Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МОСКВА КӨЗ ЖАШКА ИШЕНБЕЙТ

№278 29-февраль - 6-март, 2008-ж.


Орусиянын “Биздин кино” фондунун барктуу текчесинде сакталган бул тасманын жаралганына дээрлик 30 жыл болду. Өз убагында эң баалуу сыйлыктарга жетишкени менен бул тасманын режиссёрун өкүнткөн көп нерселер бар экендигин көпчүлүк биле бербесе керек. Тасманын жаралышы, тартылышы жана башка сырлары жөнүндө маалымат бул макалада...

Режиссёру – Владимир Меньшов
Сценарийин жазган – Валентин Черных
Композитору – Сергей Никитин
Ролдордо: Вера Алентова (Катерина), Алексей Баталов (Гоша), Ирина Муравьёва (Людмила), Раиса Рязанова (Антонина), Наталья Вавилова (Александра), Александр Фатюшин, Борис Сморчков, Олег Табаков жана башкалар

КЫСКАЧА МАЗМУНУ
Москва. 1950-жылдар. Үч элеттик кыз борбор калаага бакыт издеп келишти. Людмила нан бышыруучу цехте иштейт. Антонина кесиби боюнча шыбакчы. Катерина болсо заводдо жумушчу. Үчөө тең жатаканада жашашат, үчөөнүн тең кыялы – чыныгы сүйүүнү кезиктирип, турмушка чыгып, бактылуу турмуш куруу. Тоня жөнөкөй жумушчу жигит менен, Люда келечеги кең хоккеист менен таанышат. Эки жак тең үйлөнүү тою менен аяктайт.
Ал эми Катеринанын турмушу бир аз башкача түзүлүп калат. Рудольф аттуу телеоператор Катянын ишенимине кирип, качан анын боюнда бар экенин билгенде таштап кетип калат.
Жылдар өтүп, каармандардын турмушу да өзгөрөт. Тоня бактылуу үйбүлөнүн энеси, Люданын хоккеисти аракеч болуп кеткен, ал эми Катя кызын жалгыз тарбиялап, ири мекеменин мүдүрү болгонго жетишет. Жалгыздыгына ызаланып түн­күсүн жаздыгына жатып ыйлаган Катерина күн­дөрдүн биринде өзүнүн жашоосун өзгөртө турган бир жакшы адам менен таанышат.

ТАСМАНЫН ТАРЫХЫ
Мындан 30 жыл мурун Москва тууралуу дилбаян, киносценарий, документалдык фильмдерге конкурс жарыяланган. Эң мыкты үч долбоордун ичинде жазуучу Валентин Черных жазган “Москва көз жашка ишенбейт” деген сценарий бар эле. Черных бул сценарий жөн гана сынакта орун албастан, кино болуп тартылышын каалаган да, алгач сценарийин тажрыйбалуу режиссёрлорго окутуп көргөн. Бирок, алардын бирөөсү да бул долбоорго кызыгышкан эмес. Ошондо Валентин Черных жаңыдан карьерасын түзүп келаткан үйрөнчүк режиссёр Владимир Меньшовго эмгегин сунуштаган.
Адегенде Меньшов да окуянын мазмунуна өтө көп маани берген эмес. Жаш режиссёрду бир гана нерсе кызыктырып калган. Сценарийде башкаарман Катерина ойготкуч саатты бурап, жатаарда ыйлап атып уктап калган. Ал эми ойгонгондо арадан 20 жыл өтүп кеткен болот. Меньшов алгач «сценарийдин бир нече бетин окубай калгам» деп ойлогон. Анан «ушул эпизодду кантип тартса болот?» деп өзүнчө кыялданып баштаган.

«БРЕЖНЕВГЕ ЖАГЫПТЫР...»
Черных менен Меньшовдун киносу элге сунулаардан мурун үч электен өтүшү керек эле: Сизов, Гришин жана Брежнев. “Мосфильмдин” көркөм кеңешинин төрагасы Сизов баш болуп кеңештин бардык мүчөлөрү өтө каардуу, олуттуу адамдар эле. Сценарист менен режиссёр алардын чечимин укканча шашышкан. Тасманын ар бир эпизодун талдап чыккан соң көркөм кеңеш фильмди мурда салтка айланып калгандай чоңдордун дачасына жеткирип барышкан. Фильмдин жаратуучуларынын да, көркөм кеңештин да корккондору – маданият министри Гришин эле. Эгерде ал мазмунун жактырбаса, анда фильмдин келечеги жок болмок. “Жактырдыбы?” деген Меньшовдун суроосуна Сизов колун шилтеп: “Гришин жактырбаса койсун. Башкысы, Брежневге жагыптыр”,- деп жооп берген. Ошентип, бул тасманын тагдыры чечилген.

«ОСКАРГА» ЭЭ БОЛГОН ТАСМА...
“Москва көз жашка ишенбейт” фильми бүткүл СССРдин, жакынкы чет өлкөлөрдүн, Европа жана Американын кинотеатрларына коюлган экен. Тасманы туура 100 өлкө сатып алганын жана биринчи эле жылы аны 90 миллион адам көргөнүн статистика билдирет. “Мосфильмдин” почтасына мүшөк-мүшөк каттар келип түшкөн.
АКШда 12 айдын ичинде 2,5 миллион доллардык киреше топтогонго үлгүргөн тасма 1981-жылы Американын эң престиждүү киносыйлыгы болгон “Оскарды” “Эң мыкты чет өлкөлүк тасма” номинациясы боюнча жеңип чыккан. “Москва көз жашка ишенбейт” деп дүйнөнүн эң чоң өлкөлөрүндө афишалар илинип, эң мыкты кинотеатрларда бет ачарлар башталган. Бирок, ошол бет ачарлардын биринде да режиссёр Меньшов катышкан эмес...

...ЭЧ НЕРСЕГЕ ЭЭ БОЛО АЛБАГАН РЕЖИССЁР
Белгисиз себептерден улам Меньшовду бир да өлкөгө тасманын бет ачарына жиберишкен эмес. Тасмадан түшкөн кирешеден дагы режиссёрдун чөнтөгүнө бир да тыйын түшпөгөн. Мунун себебин билүү үчүн Меньшов ар бир чоңдун эшигин каккылай берген.
Акыры ал эки себептен “жазалангандыгын” билген. Биринчиси – өлкөдөгү экинчи адам болгон Подгорный отставкага кеткенде “адамды эч бир себепсиз кетиргендери туу­ра эмес” деген сөзү. Экинчиси – түркүн азык-түлүккө бай чет элдик дүкөндү мактап койгону эле. Ушул эки болбогон себеп үчүн гонорардан куру калган Меньшов: “Мен эч өкүнбөйм дагы, даттанбайм дагы. Негизгиси, үйдө “Оскар”, эл арасында менин баркым бар”,- деп гана айта алат.
Ал эми аталган “Оскарды” тапшыруу аземине Меньшовдун ордуна Америкадагы Совет элчилигинин өкүлү баргандыгын эртеси бардык гезиттерде уяттап, шылдың кылып жазып чыгышкан. Ошондо гана чоңдор өз каталарын түшүнүшүп, режиссёрго баш көтөрө алышкан эмес. Бирок, болоор иш болуп, Меньшов алтын “Оскардан” башка эч нерсеге ээ боло алган жок.

АКТЁРДУК ТОП
“Москва көз жашка ишенбейт” фильми жарык көргөндө анын эл арасында чоң популярдуулукка жетишинин бир сыры – актёрдук состав эле. Тасмада башкы ролдор гана эмес, экинчи пландагы каармандардын образдары да чоң мааниге ээ.
Катеринанын ролу ошол жылдардын эң атактуу актрисалары И.Купченко менен М.Терёховага сунуш­талган. Биринчисине сценарий анча жаккан эмес, экинчиси “Мушкетёрлор” тасмасын көбүрөөк жа­ктырып, ролдон баш тарткан. Ушул себептен бул роль убагында анча тааныла элек жаш актриса В.Ал­ен­товага тапшырылган.
Гошанын ролуна татыктуу актёрлорду Меньшов эмнегедир жалаң 40-45 жаштагылардын арасынан издей берген. “Сценарийди окуп көрүңүз» деп Олег Ефремов, Вячеслав Тихоновдорго кайрылган. Бир күнү режиссёр сыналгыдан эски фильмди көрүп отуруп капыстан Алексей Баталовду байкап калат. Ошондо дароо башкаармандын ролун аткаруучу актёрду тапканын сезген. Баталов да өз кезегинде көп ойлонбостон макулдугун берген.

УЛАНДЫСЫ БАРБЫ?
Жакынкы арада интернетте “Меньшов атактуу фильмдин “Москва көз жашка ишенбейт. 20 жылдан кийин” деп аталган уландысын тартат экен” деген маалыматтар пайда болгон. “Режиссёр Александрадан (Н.Вавилова) башка тасмага тартылган бардык актёрлорду таап, алар менен жаңы тасма жөнүндө талкуулап жатат” деген сөздөр азырынча тастыктала элек. Балким, Меньшов да “Тагдыр тамашасынын” уландысын тарткан киночулар сыяктуу (алар жаңы кино тартып жаткандарын 6 жыл жашырышкан) бул нерсени азырынча сыр кылып турайын деп жаткандыр.

КЫЗЫКТУУСУ...

  • Чет өлкөлүк прокатка чыгаарда тасма англис тилине которулган. Бул вариантында актёрлор өздөрү англис тилинде сүйлөп, үндөрүн жаздырышкан. Бардык актёрлордун чет тилде мыкты сүйлөгөндөрү көпчүлүктү таңкалтырган.
  • Башкаарман Гошанын ролуна көптөгөн актёрлор өздөрүн сунушташкан. Ал талапкерлердин арасында режиссёр Меньшовдун өзү да бар эле. Кийин ал чакан ролду, Гошанын теңтуштарынын бирин аткарган.
  • Журналисттердин кызыгуусун жараткан актриса Наталья Вавилова (Александранын ролун аткарган) бир нече жыл мурун аттан кулап, омурткасын оорутуп алган эле. Ал азыр киного көп тартылбайт. Эксклюзивдүү гүлдөрдү өстүрүү – анын хоббиси. Чиркөөгө барып, кедейлерге, жетимдерге жардам берип турат.
  • Владивостокто “Москва көз жашка ишенбейт” тасмасында тартылган алты актрисанын жашоосун чагылдырган “Алты айымдын тагдыры” деген китеп чыккан. Китеп көпчүлүктүн көңүлүн бура алган жок. Антсе да андан кызыктуу далилдер чыккан. Мисалы, фильмде жеке турмушу ийгиликсиз болуп калган Катерина менен Людмила – чыныгы жашоолорунда бактылуу айымдар. Ал эми сценарий боюнча жакшы турмуш куруп кеткен Антонина өз жашоосунда бакытка жете алган эмес.
  • Өткөн жылы белгилүү орусиялык ырчы, “Звери” тобунун солисти Рома Зверь “Москва көз жашка ишенбейт” тасмасынын негизинде жаңы фильм тарта турганын билдирген. “Мен болгону заманбап жаштар мындай окуяда кандай чечимге барышаар экенин билгим келди, ошондуктан, эски мазмун менен жаңы фильм тартып көрүүнү чечтим”,- дейт Рома. Ырчы режиссёрдук ишин баштадыбы, жокпу, азырынча белгисиз.
  • Актриса Вера Алентова менен тасманын режиссёру Владимир Меньшов институтта окуп жүргөндө таанышышкан да, бирин-бири жактырып баш кошушкан. Чыгармачыл үйбүлөдө ата-энесинен кем калбаган таланттуу актриса, телеалпаруучу Юлия Меньшова төрөлгөн.

Даярдаган Бегайым Мусакеева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: