмек аны өмүрүн астын-үстүн кылган каргашалуу Жаңы Жылдын түнүндө билди...

"АТА, ЭМНЕ КЫЛЫП КОЙДУҢ?"
– Балам, досторуң менен көңүл ачканга анан деле жетишесиң. Он экиге чейин келип кал!
Телефондон жумшак унчуккан апасынын кебин уккан Эрмек ошондо бул үндү эң акыркы ирет угуп жатканын кайдан билсин.Тескерисинче, дагы бир аз жинине тийип койгусу келип апасын тамашалап кирген.
– Апа, атам экөөң эле тосо бергилечи?! Биз, классташтар, эмки жылы чогуу болбой калабыз да. Бүгүн Канаттыкында эле кала берейинчи?!
– Аа, балам, атаң эле десе, сен да менин көңүлүмдү чөктүрөйүн деген турбайсыңбы. Макул!
– Ой, жо-ок, апо-ов, мен жөн эле... Тамашалап койдум. Барам, мына, азыр жетип барам.
Шашкалактап, күрмөсүн топчулабай жатып чыга жөнөгөн Эрмек апасынын үнү каргылданып чыкканын ойлоду. Тамашалай коём деп жатып карачы, ушундай жакшы күндө апасын таарынтып алды. Ай, ушул жалжакелиги, ай! А чын эле эмне үчүн апасынын үнү каргылданып чыкты? Ыйладыбы? Эмнеге?..
Жол ката ушуларды ойлогон Эрмек конок бөлмөгө кире бериште ичинен кудуңдай апасына, атасына арнаган белектерин карап туруп калды. Аларды бир жума илгери эле сатып алып даярдап койгон. Сыртындагы жасалгасын оңдоп түзөгөн соң алардын кубанычтуу жүздөрүн, өзүнө кандай белек беришээрин элестете үйгө кире жөнөдү.
– Насили бузук адамды оңдойм деп убара тартыштын кереги жок экен. Мени ойлобосоң да балаңды ойлосоң болмок! Эр жетип калган балаңа «сени менен тең кызды алам» деп уялбай кантип айтасың? Кечээ эле ким элең? Андагы кебетеңди өзүң унутуп койсоң да, мен унута элекмин!
– Болду! Көп башты оорутуп келжиребе!
– Ооба, эми мен келжиреген болуп калдым. Келжиребей көкүлүңдөн сылап, көзүң менен тең айланып шыңкылдап, кыңшылап турганды таап албадыңбы! Билсең, сени ушул деңгээлге мен жеткизгем! Аай! Акмак, коё бер!
Жандан башкача чаңырган энесинин үнү заматта тып басылды. Сыягы, жерге кулап түштү окшойт, "күп" деген үн чыгып барып тынчып калды. Баятадан бери селейип турган Эрмекке эми жан киргендей селт эте эсине келип, чуркаган бойдон төркү бөлмөгө кирип барды. Энеси жерде жатат. Заматта башы кызылала болуп кетиптир.
– Ата, бул эмне кылганың? Апа! Апа!
Отура калып энесин кучактайын десе башы шылк эте экинчи жакка ооп, шалактап калды. Атасы дале колундагы кан болгон үтүктү кармап, жалдырап туруптур. Ошондо Эрмектин көзүнө стол үстүндө турган бычак илинген. Энесин жерге таштай ыргып туруп, жанагы бычакты кармаганын билет. Көзүнөн чаар чымын уча атасын көздөй жулунганда сырттан салюттардын атылган үндөрү жаңырып, бака-шака көбөйүп, майрам башталып кетти. Андан башкасы эсинде жок...

"ЖИНДИКАНАГА ЖӨНӨТӨБҮЗ"
– Ата-энеңди эмнеге өлтүрдүң?
Маңдайында турган тергөөчүнү Эрмек эси оой тиктеп отура берди.
– Дагы деле эсине келе элек. Бул баланы жиндиканага алпарат окшойбуз.
Тергөөчү жанында отурган шериги менен акылдаша кетти.
– Кандай кылсак, эксперттер эки-үч күн күтүүлөрү керек. "Шок болуп калган" деп жатышпадыбы беле. Бул болсо бир жумадан бери эсине келбей эле жалдырап отурат.
– Эмнеге жиндиканага? Мен силерге эмне, жинди көрүнүп жатамбы?
– Ой, эсине келди.
– Жиндиканага алпарбайбыз, жигит. Сенин көпкө чейин өзүңө келе албай жатканыңдан чочулап жатканбыз. Эми шашпай сүйлөшсөк болот. Айтчы, үйүңөрдө эмне болду?
Көз алдынан каргашалуу күн чууруп өттү. Энесинен да, атасынан да айрылганын эстеген бала кайрадан эсин жоготуп койду.

ЖҮРӨКТӨГҮ ЖАРА
Ошол жылы Эрмектин башы ооруканадан чыккан жок. Алгач чын эле милициядан психиатриялык ооруканага жөнөтүштү. Үч ай ооруканада жаткан аны таежеси үйүнө чыгарып кетти. Депрессияга түшкөн баланын көңүлүн эч нерсе көтөрө алган жок. Эртеден кечке бөлмөсүнөн чыкпай, сүйлөбөй жүрө бергенинен чочулаган таежеси өзүнүн уулун кошуп, эки айга Ысыккөлдөгү курорттордун бирине жөнөттү. Ырас, таза аба, кереметтүү көл таасирин бербей койбойт экен. Курорттон бир аз оңолуп келген Эрмек таежесинин суранганына болбой өзүнүн үйүнө жөнөдү. Ошол каргашалуу Жаңы Жылдын түнүндө милиция кызматкерлери алып кеткенден бери Эрмек үйүнүн босогосун аттай элек эле. Кирип келип эле босогону кучактай өксүп ыйлап жиберди. Бугун чыгарып алсын деп жездеси Эрмекти жайына койду. Качан гана солуктап, көзүнөн жаш чыкпай калганда акырын ийинден сүйөп тургузуп, акылдашууга чакырды.
– Эрмек, балам! Айтпасаң да ичиңде кандай бороон жүрүп жатканын билип турам. Кантели, бул да болсо тагдыр. Сенден суранаарым, өзүңдү эми кыйнай бербе. Кеткен адамды кайра кайтара албайбыз. Өзүңдү колго ал, балам. Таежеңдин көзүнчө айтайын деп батынбадым. Билесиң аны, бул жаатта сөз башталганда эле көз жашы көл болуп жатып калат. Сен экөөбүз эркекпиз. Чыдамдуу, көтөрүмдүү болушубуз керек. Ошон үчүн эркекпиз. Эч ким тоскоол болбой турган кезде акылдашып алалы.
"Эмне дейсиз?" дегенсип өзүн тиктеп калган жигиттин колун кармай кебин андан ары улантты.
– Балам, жакшысы, бул үйдү сатып жибер. Ал ишти өзүм эле бүтүрөм. Буюм-тайымдардын жайын кандай кыласың, жакшылап акыл токтотуп ойлоп көр. "Сактап койгула" десең, таежең экөөбүз үйгө алпарып коёлу. Болбосо... Бул үй сага эми үй болуп бербейт. Жашай албайсың бул жерде. Таежең менен кеңешип чечип койдук. Сени Америкага жөнөтөбүз. Билим алып, жер көрүп, эл көрүп, көңүлүңдү да бир аз алаксытып келесиң. Эми кайгыра бергенден пайда таппайбыз, балам. Жараткан бизге ошентип түрдүү сыноолорду жиберет. Акылыңды жоготпой көтөрө билсең, жаман адам болбойсуң.
– Мен эми кайдан жакшы адам болмокмун?!
– Чүш-ш. Андай кепти оозанба. Сен жашсың. Келечегиң алдыда.
Ал кезде мындан бөлөк арга жок болчу. Бир айдан соң Эрмек Америкага кетти. Окуусун бүткөн соң да мекенине кайтууга батына албай дагы беш жыл иштеди. Чакан ишкана ачууга жетээр каражат чогултту. Бөлөк эл, бөтөн жерде бир өмүр жүрө бербесин түшүнгөндө гана Бишкекке кетүүнү чечти. Самолёттон түшөөрдө жүрөгү опкоолжуп, өзүн жаман сезип жаткан. "Мезгил эң жакшы дарыгер" деп бекеринен айтышпаптыр. Көптү көрүп-билип, жашоого көз карашы өзгөрүп калган экен. Оозу бүтө элек эски илдеттин жарасы ачылып турса да, өзүн колго алып жашап кетти. Болгону, Жаңы Жыл майрамы менен келише албай койду. Өмүр бою ушул жара, ушул капа менен жашап жүрүп өтөт, сыягы. "Бири кем дүйнө" деген ушул белем...

Даярдаган Айбек Нурадилов. Сүрөтчү Ренат Мамытбеков



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: