Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«МЕНИ ЭМИ АЛДАЙ АЛБАЙСЫҢ»

№274 1-7-февраль, 2008-ж.


“Ийгилик кут болсун!”, “куттуктайм!” деген үндөр орто жаштагы айымдын кулагын жаңыртып, сулуу жүзү тамылжый бактыга балкып турду. Ушул тапта андан өткөн бактылуу да, ажарлуу да аял жок болчу. Аңгыча коноктордун үстүнө бою кичинекей, чымыр денелүү киши кирип келди. Колундагы бокалы шыңгырай жерге түшүп, өңү кубарып отуруп калган айымдан бөлөк эч бирөө бул жапалдаш бойлуу кишини тааныбайт эле...

КҮТҮҮСҮЗ ВИЗИТ
– Убара тартпай отура бериңиздер. Уруксат берсеңиздер, мен бул сулуу менен сүйлөшүп алсам.
Өктөм сүйлөгөн киши колу менен ишарат кылып, төрдө купкуу болуп отуруп калган Айжанды жетелеп алып чыгып кетти.
– Бул ким?
– Билбейт экенмин.
Коноктор бири-бирине суроолуу тигилип кала беришти.
– Кандайсың, Жылдыз? Тфу-уй ата, Айжан, сен азыр Айжан Акматова болуп аты-жөнүңдү өзгөртүп алгансың да. Кечир, чыныгы атыңа көнүп калгам. Жылдыз дей берсем кап этпестирсиң. Күтпөсөң керек, ээ?
– Сени келет деп күтпөгөм. Болгондо да ушул күнү келет деп...
– Жакшысы, «сени экинчи ирет көрбөйм деп үмүт кылганмын» десең...
Тепкичтин кармагычына жөлөнгөн Жылдыз карышкан колдоруна темир өтүп кеткенин байкабады.
– Эмне унчукпайсың? Илгерки жигитиң аман-эсен келгенине кубанбай эле турат окшойсуң.
– Жо-ок, эмне деп турасың? Албетте, кубанычтамын. Кел, үйгө кирели. Даам ооз тийбей чыгып кеттиң го.
– Жок, сулуу, биз эми чоңойдук. Акыл кирди. Эми сиздин кылгырган көзүңүзгө, сырдуу жылмайганыңызга алданбайбыз,- баятан бери өзүн кармап сүйлөп жаткан Камчынын үнү катаал чыкты,- Эгер мени баягыдай мурдуна бок сүйкөсө да макул дей берээр адам элестетип жаткан болсоң жаңыласың, кымбаттуум!
– Чын эле өзгөрүптүрсүң. Өзүң эле эмес, үнүң да өзгөрүптүр. Мурун үнүң өктөм чыкчу эмес.
– Ошон үчүн опоңой сызга отургузуп кеттиң, чынбы?
– Мен мындайга бармак эмесмин. Рэкеттер мени аргасыз кылышкан.
– Ал киши сенин өтүнүчүң менен иштеген. Эбак көзү өтүп кеткен кишинин арбагын козгобой туурасын айтпайсыңбы!
– Койчу?!
– Менин башымды айландырам деп аракет кылбай эле кой. Эми өзүңдүн фирмаңдын документтерин, акчаны дайындап кой. “Ыйлап-сыктап жатып кутулуп кетем” десең жаңылышасың. Айтмакчы, “мени коркутуп жатат” деп милицияга да кабарлай албайсың. Анткени, сенин кылмышыңды далилдей турган колумда документтер бар.
Кыска, так сүйлөгөн Камчы бөлөк кепке өтпөй бурулуп чыгып кетти. Тышынан билгизбегенге аракет кылса да, жүрөгү оозуна кептелип калган Жылдыз ал чыгаары менен буттарынан жан кетип, шалак эте жерге отуруп калды. Камчынын абакка камалышына түздөн-түз өзү күнөөлүү эле.

КЕЛИШИМ
– Мындай иштерде сенин аял экендигиң эсептелбейт. Кичине эле кыйшаңдасаң, алдыгы сулуу башың ийиниңден ыргып кетет!
Көздөрү оттой жанган Жылдызды ээгинен аста көтөргөн киши бир саамга тиктеп туруп калды.
– Коркутпа, кичинекей бала эмесмин. Мен бул фирманы алышым керек. Камчы фирманын ээси болгону үчүн эле мамиле түзүп жүрөм. Бирок, ал мага жакпайт. Демек, аны күйөө кыла албайм. Калганы сага түшүнүктүү чыгаар.
– Ошонун көзүн тазалаш үчүн менин коюнума кирип, көңүлүмдү алдың, туурабы? Ай-ай-ай, Жылдыз, тан берем сага. Мейли, мага сендей аялдар жагат.
– Аял эмес, жаш кызмын...
Ушул күнү шаардагы бейбаштардын башын бириктирип жүргөн “башкесер” Аликтин коюнунда жатып, Жылдыз чоң акчага ээ болду. Тагыраак айтканда, жигити Камчыдан фирманы жик билдирбей тартып алуунун амалын тапты. Көздөрү тереңден жылтырап күйүп турган бул кызды жактырып калган “башкесер” анын көксөгөнүн ишке ашыруу үчүн жигиттерине буйрук берди. Рэкеттердин күнү тууп турган ал чакта фирманы ээсинен тартып алуу өтө деле кыйын иш эмес болчу. Бирок, “башкесер” куулукка барды. Ал Камчыны өз эрки менен Жылдызга фирманы таштоого аргасыз кылды.

ЖАСАЛМА АКЧАЛАР
– Алло, Жылдыз, мени угуп жатасыңбы? Тезинен келип кал. Сүйлөшчү сөз бар.
Камчынын үнүнөн чочулаган Жылдыз “кандай балээ болуп кетти экен?” деп ыргылжың болуп жатып фирмага араң келди. Ичкериде милиция кызматкерлери кабинеттерди текшерип жүрүшүптүр. Чоң бөлмөнүн ортосунда Камчы купкуу болуп турат. Жылдызды көрөөр замат колунан ала бөлөк кабинетке сүйрөдү.
– Жүрү, сөз бар!
– Эмне болуп кетти?
– Түшүнсөм оңбой калайын. Таң атпай толтура милиция кызматкерлери келип басып калышты. Фирманын иштерине жамынып, чыныгы пайданы жасалма акча даярдоодон табат имишмин. Анысы аз келгенсип, атаандашымдын кампасын заказ берип өрттөтүп жибериптирмин. Сен чочулаба, Жылдызка! Бул албетте, жалган жалаа. “Жасалма акча жасаган” дегени күлкү келтирээрлик эмеспи, чынбы?
– Бирөө үстүңдөн арыз жазыптырбы?
– Билбейм, алтышка, айталбайм. Эмнеси болсо да, корко турган жайым жок. Кеңсени тимеле тытып текшерип жүрүшөт, кудум бир бомба таап алчудай болушуп.
Камчы кебинин аягына чыгууга үлгүрбөй калды.
– Шеф, таптым!
Жалаң папкалар тизилген шкафты шашпай тинтип жаткан бирөө кубанычтуу кыйкырды. Анын колундагы конвертте бир тутам акча турган...

ЖАЛГАН ЖАЛАА
– Бул акчалар меники эмес! Кандайча кабинетимде пайда болуп калганынан кабарым жок. Түшүнсөңөрчү?! Дагы канча кайталашым керек!
– Эй, балакай, бизге сени жасалма акча жасайт деген арыз түшкөн. Кабинетиңден чын эле жасалма акча чыкты. Болгондо да жалаң миң сомдуктар. Сенин көзүңчө санап чыктык. Жүз миң. Бул оңой акча эмес. Көрүнүп турат. Жаңы басылып чыккан. Боёгу кургай элек. Эч бирөөнүн бармак изи да түшө элек. Анткени, мындай жумушту жасаганда колкап кийип иштегенсиңер. Акча салынган конверттен сенин гана бармак издериң табылды. Дагы эмнеңе актанасың? Өзүңө атаандаш фирманын чоң кампасын атайын заказ менен өрттөткөнсүң. Күбөлөр бар. Так что, бала, сен кутулбас куяга калдың.
– Муну бирөөлөр атайын жасаган!

“МЕН АКТЫГЫМДЫ ДАЛИЛДЕЙМ!”
Камчынын “бул атайын жасалган иш, мен акмын” дегенине эч бирөө кулак салбады. Үч ай бою тергөө жүрүп, кайдан-жайдан күбөлөр пайда болуп, айтор, эсин жыйгыча эле соттолуп кетти. Күтүүсүздөн моюнуна түшүп калган мындай иштен дал болуп жүрүп, ишти ийне-жибине чейин ойлонуштуруп, териштирип чыкканга чамасы болбоду. Аны СИЗОдон абакка алып кетээрде Жылдызды, ага кошо адвокатты чакырып, өзү жокто фирманы башкаруу укугун расмий түрдө Жылдызга өткөзүп берди. Көздөрүнөн жаш куюлткан кызды кучактай буркурап ыйлап да, сүйүктүүсүн сооротуп да жатты.
– Эчтеке эмес, алтышка. Жигит кишинин башына далай сыноолор түшөт. Мен албетте, актыгымды далилдейм. Мына, көрөсүң. Минтип ак жеримден күнөөгө батырган адамдын ким экендигин баарыбир табам. Ким экенин билсем, өз колум менен моюнун үзүп алам!
– Койчу, эмнелерди айтып жатасың? Эч кимдин моюнун кайрыбайсың. Болгону, акталып чыксаң эле болду. Жаза беришти тигил милицияга же башкасына кой.
Ошентип, ыйлап жатып экөө коштошкон. Өзүн коё бергиси келбей кыйналган Камчыга “абакка тез-тез келип кабар алып турам” деп убада берген. Бирок, убадасын босогодон чыкканда эле унутуп салган. Анткени, Жылдызды “башкесер” паспортторду даярдап, виза ачтырып, билет алып күтүп отурган эле. СИЗОдон чыгып эле анын машинасына отуруп, аэропортту көздөй жөнөштү. Экөө иштин минтип оңой бүткөнүнүн урматына бир жумага Түркияга барып эс алып келүүнү чечишкен.
Бир жылга жакын фирманын иштерин мыкты алып барган Жылдыз кызматкерлердин нааразы болгонуна карабай фирманы сатып жиберди. Акчаны өздүк эсебине салган соң бир түндө кумга сиңген суудай шаардан жоголуп кетти. Анын иштеринин баарынан кабардар болуп турган “башкесер” да байкабай калды. Из жашырганы билинген соң чуу түшүп, жигиттерине бүткүл шаарды тинттирип таппай койду. Акыры авиакомпаниялардан издеттирип көрсө, бир эле күнү үч тарапка кете турган билеттерди алганы билинди. Ал шаарлардын кайсы бирине кеткенин табууга мүмкүнчүлүк болгон жок. Ошондон көп өтпөй “башкесерди” бирөөлөр атып кетишти. Демек, эми ал жок, Камчы түрмөдө, Жылдыздын жолуна бөгөт болоор киши жок. Чоң акча берип жүрүп аты-жөнүн бүтүндөй өзгөртүп алган соң кайра башкалаага кайтып келип, өз алдынча жумуш баштаган.
Белгилүү журнал жылдын мыкты адамдарын тандоодо Жылдызды “Жылдын мыкты бизнес-вумени” деп таап, бүгүн үй толо коноктор ошону жууп жатышкан. Дале буттарын майда калтырак басып, өзүнө келе албай жаткан Жылдыз жанталаша өткөн күндөрүн эстеп жатты. Кылмышын далилдей турган Камчыда кандай документтер болушу мүмкүн?
Экөөнүн сүйлөшкөн ар бир сөзүн “башкесер” жаздырып алып жүргөнүн, Жылдыз өзүн алдап качып кеткен соң “кассетаны Камчыга бергиле” деп дайындаганын билчү эмес...

Даярдаган Айбек Нурадилов
Сүрөтчү Ренат Мамытбеков


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: