Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БИТЛЗ

№278 29-февраль - 6-март, 2008-ж.


Англиянын Ливерпуль шаарынан чыккан бул топтун жаратуучусу Жон Леннон топко ат коюуда бир топ талаш-тартыштар жүргөндөн кийин аян түш көрөт. Түшүн­дө кичинекей бала таттуу торттун үс­түндө учуп баратып «топтун аты «Вeetles» болсун» деп кыйкырат. Жон уйкудан ойгоноор замат топко бул атты ыйгарууну чечет да, сөзгө бир аз өзгөр­түү киргизип, атын “The Beatles” деп койгон. Мунун биринчи мааниси «Beetles» – «доңуздар» деген сөздөн алынса, андагы «е» тамгасын «а» тамгасына өзгөртүү менен сөздүн уңгусу «beat» болуп, «бит музыка» деген түшүнүккө да ээ болгон. Бирок, буга чейин 4 жыл бою ар кандай башка аттар менен өмүр сүрүп келген топ бул атка 1960-жылдын апрель айында гана ээ болгон.

“Битлз” ансамблин түзүү идеясы 1955-жылы пайда болгон. Кийинки жылы легендарлуу ырчы жана актёр Элвис Преслинин жана рок-н-ролл жанрындагы атактуу ырчы Билл Хейлинин ырларын уккан Жон Леннон бул жаатта жаңы топ ачуу максатында музыкалык аспаптарда, анын ичинде гитарада ойноону өздөштүрө баштайт. Ал кезде Жон мектеп окуучусу болгондуктан, өзү курактуу таланттуу балдарды чогултуп, алар менен бирге чакан концерттерди уюштура баштаган. Ушундай концерттердин биринде 15 жаштагы Пол Маккартни менен таанышат. Пол ошол кезде эле музыка жаатында өтө таланттуу жигит болгондуктан, алардын аткарган ырлары акырындык менен эл арасына сиңе баштайт. Көп узабай бул жаш ырчылардын катарына Полдун жакын досу Жорж Харрисон келип кошулган. Аты аталган үчөө топтун негизги өзөгүнө айланып, алардын катарындагы башка балдар өздөрү эле акырындык менен топтон четтей башташат. Алгач үчөө үлпөт тойлордон, жеке кечелерден тапкан акчаларын чогултушуп, жаңы ырларды жаздырууга өтүшөт. Көп өтпөй топту толуктоо үчүн жаш сүрөтчү Стюарт Сатклиффти бас-гитарада ойноочу, ал эми Питер Бестти барабанчы катары өздөрүнүн катарына кабыл алышкан. Ошентип, толук кандуу топ 1957-жылдын 13-октябрында түзүлгөн.
Толукталган топ 1960-жылы Германиянын Гамбург шаарында алгачкы концертин коюп, атактуулуктун биринчи баскычтарын багынткан. Күндүз чакан клубдарда, кечкисин концерттерде жана түнкүсүн кечелерде ырдаган “Битлз” тобу тынымсыз эмгектенүү менен көбүрөөк акча таап, аны жаңы ырларды жаздырууга жумшоону максат кылып алышкан. Ал учурда акчалары аздык кылгандыктан, топтогу балдар чогуу бир бөлмөлүү батирде турушчу. Кээде ыр жаздырабыз деп ачка калган күндөрү да болгон.
Жумшаган эмгектеринин акыбети кайтып, 1962-жылы “Битлз” тобу бир гана Англия жана Германия элдерине эмес, дүйнө элдерине аты тааныла баштайт. Бирок, көп узабай топтун бир бутагы болгон Сатклифф менен коштошууга туура келген. Анткени, Сатклифф сүйгөнү Кирхер менен Германияда калууну чечип, топ менен гастролду улантуудан таптакыр баш тартат. Тилекке каршы, ошол эле жылы бас-гитарачы Сатклифф мээсине кан куюлуп, Гамбург шаарында каза тапкан. Ал эми гитараны кайрадан эле ырчы Пол Маккартни өз колуна алган. Ушул эле жылы топ алгачкы келишимге кол коюп, продюсер Жорж Мартин менен иштеше баштайт. Жорж топтогу жигиттердин арасынан барабанчы Пит Бест менен тил табыша албай, аны кетирүүнү ойлоп, ар бир кыймылына терс сындарды айтууга өтөт. Ал эми Питтин талапка ылайык чач жасалгасын өзгөртүүдөн баш тартканы аны топтон биротоло четтеткен. Бир айга жетпей анын ордуна Ринго Старр аттуу барабанчы келген.
Төрт жигиттен турган “Битлз” квартети 1964-жылы акырындык менен дүйнөлүк хит-параддардын биринчи катарын ээлей баштайт. Бул жылы биринин артынан бири жарык көргөн ырлар толугу менен 18 ай биринчиликти эч кимге берген эмес. “Мени кубандырчы” аттуу алгачкы альбому да топтун 13-октябрь туулган күнүнө карата чыгарылып, анын бет ачары түз эфир аркылуу дүйнөгө көрсөтүлүп, экран алдына 15 миллион көрүүчү топтогон. Ал эми көрсөтүү бүткөндөн кийин ырчыларды жанынан көрүүнү каалаган жүз миңдеген күйөрман кыздарынын курчоосунан алып чыгуу үчүн атайын куткаруучу полиция кызматкерлери чакырылган ондон ашык машиналардын курчоосунда ырчыларды бир нече сааттан кийин гана араң алып чыгышкан.
Бир айдан кийин эле “Битлз” дагы бир жаңы альбом чыгарууга жетишип, Англиянын Лондон шаарында чоң концерт берет. Ага Англиянын ханбийкеси Маргарита өзү келип катышкан. АКШда топтун популярдуулугун сынаган “Эд Салливандын шоу берүүсү” телеберүүсүнүн атайын чыгарылышында экран алдына чогулган күйөрмандарынын саны 73 миллионго жетип, тарыхта кала турган рекорд коюшуп, «Битлз» эң популярдуу топ» деп табылган.
1964-жылы топтун “Оор күнү кечинде”, 1965-жылы “Жардамга” музыкалык фильмдери жарык көргөн. “Битлз” тобу дүйнөнүн кайсы өлкөсүнө кайсы убакта барбасын аэропорттордо аларды көрүүнү каалаган 3 миңден кем эмес эл тосуп алчу. Мындай атактуулук бул квартетке 32 күн ичинде 35 миң 906 чакырым жерди басып, дүйнөнүн 24 шаарында 31 концерт бергенге шарт түзүп берген.
Олуттуу маселелер “Битлз” тобу үчүн 1966-жылы пайда болгон. Филиппины өлкөсүнө болгон гастролдук сапарында концерттен кийин бул өлкөнүн президентинин алдында ырдоодон баш тарткандыгы үчүн элдер ырчыларды сабап кууп чыгышкан. Бул жолку сапары ийгиликсиз болуп калган “Битлз” Америкага кайтып келгиче топтун мүчөсү Леннондун “жакында христиан дини жок болот, анткени, биз азыр Иисустан да атактуу болуп кеттик” деп мактанган сөзү элге жетип, чоң чыр-чатак жараткан. Бул жолу элинен кечирим сурап кутулганы менен топтогу балдар дүйнөлүк гастролдордон чынында эле тажагандарын айтышып, топту таркатуу сунушун киргизишкен. Жыйынтыгында, 1966-жылы 29-августта жыйынтыктоочу концертин элге тартуулашкан.
Бирок, квартет кийинки жылы кайрадан чогулуп, жаңы альбом жаратууга киришет. Алардын тарагандан кийинки жаралган ырлары мурдагыдан да суроо-талабы жогору чыгармаларга айланып, дагы бир өзгөчөлүк катары дүйнөлүк хит-парадда 88 жума катары менен биринчиликти ээлеп турган. Мунун өзү топтун эң таланттуу экендигин далилдеп, күйөрмандарынын дагы көбөйүшүнө жол ачкан. Ал эми квартеттин “Ошондой боло берсин” аттуу акыркы альбому 1970-жылы жаралган. Тилекке каршы, ушул жылдан тартып ар кимиси өз алдынча болууну чечип, “Битлз” толук кандуу чогуу иштөөсүн биротоло токтоткон. Акыркы жолу залкар таланттардын үчөө 1995-жылы чогулушуп, эски ырларын дагы бир ирет жаздырууга жетишишкен. Ал эми топтун жаратуучусу катары таанылган Леннон 1980-жылы мезгилсиз дүйнөдөн кайткан эле.
“Битлз” тобунун талантынан жаралган айтылуу “Мишель”, “Жашоонун бир күнү”, “Сары субмарина”, “Эй, Жуд” жана башка ырлары улуу муундагы ар бир жарандын жүрөгүндө сакталып калса керек.

ЖОН ЛЕННОН (09.10.1940-08.12.1980)
Ата-энесинин жалгыз уулу. Ата-энеси ажырашып кеткендиктен, үч жашынан баштап таежесинин колунда чоңойгон. 10 жашында апасын көчөдөн мастар сабап өлтүрүп кетишип, Жондун ыр жазуу таланты ошондо ойгонгон. Жашынан эле музыкага жакын болгондуктан, 16 жашында топ ачып, эл алдында ырдоого өтөт. Ал эми жеке жашоосуна кайрылсак, алгач 1963-жылы Синтия аттуу кызга баш кошкон. Ортолорунда бир уулу бар. Кийин 1968-жылы Йоко Оно аттуу сүрөтчү менен кол кармашат. Бул жолу сүйүүсү үчүн өзүнүн Жон Уинстон Леннон деген фамилиясын Жон Оно Леннон деп өзгөртүп алган. Бирок, ушул жылдан тартып баңгизаттарын көп колдонгондуктан, топтогу лидерликти Пол Маккартниге өткөрүп берген. Топтон тышкары өз алдынча чыгарган альбомдору ийгиликке жетишкен эмес. 1980-жылдын 8-декабрында өзүнүн өтө берилген күйөрманы Марк Чэпмен далысына 5 жолу ок атып өлтүргөн.

ПОЛ МАККАРТНИ (18.06.1942)
13 жашында апасы рактан каза таап, эрте эле өз алдынча болууга туура келген. Кичинекейинде үлгүлүү балдардын катарында болгон. “Битлз” тобуна болгону 15 жаш курагында келип, азыркыга чейин музыка дүйнө­сүнөн алыстай элек. Өмүрүндө эки жолу үйлөнгөн. Биринчи жубайы Линда, ал эми экинчи жубайы Хизер Миллс. Хизерге үйлөнөөр алдында үйбүлөлүк мүлктү бөлүштүрүү келишимине кол койбогондуктан, кайрадан ажырашкандан кийин экөө баш кошкондон кийинки кирешенин жарымын бөлүшүүгө туура келген. Бул болсо “Хизер жылына 48 миллион доллар алып турат” дегенди билдирет. Ортолорунда бир кызы бар. Ал эми Хизер автокырсыктан кийин бир бутунан ажырап, майып болуп калган.
Пол тууралуу дагы бир уламыш бар. Кээ бир маалыматтарга караганда, ырчы 1966-жылы эле авторкырсыктан каза тапкан, ал эми учурдагы Полдун ролун аткарган киши чыныгы Полго куюп койгондой окшош адам. Мунун далили – 1966-жылы чынында эле топтун автокырсыкка учураганы жана “Маккартнинин эгиздери” деген конкурстун жарыяланышы.

РИНГО СТАРР (07.07.1940)
Ринго балалыгында жетишпестиктин кыйынчылыгын көргөн. Андыктан, жаш кезинен эле акчанын айынан темир жолдо иштеп күн өткөрчү. “Битлз” тобуна келгенден кийин гана өз таланты бааланып, элге таанымал болууга үлгүрөт. Топтун башка жигиттериндей эле эки жолу үйлөнгөн. Бул топ таркагандан кийин дагы музыканы таштабастан, өз алдынча чыгармачылыгын өркүндөтүүгө жетишти.

ПИТЕР БЕСТ (24.11.1941)
Пит балалыгында ата-энесинин байлыгы менен кененчиликте турмуш кечирген. “Битлз” тобунун барабанчысы Пит үчүн байлык – кол жеткис көрүнүш. Анткени, бул музыканттын учурдагы тагдыры эң өкүнүчтүү. “Жетишпестиктин айынан карып кетти. Алтургай жанында чогуу жашаган эч кимиси жок. Ал эми атактуу топ тарагандан кийинки өз алдынча музыкалык карьерасын улантуу аракеттери натыйжасыз болуп калды” деген кептер эл арасына кеңири тараган.

Даярдаган Чолпон Сүйүнбаева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: