Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Назира Жетигенова: «АШМАЛТАЙЫҢДЫ ЧЫГАРАМ!»

№282 28-март - 3-апрель, 2008-ж.


– Алло, Назира, сени менен сүйлөшө турган сөздөр бар.
– Эмне сөз, сен кимсиң?
– Менин ким экенимдин сага өтө деле зарылчылыгы жок болушу керек. Бирок, мен сенин сахнага чыкканыңды мындан кийин көрбөйүн!
– Эй, эшек, «сени сахнадан көр­бөйүн» дегидей кимсиң?
– Мен сага адамча сүйлөп жатам, анан кеч болуп кеткенден кийин өкүнүп калба!
– Эмне, сен сахнаны сатып алдың беле? Бар, мээни чакпачы!
– Эй, кыз, сахнаны анан эмне, сен сатып алдың беле? Менин ким экенимди уга элегиңде этегиңди жап!
– Пошла ты, билгениңди кылып алчы!
– Келчи, азыр сүйлөшөбүз.
– Сүйлөшпөйм мен, чалбачы экинчи, энеңди окутуп коём!
– Ай, Назира, абайлап сүйлөсөң. Концертиңди болтурбай койсом, болкулдап ыйлап отурба.
– Эй, сволочь, колуңдан келеби концертти болтурбай коюш? Мага тийишем деп тишиңден айрылып калба!
– Ошончо кыйынсыңбы?
– Жок, сен менин өзүмө, концертиме асылгыдай сен кимсиң деги? Мени бул убакка чейин эч ким тыя алган эмес жана тыя албайт дагы. Демек, өпкөң үзүлүп кала электе бул оюңдан кайта берсең болот.
– Сен менин өпкөмдү үзөсүңбү?
– Башка жериңди да үзүп коём. Биринчиден, мага тийишпе, тийишкенден кийин мага таарынба, уктуңбу? Жерге кирсең чачыңдан, асманга чыксаң бутуңдан тартып болсо да таап, ашмалтайыңды чыгарам!
– Кантип?
– Атаңдын башындай кылып, көк мээ! Сага окшогондорду мен уруп да ойнобойм.
– Ушунча маданиятсыз белең, ким айтат сени кыргыздын кызы деп?
– Эй, блин, азыр кармап алып, көзүңдү оюп, чайнабай жутам!
– Назира эже, аябай жиндендиңиз го, сиз “Тамаша тордосуз”.
– Эй, мен бул жакта концерт уюштуруп псих болуп жатса, чалып алып андан бешбетер жинди кыласың да кишини. Азыркы сөздөрдү жазба гезитке.
– Коюңуз, жинди болбоңуз, сиз элге керек адамсыз. Анан кантип сиздин сөздөрүңүздү биз жазбай коё­буз. Ишиңизге ийгилик, жакшы калыңыз.


Айгүл Чалова: «ЭМНЕ, МЕН КӨЧӨДӨ ЖАТКАН АДАМ БЕКЕНМИН?»

– Алло, бул Айгүл Чалова дегенби?
– Ооба, менмин. А сиз ким болосуз?
– Мен өзүм администратор болуп иштеймин. Азыр Москва көчөсүнө келип калчы, жанагы ырыңа “Боз салкын” киносун клип кылып алган турбайсыңбы, ошол боюнча сүйлөшөбүз!
– Эже, мен азыр бара албаймын. Токтогулда жүрөт элем.
– Тезирээк келип калсаң жакшы болмок, эртең бул иштин соту да болот.
– А мен шаарга дүйшөмбү күнү барам. “Сот болот” дейсизби, эмне, мени сотко берип жатасыңарбы?! Ал ырга силердин киноңорду мен чаптаган эмесмин да. Мен клип тарттырайын дегенче болбой эле пираттык дисктерге ыр кино менен чыгып кетиптир.
– Ай, чоң кыз, ал ыр сеникиби? Демек, сен буга өз башың менен жооп бересиң!
– Мен ырыма 100 пайыз жооп берем. Ал эми пираттык дисктерди жасагандар үчүн мен жооп бере албаймын!
– Ал ырдын автору сенсиңби? Клиби да сага тиешелүү болот. Кичине көзө­мөл­дөбөйсүңбү, билесиңби, сен деңгээли жогору бир кинонун баркын түшүрүп жатасың, бул үчүн мыйзамдуу түрдө жооп бересиң!
– Эже, түшүнөсүзбү, мен да ошол ишти жасаган адамдарды издеп таппай койдум. Аларды таап сотко берейин деп “Ош базарына” чейин издеп барып келгем. Ишенбесеңиз, бул тууралуу гезиттерге да айтканмын.
– Ошол клипти жасаган балдарга ырыңды өзүң алып барып бергенсиң да, туу­рабы? Анан эмне актанып жатасың?
– Ооба, мен ырды музыка койгон бир тааныш байке сураганынан алып барып бергем. Бирок, ырга клипти алар жасаган эмес экен. Ким жасаганын эч кимиси айтпай койбодубу. Териштирсем, бири-бирине шылташат. Кээси “бул УТРКдан жасалган” десе, экинчиси “сүйүнбөйсүңбү ырың ушунчалык популярдуу болуп жатканына” деп кутулуп кетишти. Ошентип, канча убара болсом да ким жасаганын тактай албай койдум.
– Эми, ал сенин маселең. Бирок, ырдын кино менен чыгып жатканы бул – факт, эл күбө. Бул ырыңа үч күндүн ичинде клип тарттырып элге таркатпасаң, иш жаман болуп кетиши мүмкүн.
– Тартам, Бишкекке бараарым менен клип тарттырып баштаймын да, бир жуманын ичинде эфирге чыгарам. Бирок, бул ырга силердин киноңор клип болгонуна эки жыл болду, эмнеге эки жылдан бери эми иш козгоп жатасыңар?
– Эки жыл сени эмне кылаар экен, клип тартса билинбей кетээр деп күттүк.
– Мүмкүн, клип чыкканда дароо эле чара көрсөңөр, табуу оңой болот беле деп ойлоп жатпаймынбы. Же мени ушинтип сындыралы деп жатасыңарбы?
– Эртең кел, кантип сындыраарыбызды соттон көрөсүң?
– Сот болоордон бир жума мурун чакыруу келчү эле го? Силер эмне азыр чалып, “келип кал” деп жатасыңар?
– Көп сүйлөбөй, келип кал дегенде келип калчы! А Токтогулда эмне кылып жүрөсүң?
– Машина алган элем, ошону майлап, айылдан бата алып кетейин деп апамдарга келген элем.
– Ий, уяты жок, кылгылыкты кылып коюп, жүрөсүң машина майлап.
– Эже, мен эмне кылдым сизге? Жанатан бе­ри оозуңузга келгенди айтасыз да. Мен сот болоорун билген эмесмин. Адамча чакыруу жибербейсиңерби, кел дегенде келе калгыдай эмне, мен силерге көчөдө жаткан адаммынбы?!
– Көчөдө жатпасаң, анда бирөө­нүн киносун булгамак эмессиң да.
– Башымды оорутпачы?! Түт-түт-түт...
Кайра чалып:
– Алло, Айгүл...
– Барчы! Түт-түт, түт-түт...
Дагы чалып:
– Алло, алло, Айгүл, бул – “Супер-Инфонун” “Тамаша тору”. Мен Замирамын.
– Эй, Замира, сенин ушинтээриңди билгем да. Коркутпай эле тамашалабайсыңбы? Жүрөгүм түшүп калды.
– Көңүлүңө албай эле кой, бул биздин катардагы эле тамашабыз.


Байыш Момунов: «АНДАЙ НИКЕСИЗ БАЛА ЖАРАТКЫМ КЕЛБЕЙТ»

– Алло, кандайсыз? Байыш байке, бул мен, сиздин күйөрманыңызмын.
– Жакшы, атыңыз ким?
– Менин атым Астра.
– Астра, жөн-жай эле чалдыңыз беле?
– Жөн-жай эмес, бул телефон номериңизди айлап-жылдап сурабаган адамым калбай, араң таппадымбы!
– Таап алып эмне айтайын дедиң эле?
– Сизди жакшы көрөөрүмдү айтайын дедим эле. Байыш байке, мен сизди аябай жакшы көрөм. Мен сизсиз жашай албайм.
– Чоң кыз, менин үйбүлөм бар экенин билесиңби?
– Үйбүлөңүз бар экенин билем. Ошол үйбүлөңүздү бузгум келбей, кыйналып жүрбөймүнбү.
– Анан эмнеге чалып жатасың?
– Байыш байке, мен сиздин үйбүлөңүзгө тийбейм, болгону, сизден бир гана суранычым бар.
– Ал кандай сураныч?
– Сиз эмне деп ойлосоңуз, ошо деп ойлоңуз, мен сизден төрөгүм келет.
– Жашың канчада?
– 23 жаштамын, өзүм Оштон болом.
– Карындашым, жапжаш кыз экенсиң, төрөгүң келсе, күйөөгө тийиш керек. Эмне кыласың антип өзүңдү азапка салып.
– Күйөөгө тийсем тийип алам. Бирок, мен сизден төрөгүм келет. Сизден төрөгөн баламды белек катары өстүрөм.
– Азыр бала өстүрүү эле оңой дейсиңби? Кыйналасың да?
– Жок, мен төрөп эле алсам болду. Баланы кор кылбай, бапестеп өстүрүп алуу колумдан келет.
– Эмне, бардык шартың барбы? Анан кыйналып калбайсыңбы?
– Кудайга шүгүр, сиздин каныңыздан жаралган баланы канаттууга кактырбай багып алууга кудуретим жетет.
– Анан чоңойгондо “сенин атаң Байыш Момунов, сени таштап кеткен” деп балага мени жаман көргөзсөңчү?
– “Атаң Байыш Момунов” деп айтышым мүмкүн. Бирок, “таштап кеткен” деп айтпайм. Байыш байке, жолугалычы, балким, мени көрсөңүз, өзүңүз эле макул болуп беришиңиз мүмкүн.
– Сизге жолугуп, сизди көрүп эрип кетип, анан балалуу болуп калсамчы?
– Анда жакшы болот да!
– Жок, мен анан ал баладан өмүр бою карыз болгум келбейт. Баарыбир атасы мен болом да. Баланын да убалы бар, карындашым.
– Сиз эч нерсе карыз болбойсуз, тескерисинче, кааласаңыз мен сизге төлөп берем бир түнгө.
– Мен сенден карыз болбосом да, ата катары баладан карыз болом. Андай никесиз бала жараткым келбейт менин.
– Анда бир жумага нике кыйдырталы, макулсузбу?
– Ал десем да, бул десем да кутултпайсың го сен мени. Сен алгач ойлон, никесиз бала төрөп эмне кыласың?
– Мунун баары сиз үчүн жасалып жаткан иш.
– Сен туура эмес кадамга барып жатасың, карындашым. Азыр жашсың да, кийин өкүнөсүң. Балаңды атасыз өстүрүп эмне кыласың?
– Атасы сиз болосуз да, балким, жылдызыбыз келишип кетсе, бир үйбүлө болуп алаарбыз.
– Жок, жүрөктү түшүрбөчү, карындашым, мен сага аке катары жакшы эле кеңеш бердим окшойт. Мындай нерсе тарыхта болгон эмес. Мен мындай сунушту биринчи жолу сенден угуп жатам. Азыр колум да бош эмес, бошогондо шашпай сүйлө­шөбүз, макулбу?
– Ошондо макул болосузбу?
– Макул болом деп сага сөз бере албайм, бирок, жолугуп сүйлөшөбүз. Карындашым, менден башка деле ырчылар көп го?
– Мен сизди эле сүйөм дебедимби.
– Гезиттерден ушинтип тамашалашып калчу эле, журналист эмессиңби?
– Мен журналисттерди тааныбайм.
– Анда мен сага бошогондо чалам. Азыр убактым жок, макул, ээ, жакшы кал.
– Байыш байке, сиз чочулагандай эле бул – “Супер-Инфо” гезити.
– Ой, карындашым, аябай ишендирип тамашалайт экенсиң. Өзүмдү аябай күнөөлүү сезип кеттим.
– Сиз да чоң атадай кеңеш берет экенсиз. Бул тамаша, көңү­лү­ңүзгө албаңыз.


Ынак Осмоналиев: «БУЗУЛУП КАЛГАН КЫЗЫҢДЫ АЛ ДЕГЕНИ ТУРАСЫҢБЫ?»

– Алло, ай, Ынак, мен сага Оштон чалып жатам. Сен менин кызымды эмне кылып кеткенсиң, уяты жок?!
– Эже, кечиресиз, сиз кимсиз, мен эмне кылыпмын?
– Өткөндө Семанын концертине келгениңде биздин үйдө 2 күн жатпадың беле. Үйүмө жатканың аз келгенсип, кызымды шерменде кылып кетипсиң да!
– Мен эч нерсеге түшүнгөн жокмун.
– Кызым менен жымыңдап сүйлөшүп турбадың беле, эй, бети жок, акмак десе.
– Мен кызыңыз менен карындаш катары сүй­лөшүп турганым чын. Андан башка эч нерсе болгон эмес.
– Кандайча эч нерсе болгон эмес? Эмне, ал кызды сен болбосоң, анан эмне, мен өзүм зордуктап алып, сага чалмак белем?
– Түшүнөсүзбү, менин үйбүлөм, 3 кызым бар. Кудай сактасын, мен андай жолго барбаймын. Мына сураңыз Семадан, Кабыл Бөрүбаевден. Ашыкча кадам баскан эмесмин.
– Эй, жаныңды жебе, мен өз көзүм менен көрдүм го, кызыма тийишип жатканыңды. Мен баарын текшерттирем, керек болсо сени каматып, түбүңө жетем, уктуңбу?!
– Сиз антип ак жерден эле мени күнөөлөбөңүз! Өзүн тыя албаган кызыңыз үчүн мен жооп бербеймин.
– Сен бул жүрүшүңдө канча кыздын убалына каласың, шерменде. Мен шаарга барып керек болсо сыналгыдан чыгып, “Ынак кызымды бузуп качып кетти” деп айтамын.
– Бар, айта берчи, кызың экөөң эмне, мени келесоо деп ойлоп жатасыңарбы? Эмне, бузулуп калган кызыңды алып бергени турасыңбы? Кызыңды алтын кошуп берсең да албаймын.
– Татынакай кыздын кыздык абийирин алып койдуң, эми 10 балаң болсо да аласың, уктуңбу?! Болбосо, түрмөдө чирийсиң! Боюна бүтүп калган болсо, менден өмүр бою кутулбайсың!
– Оозуңа карап сүйлө, жөн койсо куру доомат кыласың да. Сенин кызыңа менин колум да тийген эмес.
– Түнөгөн үйүңө түкүрүп кеткен кандай адамсың, тарбия көргөнсүңбү деги?
– Эй, кандай түшүнбөгөн аялсың, биринчи өзүңөрдү тарбиялап алгыла. Бар, мага чалбай эле, барчу жериңе бара берчи. А то, кызың экөөңдү тең ордуңарга коюп коём!
– Ынак байке, анчалык катуу кетпеңиз, сиз Супер-Инфонун “Тамаша торуна” түш­тү­ңүз!
– Эх, сен Замирасыңбы, мээни эзип жатып жаман сөздөрдү айттырып аласың, ээ?
– Эми бул тамаша экенин элдин баары түшүнөт да. Рахмат убактыңызды бөлүп койгонуңузга.

Тамашалаган Замира Рахманбердиева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: