Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЭТЕК КИР УЧУРУНДА КОШУЛУУ ЗЫЯНБЫ?

№279 7-13-март, 2008-ж.


– Аялдын этек кири келип жаткан учурда төшөк кумарына батуу зыянбы? Эгер терс таасири болсо, мага жана күйөөмө кандай зыян келиши мүмкүн? Гүкүн, Бишкек.
– Этек кир келип жаткан учурда жатын кандайдыр бир деңгээлде ачык болгондуктан, инфекция кирип кетиши мүмкүн. Мындай болгон учурда сезгенүү келип чыгып, дарылоону талап кылат. Эркектин уретрасында (заара чыгаруучу канал) кан калып калса да сезгенүү келип чыгат. Андыктан, этек кир учурунда кошулуу жакшы көрүнүштөрдөн эмес.

АЯЛДАРДЫН ЖЫНЫС КЫНЫН КАНТИП КИЧИРЕЙТСЕ БОЛОТ?
– Мен кезектеги баламды төрөгөнүмдөн соң эле күйөөм "алигиң" кеңейип калгансыйт, чарасын көрбөйсүңбү" дей баштады. Ошондуктан, сиздерден "жыныс кынды кичирейтүүгө болобу, болсо кантип?" деп сурайын дегем. Күйөөм айткандай, чара көрбөсөм, ал башкаларга бара баштайбы деп күмөн санап жатам. Айка, Жалалабат.
– Жыныс кынын кичирейтүүнүн бир топ ыкмалары, колдонулуучу каражаттар бар.

  • Атайын дары май

– Аял жыныстык катнаш болоордон 12-20 мүнөт мурун кадимки чалкандан жасалган майдан (дарыканада сатылат) 6 же 8 тамчы жыныс кынынын ичине куюш керек. Чалкан майы жыныс кынынын ичиндеги нервдерди дүүлүктүрүп, булчуңдарды жыйрылтып, жыныс кынын кичирейтет.

  • Шарик менен көнүгүү аркылуу

Секс-шоптон батарея менен иштөөчү шарикти сатып алуу кажет. Ал жыныс кынына салынып, батареясы иштетилет. Шарик термелгенде (вибрация) булчуңдар жыйрылып, чыңалуусу күчөйт. Натыйжада, жыныс кынынын кичирейүүсүнө алып келет. Бирок, буга жетүү үчүн 1-2 ай колдонуу талап кылынат.

  • Таш менен машыгуу

Бул үчүн секс-шоптон же сувенирдик дүкөндөн жумурткадай көлөмдөгү жылмакай, тоголок ташты сатып алуу керек. Ал ташты жип өткөзгүдөй кылып көзөтүү кажет. Же болбосо бышык жипти ташка супер желим (клей) менен желимдөө зарыл (бул таштын жыныс кынында калып калбоосу үчүн керек). Анан ташты ысык суу менен абдан тазалап, самындап жууп, жыныс кынына салып, булчуңдар менен кыпчып, чарчаганча ары-бери басуу керек. Эгер таш жыныс кынынан түшүп кетсе, жууп кайра салып туруу кажет. Ушинтип таш жыныс кынынан түшпөй калгыча машыгуу талапка ылайык.
Минтип машыгуунун натыйжасын билүү үчүн аял колдорун таза жууп, сөөмөйү менен ортонун жыныс кынына салып, кыпчып көрөт. Ушинтип булчуңдардын канчалык өскөнүн билип турууга болот. Бул ыкма өжөрлөнүп машыгууну талып кылганы менен жакшы натыйжага алып келет.

  • Гель, кремдер

Секс-шоптордо, дарыканаларда жыныстык кынды кичирейтүү максатында чыгарылган түрдүү гель, кремдер бар. Ошондон сатып алып, жыныстык кындын ичине сыйпоо кажет.

  • Тампондор

Сыртынан караганда кадимки тампондон анчалык айырмасы жок. Бирок, керектүү дары заттар сиңирилип коюлган. Кошулаардан мурун жыныс кынына салынып, кошулуу алдында алынып коюлат.

  • Жөнөкөй көнүгүү

Көтөн чучук менен ичтин төмөнкү булчуңдарын жыйрып ичке тартып, канча бир мүнөт кармап туруп, кайра коё берүү менен машыгуу керек. Муну унаада баратып же жумушчу орунда иштеп отуруп деле улам-улам кайталап жасай берсе болот. Натыйжага жетүү үчүн 2-3 ай тынымсыз машыгуу керектелет.

  • Операция аркылуу кичирейтүү

Жыныстык кичине эриндердин канча бир бөлүгү бириктирилип, тигилип коюлат. Эскертип кетүүчү нерсе, төрөгөндөн кийин түрдүү жолдор менен кичирейген жыныс кыны кайра кеңейип калат. Андыктан, курсту кайрадан баштоого туура келет.

УМАМДЫН ТЕРИСИНИН ЖАРЫЛЫП, КЫЧЫШТЫРГАНЫ ЭМНЕСИ?
– Үч айдан бери уруктук калтамдын териси кургап, жарылып, кычыштырып келүүдө. Тааныш дарыгерге кайрылсам, сыйпоочу дары май жазып берген эле. Бирок, ал убактылуу эле жардам берип, оорум кайра эле козголуп жатат. Эмне кылсам болот? Нурик, Бишкек.
– Ооруңуздун белгилерине караганда, теринин "грибок" оорусуна чалдыгыптырсыз. Бөтөнчө микроорганизмдер пайда кылуучу бул оору бир нече түргө бөлүнөт. Сиз дерматологго көрүнүп, диагнозуңузду тактатып, анан дарыланууга өтүшүңүз керек.

ТАМПОН ЖЫНЫС КЫНЫНДА КАЛЫП КАЛСА ЭМНЕ БОЛОТ?
– Менин алды жагым сезгенип ооругандыктан, курбумдун кеңеши менен өз алдымча дарыланайын дегем. Бирок, өзүм жасаган тампон тереңге кетип калып, чыкпай калса эмне болот деп ойлоп коркуп жатам. Ошондуктан, "ичте калып калган тампондун кандай зыяны бар?" деген суроомо жооп берип койсоңуздар. Нази, Ош.
– Тыгынды (тампон) кокус тереңге кирип чыкпай калса, анда кан келүү башталат. Кан тыгындыга тосулуп топтолуп, анан ал жер ириңдей баштайт. Эгер ириң канга өтүп кетсе, анда сепсис башталат. Бул болсо өлүмгө алып келиши мүмкүн. Ошондуктан, өз алдынча дарыланбай, гинеколог дарыгерге көрүнүп, дарылануу зарыл.

ЖЫНЫСТЫК ЖАКТАН МЕНИ КУУРЧАКТАР КЫЗЫКТЫРАТ...
– Мен кадимки балдардай эле чоңойгом. Бирок, кичинекейимде эмнегедир чоң, жакшынакай куурчактарга кызыгып, менин куурчагымдын болушун каалачумун. Бир жолу апамдан куурчак сатып беришин сурасам, "сен кыз белең?!" деп катуу урушуп койгон. Балдар менен футбол, согуш оюндарын ойносом деле оюмда куурчак менен ойноону самачумун. Өспүрүм курагымда куурчактар мени сексуалдык планда кызыктырууга өттү. Ошондуктан, эптеп акча топтоп, чоң куурчак сатып алдым. Аны шкафыма бекитип, ыңгайы келип калганда аны менен ойной баштадым. Оюн учурунда кадимкидей дүүлүк­чү­мүн. Бир канча ай өткөндөн кийин куурчактын юбкасынын алдын карап, кармалоо менен өзүмө мастурбация жасоого өттүм. Учурда жалгыз жашайм. Үйдө түрдүү 5-6 куурчак бар жана күн сайын аларды маңдайыма коюп, өзүмө мастурбация жасайм. Кыздар мени абдан аз кызыктырышат. Андыктан, мен келечегимден тынчсызданам. Ушул бойдон калып каламбы? Канткенде жыныстык жактан башка эркектердей жашай алам? Алик, Карабалта.
– Сизге айтаар кеңеш: сексопатологго же психиатрга көрүнүүңүз кажет. Психиатрлар көпчүлүк ойлогондой шизофрения менен ооругандарды гана дарылабастан, башка психикалык ооруларды да айыктырышат. Албетте, дарылоодо мүнөз менен тарбиянын өзгөчөлүгү сөзсүз эске алынат.

ДҮҮЛҮГҮҮНҮ БАСУУЧУ КАРАЖАТТАР БАРБЫ?
– Мен заказ менен элди узак жактарга ташыган таксичимин. Иш менен жүрсөң деле төшөк кумарын эңсебей коё албайсың да. Кээде дүүлүгүп, жаман болом. Эми сиздерге "дүүлүгүүнү жана жыныстык тартылууну басуучу каражаттар барбы, болсо аларды кайдан сатып алууга болот?" деген суроону бергим келет. Ташы, Талас.
– Дүүлүгүүнү басуучу каражаттар бар. Бирок, алардын көбү психотроптуу каражаттар болгондуктан, ойлоо жөндөмдүүлүгү менен эске тутууну төмөндөтүшү мүмкүн. Ошондуктан, андай каражаттарды колдонууга кеңеш бербейт элем. Ал эми абалдан чыгуу үчүн өзүңүздү башка нерселер менен алаксытыңыз же мастурбация ыкмасын колдонуңуз.



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
20.11.2012. 01:39 
Тайпасы:
Тартип бузгандар
Комментарийлердин саны:
383
Катталган:
24-08-2011
Соӊку аракети:
28-04-2014 16:59
Жынысы:
Белгисиз
+3
Ташы дуулуккон жакшыго анда машинана куурчак салып жур дайым жолго чыгаарда ,багажникке салып кой пайдасы чон тиет.
31.01.2017. 16:35 
Тайпасы:
Жаран
Комментарийлердин саны:
245
Катталган:
24-10-2016
Соӊку аракети:
16-11-2018 14:12
Жынысы:
Белгисиз
0
Ташы. Талас. Бардык жерде сойкулар бар го, презервативди ал дагы бара бер. Аялынын койнунан азыр эле чыгып барып атышпайбы, сен го алыс сапар журот экенсин. Аялынды ушунчале катуу жакшы коруп, башка аялга барбайм десен анда,резина кукланы интернеттен заказ кылып алып ал.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: