Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЮРИЙ ШАТУНОВ

№280 14-20-март, 2008-ж.


Дагы бир жолу 80-жылдардын жылдыздарына эшик ачтык. Бул жолу Юрий Шатуновдун өмүр-чыгармачылыгына сапар алабыз.
Билесиздерби, Юрий үйбүлө куруп, учурдагы жубайы Светланага баш кошоор алдында ага катуу талап койгон экен. Анда “ырчынын аялы болуу – өзүнчө бир өтө оор “кесип”. Мен бир жылда үйгө болгону үч-төрт жолу гана келишим мүмкүн. Балким, андан да азыраак. Сен мунун баарына чыдашың керек” деген сөздөр камтылган. Ал эми учурда уулдуу болгондон кийин Юрийдин айткандарынын баары тескерисинче болуп, өзү кожойкенин ролунда үй жыйнап, тамак бышыргандан тышкары, баласынын кирлерин да өзү жууп, чыгармачылыкка да жетишип келатканы кызык...

Көпчүлүк менен бирге балдар үйүндө тарбияланып жаткан канчалаган жетим балдардын да кумирине айланган ырчы Юрий Шатунов 1973-жылы 6-сентябрда Башкортостандын Кумертау шаарында төрөлгөн. Бул шаарда болочок ырчы 8 жашка чыкканча жашайт. Бирок, андан кийин кичинекей Юраны турмушу жетим балдар үйүнө байланууга аргасыз кылган. Бул атасынын да, апасынын да дүйнөдөн эрте кайтып кеткендиктерин билдирбейт. Анткени, ыр­чынын атасы Василий Клименко азыр да тирүү жана учурда айдоочулук менен күнүн көрөт. Ал эми апасы Вера Шатунова уулу Юрий сегизге толгондо жүрөк оорусунан каза тапкан. Юра үч жашка чыкканда ата-энесинин бири-бири менен тил табыша албай ажырашып кеткендиктерине байланыштуу атасыз калган болсо, дагы беш жылдан кийин апасынан түбөлүккө айрылат. Күнөөсүз жетим калган жаш Юрийди 12 жашка чейин таежеси тарбиялап, андан кийин апасынын 5 биртууганы болгонуна карабастан, өз таенесинин демилгеси менен жетимдер үйүнө тапшырышкан. Бир жылдан кийин Оренбург шаарындагы №2-интернат-мектебине которулган. Бул убакыт аралыгында болочок атактуу жылдыз бир топ кыйынчылыктарды башынан кечиргени айтпаса белгилүү болсо керек. “Ата-энем болбосо да, жакын туугандарым бар туруп аларды көрө албаганыма, эне мээримине башка балдардай болуп бөлөнө албаганыма куса болуп, апамды сагынганымдан күн сайын ыйлачумун”,- дейт бул тууралуу Юрий Шатунов.
Юра балачагынан эле өтө шок болгон. Керек болсо, тамекини алгачкы жолу бала бакчадан чегип көргөнүн азыр өзү айтып келет. Интернатта окуп жүргөн кезинде да окутуучулардын сөзүн укпаган андагы эң тентек балдардын бири болчу. Ал эми улуу балдардын уруп-сабаганына чыдай албаганынан жаз мезгили сайын интернаттан качып кетип, күзүндө келчү. Кышкысын болсо көчөдө суук болгондуктан, жатаарга жери жок интернатка кайтып келүүгө аргасыз эле. Качып кеткен учурларда болсо өзүнүн чөйрөсүндөгү балдар менен чогуу көчөлөрдө эптеп өз күнүн көрчү. Бирок, ал кезде Юра тентектик жактан гана эмес, ырчылык талантын да өөрчүткөн десе болот. Ал эми билим алууга таптакыр кызыкпаган Юраны “сабак окусун” деп мугалимдери бир канча күнгө чейин бөлмөгө камап коюшчу. Мындай учурда Юрий терезеден качып чыгуудан кайра тартчу эмес.
Так ошол интернат-мектептин 7-классында окуп жүргөн кезинде алгачкы жолу белгилүү композитор Сергей Кузнецов менен таанышкан. Сергей ал кезде музыкалык ийримдерди жетектечү жана “Ласковый май” деп аталган жаңы музыкалык топ ачууга камынып, ага таланттуу балдарды издеп жүргөн эле. Келбети сахна үчүн жаралгандай жагымдуу болгондуктан, Сергей Юрийдин музыкалык шыгын сынап көрмөккө ырдап берүүсүн суранат. Жыйынтыгында, Юрий чындыгында эле таланттуу экендигин далилдеп, топко кабыл алынган.
Юрий Шатунов алгачкы жолу “Ласковый май” тобу менен 1986-жылы 28-декабрда интернаттын Жаңы Жылдык бий кечесинде ырдап чыккан. Буга чейин музыкага көңүл кош мамиле кылганы менен дал ушул күндөн тартып жаш талант музыкадан башка кызыкчылыктарынын баарынан алыстоого аргасыз болгон. Кышкысын коньки тебүү, жайкысын оюн автоматтары менен алектенген Юра ушул күндөн тарта бул кумарларынан да баш тарткан. Топко келгенге чейин жаш болсо да ар кайсы маданият үйлөрүнөн суранып жүрүп эң алгачкы “Белые розы” ырын жарыкка алып чыккан. Көп узабай ыр бүткүл совет элине тарап, хит ырга айланат. Бул учурда Юрий бардык күйөрмандары үчүн сырдуу ырчы болчу...
Көпчүлүктүн суроолору менен Юрий Шатуновду жергиликтүү журналисттер интернатка издеп келе башташкан да, жыйынтыгында, анын жүзү популярдуу болууга жетишкен. Көп узабай 1988-жылы топтун болочок жетекчиси Андрей Разин Маданият министрлигинин уруксаты менен Юрийди Москвадагы интернаттардын бирине которот. Москвага келээри менен Юрий чыгармачылыктагы жетекчиси Разиндин үйүнөн орун алган. Ошол эле жылы суранычтар менен Казакстандын Аламаты шаарында чоң сахнага кадам таштайт. Чыгармачылыктагы жолу дал ушинтип башталган Шатунов 1988-жылы “Белые розы” альбомун профессионалдык деңгээлде жарыкка чыгарат. Бул учурда Юрий Шатунов “Ласковый май” тобунун эң көрүнүктүү солисти катары чыныгы жылдыздардын катарын толуктап, ал гана эмес, эң популярдуу болууга жетишкен эле. “Месяц июль”, “Метель в чужом городе», “Звёздная ночь” “Розовый вечер” альбомдору менен бүтүндөй совет элинин жүрөгүн багындырган “Ласковый май” тобу ал учурда жетекчиси Разиндин айтымында, бардыгы болуп 20 миллион долларга жакын акча табышкан. Бирок, бул акчалардын пайдасын көбүнчө Разин өзүнө сарптаган. Буга далил катары “эң биринчи миллион долларды мен өз досторум менен эс алуу үчүн коротком” деген сөзүн кароого болот.
1992-жылы Юрий Шатунов “Ласковый май” тобунан кетет. Юрийдин кетиши менен топ дагы таркайт. Топтон кетүүсүнүн себебин Юрий жеке ырчы катары өз карьерасын өстүрүүнү каалагандыгы жана Разиндин ашыкча башкарып алгандыгы менен байланыштырган. Жаңыдан өз алдынча кадам таштай баштаган Юрийге Алла Пугачёвадан чогуу иштешүү сунушу келип түшөт. Бирок, ырчы бирөөлөргө көз каранды болууну каалабаганын айтып, бул сунуштан баш тарткан.
Юрий “Ласковый май” тобундагы достору Игорь Игошин менен Максим Сухомлиновдордон түбөлүккө айрылган соң бир жылга жакын чыгармачылыктан алыстап кеткен эле. Досторунун бири Игорь 4-кабаттан өзү секирип өлгөн болсо, эң жакын досу, топтун дагы бир солисти Максим Сухомлиновду Юранын көз алдында үйүнүн короосунан атып кетишкени ырчыга катуу сокку болгон. Турмуштун мындай сынагынан кийин ырчы бул убакыт аралыгында машина сатуу менен алектенип жүрүп, кийин кайрадан чоң сахнага кайтып келди. Ал эми ырчынын сахнага келүүсүнүн башкы себебин «жетишпеген акчанын айынан» деп жүрүшөт.
Шатунов алгачкы жолу 12 жашында 11-класста окуган бир кызга катуу ашык болгон. Бирок, ортолорундагы 6 жаш айырмачылык үчүн бул сүйүүсүнө жете алган эмес. Кийинки жолу ырчы болуп чыккандан кийин гастролдук сапарларынын биринде Франциянын Париж шаарынан дагы бир орус кызына ашык болот. Ал эми чыныгы сүйүүсү болгон учурдагы жубайы Светлананы Германияга болгон гастролдук сапарында мейманканадан тапкан. Бул тууралуу: “Светлананы мага жолуктуруп койгону үчүн Кудайга рахмат! Үйлөнгөнгө чейин эле уулдуу болууну тилечүмүн, болгондо да, “өзүмдүн туулган күнүмдө төрөлсө” дечүмүн. Тилектерим 99 пайызга иш жүзүнө ашты десем болот. Уулум Денис менин туулган күнүмө 10 саат жетпей 2006-жылы 5-сентябрь күнү төрөлдү. Төрөт учурунда баштан-аяк Светлананын жанында болдум”,- дейт ырчы. Ал эми Юрий Шатуновдун көпкө чейин үйлөнбөй жүрүшүнүн себебин элдер “Алсуну сүйүп, анын бой жетишин күтүп жүрөт” деп чыгышкан эле. Ага жооп катары бир интервьюсунда Алсу да: “Мага Юра жагат”,- деп жар салган болчу. Бирок, мунун баарынын ушак экендигин Юра өзүнүн дагы бир сырын ачуу менен далилдеди. “Менин чөйрөмдөгү адамдардын таасиринен спирт ичимдиктерине бир аз берилип кеткен элем. Мунун башкы себеби, досторум менен бирге баңгизаттарын колдонбоонун жолу болчу. Ушундай чөйрөдө жүрүп, анан кеч үйлөндүм. Эми менде баары жакшы”,- дейт Шатунов.

Бетти даярдаган Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: