реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖЕТ ЛИ

№276 15-21-февраль, 2008-ж.


Белгилүү актёр Жет Ли 40 жашка чыкканга чейин спорт менен машыгып, денесин физикалык жактан күчкө толтуруу менен алектенген болсо, 2003-жылдан тарта ички дүйнөсүнө да чоң көңүл бура баштады. Мурда бир гана өзүнө байлык топтоо менен алектенип келсе, эми өзүнүн кичинекейиндеги кедей турмушту башынан өт­көр­гөнүн эске алып, жакырларга жардам берүү үчүн атайын кайрымдуулук фондун ачты. Алтургай жакында эле мындан аркы иштеп тапкан байлыгынын баарын жетишпеген үйбүлөлөргө арнаарын жар салды. Бул – ары кайрымдуу, ары сүйкүмдүү жана таланттуу актёр Жет Линин жашоосундагы акыркы кабарлар. Ал эми актёрдун төрөлгөндөн азыркыга чейинки турмушу төмөнкү макалада...

Толук аты-жөнү – Ли Лянцзе Лиан
Үйбүлөлүк абалы – Эки жолу үйлөнгөн. Үч кыздын атасы
Боюнун узундугу – 169 см, Салмагы – 66 кг
Туткан дини – Буддизм Жактырган түсү – Ак
Адамдардагы баалаган сапаты – Акылдуулук

Жет Ли көпчүлүк айтып жүргөндөй, легендарлуу киноактёр Брюс Линин иниси эмес, өзүнүн чын аты – Ли Лянцзе. Ли 1963-жылы Кытайдын Пекин шаарында туулган. Эки жашында атасынан ажырап, 5 биртууган апасынын колунда калат. Дайыма апасынын, эки байкесинин, эки эжесинин көзөмөлүндө тургандыктан, Ли тентектик кылууну билген эмес. Учурда ошондогу «мындай кылууга болбойт», «муну жебеш керек», «абайла, жыгыласың» деген сөздөрдөн улам керек болсо, бала катары таптакыр ойнобой да калганын айтып келет. Ал эми мектепке болсо 8 жашында барып, эң жакшы окуган жана эң тартиптүү бала катары башкаларга үлгү болчу. Мугалимдеринин да сүйүктүү окуучусу болгондуктан, сабактарынан эч кыйналган эмес. Анткени, сынактарда бериле турган суроолордун жооптору алдын-ала Линин алдында жатчу. Ал эми ырдаганды таптакыр билбегендиктен, музыка сабагы болочок актёр үчүн эң оор сезилчү. Бирок, бул сабак болоор күнү дайыма Линин «тамагы ооруп» калып, мугалимдери айласыз эң жакшы окуган балага «5» деген баа коюп беришээр эле.
Жет Ли 8 жашынан тарта эле Пекин шаарындагы спорт мектептеринин биринде ушу жаатында машыга баштайт. Үч жыл ичинде спорттун бул түрүндө такшалууга жетишип, Пекин курама командасына кабыл алынат. Ал эми кийинки жылы балдар арасындагы күрөштөн жана дао кылычтары менен согушуудан биринчиликти багындырып, 11 жаштагы Ли бул тармакта бүткүл Кытай Эл Республикасынын чемпиону аталат. 1974-жылы өзү машыккан спорттун түрү менен Кытай элинин намысын коргоо үчүн дүйнө­лүк таймашка аттанган. Биринчи сапары жемиштүү болуп, башкы орунду ээлеген жана ошол кездеги АКШнын президенти Никсондун өз колунан сыйлык алып кайткан.
Жаш болсо да бир топ жетишкендиктерди багындырган Жет Лиге 1982-жылы киного тартылуу сунушу келип түшкөн. Буга макул болгон Ли «Шаолинь чиркөө­сү» аттуу сериалда башкаармандын ролун жогорку деңгээлде аткаруу менен кинодүйнөсүнө байсалдуу кадамын таштаган. Ал эми бул сериалды актёрдун карьерасындагы «визиттик баракчасы» десе болот. Анткени, ушул кинодон кийин Жет Ли Кытайдагы эң атактуу актёр катары таанымал болуп, анын аткаруусундагы мушташ кинолор эл суранып көргөн, суроо-талабы жогору тасмаларга айланган. Андан тышкары, роль жаратуудагы эң тез кыймылдары үчүн Ли «Жет» деген атка конгон. «Жет» – бизче «тез, ылдам» дегенди түшүндүрөт.
Өз мекенинде жана жалпы эле Азия өлкөлөрүндө жыйырма бештен ашык кинотасмаларда роль жараткан соң Жет Ли дүйнөнү багындыруу максатында Голливудга сапар алат. 1998-жылы көптөн күткөн тилеги орундалып, актёрдун катышуусунда англис тилиндеги «Өлүм куралы-4» деп аталган жаңы тасма жарыкка чыгат. Андан көп узабай эле Американын белгилүү режиссёрлорунан жаңы фильмдерге тартылуу сунуштары түшө баштаган. Жыйынтыгында, «Ромео өлүшү керек», «Ажыдаардын өпкөнү», «Бешиктен чыгып мүрзөгө» деген сыяктуу белгилүү кинолор пайда болгон. Учурда Ли Кытай киноактёрлору арасында эң көп гонорар алган тажрыйбалуу аткаруучу катары да таанымал. 13 миллион долларды түзгөн бул рекордду Ли «Полк башчылары» фильминдеги ролу үчүн алган. Кытайдан чыккан атактуу жа­на легендарлуу актёрлор Жеки Чан менен Жет Ли биргеликте кино тартуу идеясын 2005-жылы айтышкан эле. Бирок, тилекке каршы, үч жылдан бери эки актёрду тең канааттандырган киносюжет табылбай келет.
Жет Ли үчүн киного тартылуу бир гана атактуулук менен байлык алып келген жок. Кээде тасмага тартылуу убагында өмүрүнөн айрылып калуу коркунучтарына да кабылган. Алардын арасынан үчөөсүн Ли эч унутпасын айтып келет. Атап айтканда, биринде аскадан учуп кете жаздаса, экинчисинде жарылган машина менен кошо күйүп кетүү коркунучуна кабылган. Алтургай буттары жана денеси жеңил күйүк алган, ошондой эле акыркысы – актёрдун сууга чөгүп кеткени. Жанындагы жардамчылары куткарып калбаганда Жет Ли 1998-жылы каза тапмак. Ал эми Жет Линин денесиндеги сыныктарын санап чыгуу мүмкүн эмес, анткени, ар бир киного тартылуу маалында жок дегенде колунун манжаларын кокустатып же сындырып алаарын маалымдаган эле. Алардын эң коркунучтуусу, Линин белинин үч жеринен сынгандыгы болчу. Бул иш тасмага тартылуу убагында болгондуктан, ролдон баш тартуусуна туура келип, бир жылдан ашык убакыт киного тартылууга шарты жок үйүндө жатканын айтууга болот. Ал эми кинонун жаратуучулары тасмага түшүрүү жаңы эле башталгандыктан, тез эле башка актёрлор менен келишим түзүшкөн. Жалпысынан Жет Ли бардыгы болуп элүүгө жакын кинофильмдерде роль жараткан жана келечекте да тасмага тартылуусун токтотууну ойлоно элек.
«Экинчи Брюс Ли» атка конгон актёр Жет Ли ушу менен машыгуунун артынан бир гана атактуулукту багындырып, өз карьерасын жөнгө салып тим болбостон, жеке жашоосунда да өз жолун тапкан. Жаңыдан кинолорго тартылып, согушуунун кунг-фу жаатында биринчиликти багындырып турган кезде 1987-жылы Жет Ли чоң сүйүүгө кабылып, аз убакыт сүйлөшүп жүргөндөн кийин эле ал сүйгөн кызы Куиен Хуанг менен кол кармаша үйлөнүү тоюн өткөрөт. Бирок, «жаңылбас жаак, мүдүрүл­бөс туяк болбойт» демекчи, жубайлар эки кыздуу болгондон кийин пикир келишпестиктердин айынан ажырашып кетишет. Кайрадан 1999-жылы актёр тасма аянтынан 1990-жылы популярдуулукка жетишкен өзүнөн эки жашка улуу актриса Нина Ли Чи менен таанышат. Ортолорун тез эле сүйүү сезимдери аралап, көп узабай бирин-бири жакшы түшүнгөн ынтымактуу жубайларга айланышат. «Ал кезде менин байлыгым жок болчу. Ал эми Нинанын артынан чуркаган жигиттердин дээрлик баары байдын балдары эле. Ошентсе да Нина мени тандап, «сен үчүн баарына даярмын» деген сөздөрүн айткан. А мен болсо калган өмүрүмдү аны менен чогуу өткөрүүгө сөз бергем»,- дейт бул тууралуу Жет Ли. Өз сөзүнө турган актёр учурда Нина менен ынтымактуу турмуш кечирүүдө. 2000-жылы жубайлар кыздуу да болушкан. Ал эми актёрдун жубайы Нина үйбүлөлүк турмушту биринчи орунга коюп, жолдошу жана кызы үчүн кино карьерасын биротоло токтоткон. Бул болсо Линин бактылуу адам экендигин дагы бир ирет даңазалап турат. Анткени, актёр «алган жарың үйүңдө балаңды багып, тамагыңды бышырып, үйбүлө очогун жандырып турса, мындан өткөн бакыт жок» деп жар салып келет эмеспи. Ал эми жолдошунун бул сөздөрүн колдогон Нина учурда үй кожойкеси. Буга жооп катары Ли дагы жубайына керектүү жерде колдоо көрсөтүп туруу өз милдети экендигин унутпайт. Актёрдун Нинанын кош бойлуу учурунда анын жанында болуу үчүн киного тартылуусун толук бир жылга токтоткондугун өз сөздө­рү­нүн далили катары кароого болот. Ынтымактуу үй­бү­лө учурда Пекин шаарында жашашат.

Даярдаган Чолпон Сүйүнбаева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
15.11.2012. 01:46 
Тайпасы:
Тартип бузгандар
Комментарийлердин саны:
42
Катталган:
24-08-2011
Соӊку аракети:
28-04-2014 16:59
Жынысы:
Белгисиз
+1
Аябай жагат мага Ли
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: