Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЖАЛ ТООРУГАНДАГЫ АМАЛ

№276 15-21-февраль, 2008-ж.


Бир күнү Бишкекте, эртеси Москвада же бир көк ирим деңиз жээгиндеги курорттордун биринде эс алып жүрүп күн кечирген Айнура карапайым гана бүлөнүн кызы болчу. Аны мындай май көл, сүт көл турмушка кандуу бир окуя жеткизген. Тагыраак айтканда, өзүн ажал тооругандагы амалы жеткирген.

“ИЛГЕРИ КӨРҮП ЖҮРГӨНДӨЙМҮН, БИРОК...”
– Аскар, тигил айымды тааныйсыңбы?
Залдагы шатыра-шатман көңүл ачкан конокторду маашырлана тиктеп турган Аскардын оюн жанына келген Эрмек бузуп жиберди.
– Кимди айтасың?
– Тээтигинде узун кара көйнөкчөн, колуна бокал кармаган айым турат го.
– Эмне, сенин да көзүң түшүп калдыбы? Мм-м, дос, түшүнөм баарыңды. Мындай сулууга кимдин эле сугу артпасын. Бирок, “кайырмакка илинтем” деп үмүт этпей эле кой. Жанындагы Хасанды көрдүңбү? Кареги менен тең айланып жүрөт. Кыйын кыз экен Хасандай чириген байды минтип чимирилтип алган. Мен өзүм деле жакшы билбейм. Бир ай мурун казинодо Хасан тааныштырган. Көзү кылгырганынан эле байкабайсыңбы, оңой жан эмес.
– Аты ким экен?
– Жамал.
– Аа-а...
Кол булгай басып кетмекчи болгон Эрмекти Аскар токтотуп калды.
– Дос, карасаң, бул айымды илгери көрүп жүргөндөймүн. Баскан-турганы, сүйлөгөнү өтө эле тааныш. Бирок, мындай капкара каректерди көрбөгөм. Түшүнүп болбойт. Баятан бери андан көз албай тиктеп турам.
Аскар аны кимге окшоштуруп жаткандыгын билип турса да, Эрмек досунун кебин укмаксанга салып, ары басып кетти.
Аскар менен Эрмек көп жылдан бери арасынан кыл өтпөгөн жакын достордон. Экөө тең акчанын жытын алыстан илгиртпей сезген айлакер болгондуктан, шаардагы «мен» деген байлардын катарында. Бүгүн Аскардын түнкү клубуна анын кезектеги бир айымынын туулган күнүн белгилегени чогулушкан.

“ЭЧ НЕРСЕ КӨРГӨН ЖОКСУҢ, БИЛГЕН ЖОКСУҢ”
– Аскар Кемелович, бул документке кол коюп... Кечиресиз, мен байкабай кирип ...
Кабинеттеги шефинин колундагы жалаңдаган бычактан кан шүүшүндөп агып жаткан экен. Жерде канга боёлуп сулк жаткан аялды тиктей көздөрү чанагынан чыгып кете жаздаган Айнура чыккыча шашты.
– Айнура, токто! Бери кир!
Көздөрү бир башкача күйүп, кебетеси коркунучтуу болуп турган Аскар саамга мукактанып туруп калды.
– Жети түнгө чейин үйүңө кетпей жумушта эмне кылып жүрөсүң?
– Өзүңүз бул документтерди бүгүн даярдап бүтүп кет деген элеңиз...
– Аа, шайтан алгырдыкы! Эсимден чыгып кетиптир. Эмесе, мындай, сулуу. Бул жерден эч нерсе көргөн жоксуң, билген жоксуң. Түшүнүктүүбү?
– Ооб-ба... Тү-түшүндүм.
– Кел, мага жардам бер!
Полдо буттары дале титиреп жаткан аялды колтуктан алган Аскар тиштене Айнурага кыйкырды.
– Эмне жалдырап турасың!
Бетинен каны кача купкуу болгон кыз калтыраган колдорун аялдын буттарын көздөй суна берди. “Адам каза тапканда оор болуп калат” деп уккан жайы бар эле. Ошол чын окшойт. Канга боёлгон аялдын денесин чоң сумкага экөөлөп жатып араң салышты. Жеңилдене үшкүрүнүп, алаканын ушалаган Аскар дирилдеп коркуп турган кызды тиктеп калды.
– Сен акылдуу кызсың. “Башым ийинимден ыргып кетпесин” десең, үн чыгарбай жөн жүргүн, макулбу? Эми документтерди столума кой да, жолуңа түш.
Ошол түнү Айнура уктай албай койду. Тырышып өз күчү менен жакшы окуган ал шаардагы арабдар менен чогуу иштешкен фирмада иштеп жаткан. Фирманын Кыргызстандагы бөлүмдөрүн Аскар, Эрмек экөө башкарышаар эле. Аскар өз ишин мыкты билген чырайлуу Айнурага өзгөчө жакшы мамиле кылчу. Жанагы кабинеттен көргөнү көз алдынан кетпей, эмки тагдыры кандай болоорун билбей тынчы кетип жатты. “Жанагы канга боёлуп жаткан аял ким эле? Киши өлтүрүүгө Аскардын кантип дити барды? Кылмышын көрүп койгонум үчүн шефим эми мени соо коёбу?” Ойлонуп жатып башы сынчудай ооруп чыкты. Айласы кеткенде: “Эртең жумушка бараарым менен арыз жазып бошонуп кетейин. Ач кулактан тынч кулак. Эптеп бир жерден жумуш таап алаармын”,- деп чечти. Бирок, жумуштан бошоп кетүү оңой эмес экенин бат эле түшүндү. Арызын окуган Аскар көзүнөн жаш чыккыча каткырды.
– Ай, боорум, ай. Айнура, адамды келесоо кылгың келдиби же чын эле ушунчалык аңкоосуңбу? Элестет, кабинетимде болгон окуяны көрүп калган кызматкерди мен “кайда барсаң төрт тарабың кыбыла” деп коё берет экенмин да. Менден чыгып алып кайда барууну пландаштырдың? Түз эле милициягабы? Өзгөчө оор кылмышты жасап, адам өлтүргөндүгүм үчүн он беш жылга абакка салдырайын дедиңби? Билип кой! Ал иштин изин өзүм бир жаңсыл кылмайынча сени бошотпойм. Бир жакка качып кетем деп ойлобо. Жакшысы, тилди тишке катып, баягыдай иштеп жүрө бер.

“ТЕЗИНЕН АНЫ ЖОГОТУУ КЕРЕК!”
Ошентип, айласыз байланган Айнура иштеп кала берди. Дилинде жанагы кокустан күбө болуп калган жаман окуяны унутуп салууга аракет кылды. Бирок, ал окуя тууралуу дагы кокустан бир маалыматты угуп калды.
Ал күнү официант болуп иштеген курбусун күтүп кафеде отурган. Кардарлардын көптүгүнөн курбусу бошой албай, Айнуранын каршы болгонуна койбой випзалдардын бирине киргизип, отургузуп койгон эле. Эригип отурган кыз артындагы коңшу залдан тааныш үндү угуп калды.
– Башка айла кыла алган жокмун. Түрктөр менен сүйлөшүү жүргүзүп жатканыбызды жаздырып алган экен. Шантаж кылып: “Эки бөлмөлүү үй алып берсең, кассетаны сага берем. Болбосо, жең ичинен түрктөр менен соода кылып жатканыңарды араб шефиңе жеткизем, менин байланыштарым бар”,- деп коркутпадыбы. Кийин билсем, ал араб биздин шаарда жашап жүргөнүндө үйүндө үй кызматчы болуп иштеген экен. Ал-жай сурашып турушат окшойт. Биздин иш кокус анын кулагына жетсе, анда күнүбүз бүттү дей бер.
– Тигил аялды эмне кылдың, ошону айтчы?!
– “Квартиранын документин даярдадым, сен кассетаны алып кел. Алмашабыз. Кокус, кассетаны көбөйтүп жаздыра турган болсоң, күнүм бүттү дей бер” деп коркуткам. Кассетаны көтөрүп алып кеңсеме келиптир. Башка жайга чакырсам көнбөй койгон. Коркту окшойт. Кеңседеги элдин баары кеткенде көзүн тазалап таштадым.
– Чын эле баары кетти беле?
– Кандай десем...
– Сенин “кандай десем” дегениңдин кереги жок. Баары кетти беле?
– Эсепчи Айнура бар эмеспи, ошол көрүп калды. Аны бир күн ичинде отчёт даярдап бер деген элем. Унутуп калыптырмын. Кол койдурам деп кирип көрүп калды.
– Сен, келесоо, алды-артыңа карап иш кылбайсыңбы! Анан Айнураңды эмне кылдың?
– Жакшылап коркутуп койдум.
– Аскар, тезинен аны жоготуш керек. Түшүнүп атасыңбы?
Экөө кепке кызуу кирип калгандыктан, кошуна залда отурган Айнураны байкашкан жок. Кичинекей випзалдардын каалгалары жок жасалган болчу. Дубалга калкалана караган кыз Аскар менен Эрмек сүйлөшүп отургандыгын көрдү.
Эки күндөн соң Айнура жоголуп кетти. Аны менен кошо фирмадан олчойгон суммадагы акча да жоголду. “Көздөрү жалдырай элейген бул кыздын колунан эч нерсе келбейт” деп туура эмес иш кылганын билген Аскар жер муштап кала берди. Байланыштары аркылуу эки жыл издетти. Тимеле кумга сиңген суудай дымы чыкпай койду.
Андан бери алты жыл өттү. Арабдар менен түзүлгөн келишимди аман-эсен аягына чыгарган эки дос ошондон соң чет жердиктер менен иштешүүнү токтотуп, өз алдынча бизнес түзүп, иштеп кетишкен.
Аскарды шантаж кылам деп анын колунан каза тапкан аялдын артынан издеп алаары жок болчу. Дайынсыз жоголгондордун катарында милициянын тизмесинде жүрүп, унутта калды. Бирок, Айнуранын дайынсыз жоголуп кетиши Аскарга да, Эрмекке да тынч уйку бербей, ушунча жылдан бери кандайдыр түпөйүл санаа менен жашатып келе жаткан эле.

СЫР КАТЫЛГАНДАЙ ТАБЫШМАКТУУ КАРЕКТЕР
Жанындагы жигитти эркелете мурдунан чымчып, экилене күлгөн сулуу айымдан Аскар дале көзүн ала албай тура берди. Жигиттин өзүнөн көз албай тигилип турганын Жамал да байкап, колундагы бокалын столго коюп түз эле Аскарды көздөй жөнөдү. Кылгырган көздөрдүн тереңинде кандайдыр сыр катылып жаткансыйт...
– Сизди бийге чакырсам болобу?
– Эмне үчүн болбосун?! Сиздей сулуу менен жан деп бийлебейбизби.
– Туулган күнүн белгилеп жаткан сулууңуздун жини келбейби?
– Мен бирөө менен бийлөө үчүн андан уруксат сурап отурбайм.
Дене-мүчөсү келишкен кызды кучагына алган Аскар магдырай жай музыкага термелип, эмелеки ичиндеги тынчсызданууну унута түштү. Балким, илгери Айнура менен бийлеп көргөн болсо, азыр аны кучактап бийлеп жатып таанып калаар беле... Өзүнө сырдуу жылмайып алып бийлеп жаткан Жамал фирмадан алып качып кеткен акча менен бетине пластикалык операция жасатып, кой көз карегине линза салдырып кара каректүү болуп, аты-жөнүн өзгөртүп алган Айнура экенин Аскар билген жок.

Даярдаган Айбек Нурадилов.
Сүрөтчү Ренат Мамытбеков



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: