Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КИРИЛЛ САФОНОВ

№275 8-14-февраль, 2008-ж.


Эгерде сиз дагы «Татьянин день» телесериалынын туруктуу көрөрманы болсоңуз, анда кандайдыр бир деңгээлде Кирилл Сафоновдун жеке турмушуна кызыккан, ал тууралуу баарын билүүнү каалаган күйөрмандарынын бири экендигиңизде талаш жок. Эмесе, сизге жагымдуу сюрприз… Бүгүнкү «Дүйнө жылдыздары» рубрикабызда «Татьянин день» телесериалынын башкаарманы Кирилл Сафонов тууралуу сөз кылмакчыбыз.

Толук аты-жөнү – Сафонов Кирилл Леонович
Жаш курагы – Быйыл 35ке чыгат
Үйбүлөлүк абалы – Учурда бойдок. 13 жаштагы Настя аттуу кыздын атасы
Боюнун узундугу – 190 см, Салмагы – 87 кг
Көзүнүн түсү – Көгүш
Тартылган биринчи кинотасмасы – “Чаң”, 2000-жыл Орус, украин, англис, немис, иврит тилдеринде эркин сүйлөйт.

Кирилл Сафонов 1973-жылы 21-июнда Орусиянын Красноярск шаарында туулган. Кийинчерээк ата-энесинин жумуштарына байланыштуу Украинанын Львов шаарына көчүп кетишип, Кириллдин балалыгы ошол шаарда өтөт. Ата-энесине Кириллди тарбиялап өстүрүү кыйынга турган эмес, анткени, болочоктогу таланттуу актёр кичинекей чагынан эле тартиптүү чыгып, билимге жана бардык жагынан биринчиликке умтулган зээндүү бала болгон. Ошол кезде эле аткаруучулук таланты да бар экендиги байкалып, мектептеги маданий иш-чаралардын эң активдүү катышуучусу катары жалпы окуучулардын жана мугалимдердин арасында да сый-урматка ээ болчу.
Келечекте бүткүл жер жүзүнүн элдерине таанымал атактуу актёр болууну кичинесинен эле самаган Кирилл үчүн окууну аяктагандан кийин кесип тандоодо кыйынчылык туулган эмес. 1990-жылы үйбүлөсү менен кайрадан Красноярск шаарына келип, искусство институтуна тапшырат. 1-курсту бул жерден аяктап, кийинки жылы Москва шаарындагы Орусиянын театралдык искусство институтунун актёрдук факультетине тапшырган. Окуусун ийгиликтүү аяктаган соң Маяковский атындагы театрда кичинекейинен бери эңсеп келген кыялы орундалып, биринчи жолу эл алдында спектаклде роль жаратып, кесиптик эмгек жолуна байсалдуу кадамын таштаган. Кийинки жылы Станиславский атындагы театрда да кызмат көрсөтүүгө жетишет.
Учурда бүткүл КМШ өлкөлөрүн мекендеген миллиондогон кыздардын жүрөгүн багындырган атактуу актёр Кирилл Сафонов 18 жашка чыкканда өзүнүн биринчи сүйүүсүнө баш кошуп, турмуш жолуна аттанган. Кийин арадан 5 жыл өткөн соң сүйүшкөн жубайлар Анастасия аттуу кыздуу болушат. Андан көп узабай эле Кириллдин таланты бааланып, чет элдик кесиптештеринин чакы­руу­су менен 1999-жылы Израилдеги Тель-Авив шаарындагы “Гешер” театрына жол тартат. Беш жашар кызын жетелеген жаш үйбүлө алгач батирлерде баш калкалашып, башка жердин, башка элдин каада-салтына көнгүчө баштарынан эптемей турмуш кечиришкен. Бир аз убакыт өт­пөй күжүрмөн эмгектин артынан үйбүлө тез эле баарына жетишүүгө да үлгүрөт. Бирок, белгисиз себептерден улам жубайлардын ысык сүйүү­сү ажырашууга келип жеткен. Кээбир маалыматтарга караганда экөөнүн ажырашуусуна Кириллдин ал жактагы күйөрмандары себепкер болушкан. Алтургай “Кирилл мындай күйөр­ман кыздарынын көпчүлүгү менен жакын мамиле түзүп, супсулуу жубайынан ажырап калды” деген да кептер тараган.
Ал эми актёрдун кызы Анастасия учурда 13 жашта. “Алма сабагынан алыс түшпөйт” демекчи, Настя да жаш экенине карабай атасынын жолун жолдоп, бир канча кинотасмаларга тартылууга үлгүргөн. “Ералаш” киножурналынан да анын жүзүн көрүүгө болот. Ал эми Израилде Кириллдин кызы Анастасия Сафонованын жүзү көпчүлүккө белгилүү. Актёр кызы Настя тууралуу баарына жашырбай айтып келгени менен мурунку жубайы, кызынын апасы тууралуу маалымат берүүнү жактырбайт. Алтургай анын атын атоодон да баштартканын актёр менен баарлашкан көпчүлүк журналисттер айтып келишет.
Толугу менен 8 жыл “Гешер” театрында башка элге кызмат кылгандан кийин өз мекени болгон Орусияга Кирилл Сафонов былтыр атайын чакыруу менен кайтып келген. Бирок, буга чейин “Чемпион кыз” “Чымчыкка баарыбир”, “Жаман кыздар” деген сыяктуу бир канча кинотасмаларда роль жаратып келген. Москвага келээри менен эле актёр чоң сынакка аттанат. Кастингге катышкан 49 жигиттин ичинен эң таланттуу деп табылып, көпчүлүктүн купулуна толгон “Татьянин день” телесериалында роль жаратып, атактуулуктун тепкичинен жогорулай баштаган.
Киного тартылуу учурунда Кирилл өзүнүн жеке жашоосуна да бир топ өзгөчөлүктөрдү киргизүүгө жетишкенин кабарлаган эле. Алтургай айымдарга болгон талабы да өзгөрдү. Мисалы, мурда сары чачтуу айымдарды «жеңил ойлуу» деп эсептеген болсо, азыр «чачтын өңү адамдын мүнөзүн чагылдырат» дегендерге таптакыр кошулбайт. Андан тышкары, актёрду мурдатан тааныгандар анын бир аз токтолуп калганын айтышкан. “Мурдагы элди күлдү­рүп шайыр жүргөн Кирилл эми жок. Баштагыдай күйөрмандарына да таптакыр көңүл бурбай калыптыр. Балким, чынында эле жанында жүргөн сулуу айымдардын бирине ашык болуп калгандыр”,- дешет алар. Мындай кептерди уккан соң анын чынын аныктоо үчүн Кириллдин Тель-Авивдеги жашоосуна кызыккан журналисттердин бири ал жакка да иликтөөгө барып, актёрдун мурунку кесиптештери менен баарлашып кайткандыгын жар салган эле. Анын сөзүнө караганда, Кирилл чынында эле ал жактагы кыздар арасында эң сексуалдуу актёр катары таанымал. Бирок, Израилде Кирилл Коэн деген фамилия менен белгилүү. Жакын мамиледе жүргөн кыздарынын арасында бирге спектаклдерде ойногон жана бир кинотасмаларда тартылган кесиптештери да бар. Демек, “үйрөнгөн адат калабы...” демекчи, “Кирилл Сафонов менен сериалдагы сүйгөнү Анна Снаткина (Татьяна Разбежкина) чыныгы жашоолорунда да сүйүшкөн жуптар” деген кептердин чын болушу толук мүмкүн. Буга далил катары көпчүлүк Андрей Малахов даярдаган “Татьянин день” телесериалынын аякташына арналган атайын берүү­дөгү экөөнүн бири-бирине жасаган мамилелерин айтып келишет. Андрейдин “Ачыгын айтыңызчы, сиз кимди сүйөсүз?” деген суроосуна Кирилл: “Балким, мен сүйгөн кыз ушул залда отурат, аны жар салуунун кажети жок,- деп жооп берген. Бул сөздөр азыр сериалдын бардык көрүүчү­лөрүнүн арасында катуу талкууга алынып жаткан кези. «Камера артында да кинодогу сүйүшкөн­дөрдүн бири-бирине болгон мамилелерин сүйүү­нүн күчү деп билсе болот» деген жыйынтыктарды актёрлордун бирге иштешкен кесиптештери да билдиришкен. «Ал эми Наталья Рудованын (Татьяна Баринова) Кириллге болгон ички сезимдери бар, бирок, жоопсуз» деген да кептер тараган.
Толук бир жыл тасма аянтында “жашап” иштеген актёр учурда кайра Тель-Авив шаарына кетүүнү ойлонуп жаткан кези. Кириллдин айтымында, эми мындан ары спектаклдерде ойноону биротоло токтотот. Кинодо роль жаратуу – актёрдун өзү үчүн алда канча жеңилирээк жана кызыктуу. Анан да каармандары өзүнө окшош болсо, аны жеткиликтүү аткаруу оңой. Мисалы, “Татьянин день” сериалындагы эки кыздын талашына түшкөн жигиттин тагдыры качандыр бир кездеги өзүнүн тагдырын чагылдырган. Бирок, анда эки кыздын эмес, үч курбу кыздардын талашы жүргөн.
Көпчүлүктүн сүйүктүү актёру Кирилл Сафонов аткаруучулуктан тышкары ырдоо жагынан да өтө таланттуу. Жаш кезинен эле гитарада да катыра ойнойт. Андан тышкары, кылыч менен чабышуу – Кирилл алектенген спорттун түрү.

Бетти даярдаган Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: