Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БАҢГИЗАТЫНА БАЙЛАНГАН ЖЫЛДЫЗДАР

№277 22-28-февраль, 2008-ж.


Баңгизаттарын колдонуу акыркы кездерде катардагы көрүнүшкө айланып баратканы – ачуу чындык. Мындай көрү­нүш­ жө­нөкөй калк арасында гана кездешпестен, жер бетиндеги элге үлгү болчу атактуу жылдыздардын арасында да өөрчүп кеткени өкү­нүчтүү. Бүгүнкү «Дүйнө жылдыздары» рубрикабызда жагымсыз болсо да кызыгууну арт­тырган баңгизаттарын колдонгон айрым жылдыздар туурасында сөз козгосок...

ИРИНА АЛЛЕГРОВА
Россия эстрадасынын кадырман ырчыларынын бири Ирина Аллегрованы баңгизаттарын колдонот деп ким ойлоптур. Бирок, мындай сенсациялуу кабарды тараткан грузин улутундагы орусиялык журналист Отар Кушанашвили муну менен эле тим болбостон, Аллегрова тууралуу дагы бир таш жарган маалымат берген. Анын айтымында, ырчы баңгизаттын даамын алгачкы жолу 19 жашында татып көргөн. Учурда “Ирина баңги дүйнөсүнүн туруктуу тургуну” деп да айтып жүрүшөт. Ырчынын “мени башынан эле көпчүлүк жеңил ойлуу деп ойлошот. Анткени, жашоодо мен баарын татып көргөм. Күнүмдүк турмуш маселелерин унутуу, көңүл ачуу максатында кээде баңгизаттарынын жеңил түрүнөн колдончумун. Эки-үч жолу Алла Пугачёва экөөбүз чогуу да колдонуп көргөнбүз” деп жакындарынын бирине айткан сөзү интернет түйүндөрүнө тарап кеткен.

АНТОН ЗАЦЕПИН
Кээ бир маалыматтарга караганда, учурдагы Орусия ырчыларынын 50 пайызы баңгизаттарын колдонушат. Алардын ичинен 30 пайызы баңгиликке биротоло отуруп калгандар экен. Эгерде мындай статистикалык маалымат мурдараак чыкканда, мүмкүн мунун айынан каза тапкан Мурат Насыров сыяктуу көрүнүктүү инсандар терең ойлонушуп, аман калышмак беле, ким билет. “Фабрика звёзд” теледолбоорлорунун катышуучулары тууралуу да өкүнүчтүү жаңылык бар. Мүмкүн бул дагы ырчылар арасында модага айланган пи-ар маалымат чыгаар, ким билет. «Выше ростом только Губин...” деп ырдаган Антон Зацепин азыр кайда? Эмнеге чыкпай калды?» деп күткөн күйөрмандарынын арасында биздин мекендештерибиз да көп болсо керек. Көрсө, өзүнө-өзү терең ишенген ырчы Антон учурда баңгинин кумарында балкып жаткан кези экен. Алтургай “Антон теледолбоор жүрүп жаткан маалда эле баңгизаттарын колдончу” деген да сөздөр бар.

ДИМА БИЛАН
Акыркы күндөрү Дима Билан тууралуу да жагымсыз кабарлар тарай баштады. Алардын башкысы – Диманын баңгизаттарын колдонгондугу. Ырчынын продюсери Яна Рудковскаянын жолдошу Виктор Батуриндин айтымында, Дима мурдатан эле бул азгырыктын артынан ээрчий баштаган, бирок, акыркы күндөрү эл алдына да баңгинин кумары менен чыгып, керек болсо, мунун айынан кээ бир концерттерин токтотууга туура келип жатат. Ал эми акыркы жолу Диманы СТС каналы өз берүүлөрүнүн бирине тартылып берүүсүн суранып чакырышканда, элге көрүнүүгө мүм­күн эмес болгон абалда келген. Акыркы күн­дөрү интернет түйүн­дөрүнө чыккан Диманын баңгизаттарын колдонуу учурундагы тасмасын көрүп, жа­ның кейийт экен.

ЛИНДСЕЙ ЛОХАН
1986-жылы дүйнөгө келген америкалык атактуу актриса жана ырчы Линдсей Лохандын да баңги экендиги бир жылдан бери бардык массалык маалымат каражаттарында таратылып жүрөт жана муну көпчүлүк билсе керек. Бирок, актрисанын эң тажрыйбалуу жана баңгизатын баарынан көп колдонгон адам катары биле беришпейт. Таңкалыштуусу, Линдсей бир түн ичинде көбүрөөк өлчөмдөгү 20 жолчого тизилген кокаинди жыттай алат экен. Ал эми Линдсейдин баңгизаттарына биротоло берилип калганын өзүнүн атасы Майкл Лохан кабарлаган. “Бул – түздөн-түз мүрзөгө карай жол”,- дейт ал.

ЛОЛИТА
Былтыркы жылы “ырчы Лолита да баңгизаттарын колдонот экен” деген кабар тараган болчу. Ырчы бул “деңгээлге” жеткенге чейин “алкаш” деген атка да конгон. Маалыматтарга таянсак, Лолитанын бул жолго түшүп кетишине мурунку жолдошу Александр Цекало күнөөлүү. Себеби, ырчы тамекини да жолдошу менен ажырашкандан кийин тарта баштаган. Ошондон бери бул көрүнүш күчөп отуруп баңгизаттарына жеткен. Бирок, ырчы бул кабарды тастыктаган жооп сөз айткан эмес. Ошентсе да “шамал болбосо чөптүн башы кыймылдабайт” демекчи, көпчүлүк “Лолита баңгинин жеңил түрүнө баш ийип калган” деген ойдо кала берди.

БРИТНИ СПИРС
Ооба, бул ырчынын баңгизаттарды колдонгондугу сизге жаңылык болбошу мүмкүн. Мунун айынан бир канча акылга сыйбай турган жоруктарга барганын да билсеңиз керек. Бирок, Бритнинин баңгизаттарына баш ийип калгандыгы бизге 2003-жылы жеткени менен ырчы бул “тамактын” даамын 16 жашында курбулары менен алгачкы жолу татып көрүптүр. Бул тууралуу Бритнинин ошол кездеги курбулары өздөрү кабарлашкан. Ал эми кош бойлуу учурунда баңгизаттарынан баш тарта албастан кээде марихуанадан жыттап алгандыгы үчүн мурунку жолдошу Кэвин Федерлайндан жаза алчу экендигин угуп таңкаласың. Буларды угуп, Бритнинин балдарынын денсоолугуна кабатырланбай коюу мүмкүн эмес. Анткени, ошол эле учурда балдардын атасы Кэвин да баңгизаттарынын кумарына көз каранды эле.

ДРЮ БЕРРИМОР
33 жаштагы Голливуд жылдызы Дрю Берриморду да баңги дүйнөсүнүн “кадырман” айымдарынын бири катары кароого болот. Анткени, Дрюнун баңги экендигин тастыктаган маалыматтар бар. “Акчанын көптүгү да түздөн-түз баңги дүйнөсүнө жетелеп барат” деп да айтып жүрүшөт эмеспи, себеби, баңгизаттары арзан эмес. Актрисанын жакындарынын айтымына караганда, Дрю кээде жумасына баңги кумары үчүн 3 миң доллар акча коротот экен. Бул биздин курска которгондо 108 миң сомдун тегерегине жетет. Ал эми бул кумар үчүн мындан да көп акча короткондор бар. Мисалы, дагы бир Голливуд актёру Робин Уильямс өмүр­үндө кокаин, героин, марихуаналарды сатып алуу үчүн эле 15 миллиондон ашык доллар акча сарптаганын кабарлаган.

Булардан тышкары баңгизаттарын колдонгон дүйнө жылдыздарынын тизмеси узун. Мисалы, Уитни Хьюстон, Пэрис Хилтон, Кэмерон Диас, Миша Бартон, Шарлиз Терон, Питт Доэрти, Кейт Мосс, Снуп Дог, Роберт Блейк, Гейл Портер, Нев Кэмпбелл жана башкалар. Ошондой эле орус ырчыларынан Тимати, Децл, Лариса Долина, Сергей Лазаревдер тууралуу да айтып жүрүшөт.

Бетти даярдаган Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: