Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ОЙГО КЕЛБЕС ӨЛҮМДӨР

№282 28-март - 3-апрель, 2008-ж.


Картайып же оорудан улам жарык дүйнө менен кош айтышкан адамдарды узатуу – адатта ый-муң менен коштолчу көрүнүш. Бирок, кээде ажал адамды шылдыңдагысы келгендей учурлар да кездешет. Мындайда өлүм шарттары таңкалыштуу, кээде күлкүлүү да болуп калат. АКШда өзгөчө өлүмгө дуушар болгон маркумдарга атайын сыйлык уюштурушкан. Ал «Дарвиндин сыйлыгы» деп аталат. Төмөндө аталган сыйлыкка ээ болгондордун кээбирлери...

Сабырсыздыктын айынан...
АКШнын Теннеси штатындагы белгилүү шарап заводунун негиздөөчүсү Жек Дэниэл сабырсыздыгынын айынан көз жумган. Жумушка эрте келип алган Жек эмне кылаарын билбей сейфин ачып көрүүнү чечет. Бирок, кодду унутуп койгонуна жинденген Жек сейфти болгон күчү менен тээп жиберет. Жектин буту жаракатка кабылып, жаракат ырбап отуруп, акыры өлүмгө дуушар болот.

Ажалы бир эже-сиңдилер
1991-жылы Тайвандын 57 жаштагы жашоочусу фермасын карап жүрүп уйдун чыласына тайгаланып кеткен. Жыгылып бараткан айым жанталашып зымды кармай калат. Ал болсо ачык турган күчтүү кубаттагы электр зымы эле. Фермер айым ушинтип көз жумгандан көп өтпөй эле сиңдиси каргаша болгон жерде кошуналарына эжесинин кантип өлгөнүн сүрөттөп берип жүргөн. Тагдырдын тамашасы менен ал да ошол эле жерде кокусунан тайгаланып кетип, ошол эле зымды кармаган бойдон өлгөн экен.

Өлүк жеңүүчү
1953-жылы англиялык чабандес Фрэнк Хейс ат жарышта ат чаап баратып жүрөгү токтоп калган. Таңкалыштуусу Фрэнк аттан кулаган эмес. Анын күлүгү Свит Кисс жүрүшүн токтотпой чуркап отуруп марага биринчи болуп келген. Ошентип, Фрэнк ат чабыш боюнча дүйнөдөгү жалгыз “өлүк жеңүүчү” деген атка конгон.

Тиш чукугуч жутуп алып...
Америкалык жазуучу Шервуд Андерсондун чыгармалары гана эмес, өлүмү да өзгөчө. Ал кечеде конокто отуруп кокусунан тиш тазалагыч жутуп алат. Натыйжада, Андерсондун көкүрөгү ириңдеп, оору күч алып отуруп 1941-жылы жазуучуну өлүмгө алып келген.

Крокодилдин оозуна өзү түшүп берген циркач
Бул окуя фантастикадай сезилет. Түндүк Таиландда цирк учурунда көрүүчүлөр укмуштуу өлүмгө күбө болушкан. Батутта секирип жаткан Од аттуу эргежээл циркач туура эмес жакка кулайт. Ошентип, Од аренага чыгуу үчүн өз кезегин күтүп, оозун аңырдай ачып эстеп жаткан крокодилдин оозуна түшүп жем болгон.

Ачкөздүк өлүмгө алып келди
Гомер жана Лонгли Коллиэрлер түркүн буюмдарды коллекция кылганды жакшы көрүшчү. Алар керектүү нерседен байкабай айрылып калуудан коркуп эч нерсе ыргытышчу эмес. Акыры алардын коллекциялары таштандыга айланган. “Кокус бирөөгө бир буюм уурдатып жибербейли” деген ой менен үйдүн ар кайсы жерине тузак койгонго чейин барышат. 1947-жылы милиция кызматкерлери алардын денелерин үй ичиндеги таштандынын арасынан зорго таап чыгышкан. Көрсө, Лонгли биртууганына (Гомердин буту шал болгон) тамак көтөрүп келатып өзүнүн тузагына түшүп, үстүн басып калган таштандыдан чыга албай өлгөн экен. Ал эми Гомер болсо агасын күтүп жатып ачкалыктан көз жумган.

Өз башын араалап...
Израилдик 30 жаштагы Кристоф Азнинский достору менен көңүл ачып отуруп көз жумган. Бир топ кызып калган достор кимиси эр жүрөк экенин далилдөө үчүн ар кандай жоруктарды жасоого киришкен. Достордун бирөөсү бензин менен иштөөчү арааны алып, өз согончогун кесип салган. Кристоф жооп ирээтинде: “Ушундай де?! Анда буга эмне дейсиңер?”- деп досунан тартып алган бензин араасы менен өзүнүн башын шылып салган.

Чыдамдуулугун көрсөтүп...
Сыягы, эр жүрөктүгүн далилдегиси келген жигиттер четтен чыгат окшойт. Американын Иллинойс штатынын тургуну Патрик Стифф досу менен “ким жакындап келе жаткан поезддин алдында узакка тура алат?” деп мелдеше кетет. «Жеңүүчү» Патрик досуна караганда чыдамдуураак экен. Аны тебелеп кеткен машинист рельсте турган адамды байкаган да эмес.

Ыйга айланган кубаныч
Убагында «Tour de France» деп аталган веложарыштын жеңүүчүсү, Люксембургдун жашоочусу Франсуа Фабер Биринчи дүйнөлүк согушта баатыр катары эмес, сүйүнүчтөн каза тапкан. Ал фронтто окопто жашынып жаткан кезинде аялынан «кыз төрөдүм» деген телеграмма алат. Кыздуу болгонуна катуу сү­й­үнгөн Франсуа баарын унутуп, далдоодон чыга калат. Натыйжада, немис снайперинин огуна кабылып көз жумат.

Бирөөнүн өлүмүнө кызыгып, өздөрү ажал тапкандар
Вьетнамдагы Хошимин шаарындагы көпүрөдө жаш кыздын өзүн-өзү өлтүр­гөнү жатканына кызыгып 50гө жакын адам чогулуп калат. Бир убакта көпүрө оордукту көтөрө албай сынып кетет. Натыйжада, 9 адам каза болуп, ал эми өзүн өлтүргүсү келген жаш кыз аман калган.

Акча өндүрүүнү самап...
Нью-Йорк шаарында жолдон өтүп бара жаткан адамды машина сүзүп алган. Жабырлануучу эч кандай орчундуу деле жаракат алган эмес. Бирок, өтүп бара жаткан күбө­лөрдүн биринин «калп эле оор жаракат алгандай түр көрсөтүп жатып кал, акча өндүрүп аласың» деген кеңеши менен кайра жата калган. Натыйжада, өзүн сүзгөн машинанын алдында тебеленип өлгөн.

Моюн орогучтан ажал тапкан бийчи
Ал эми Американын белгилүү бийчиси Айседора Дункандын өзүнүн моюн орогучунан ажал тапканын билгендер аз болсо керек. Машинада кетип бараткан бийчинин моюн орогучу терезеден шамалга желбиреп бараткан болот. Бир убакта моюн орогучтун учу машинанын дөң­гөлө­гүнө оролуп кетет. Натыйжада, Айседора муунуп гана тим болбостон, моюну да сынат. Бийчинин айдоочусу жол боюнда кыйкырып жатышкан адамдардын ишаратынан улам машинаны токтоткондо кеч болуп калган эле…

Ажалдары алмашкан эне-бала
Нью-Йорк шаарынын жашоочусу Жулия Карсонду врачтар «жүрөгү токтоп калды» деп ооруканадан чыгарып коюшат. Аны акыркы сапарга узатып жатышканда «өлүп калган» Жулия өзүнө келип, «бул жерде эмне болуп жатат?» деп тура калган. Анын кызы коркконунан ошол жерде жан берген.

«Кылмышкер» койлор
1999-жылы 67 жаштагы англиялык фермер айым Бетти Стоббс мотоциклине бир боо саман жүктөп алып койлоруна жөнөйт. Беттинин койлору ушунчалык ачка болушкандыктан, чөпкө жулунуп, жөөлөшүп жатып ээсин терең аңга кулатып жиберишет. Окуя ушуну менен бүтсө Бетти аман калмак. Бирок, койлору жөөлөшүп жатып ээсинин аркасынан мотоциклди да кулатып салышкан. Бечара фермер унаасынын астында калып өлгөн.

Даярдаган Махабат Догдурбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(1)
02.09.2012. 19:26 
Тайпасы:
Кыймылы жок
Комментарийлердин саны:
8
Катталган:
29-02-2012
Соӊку аракети:
19-10-2012 07:27
Жынысы:
Белгисиз
Калаасы:
бишкек
0
жиндиго.......теке кен
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: