Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«АКЧА ҮЧҮН ӨЛТҮРҮП, ӨРТТӨП ЖИБЕРГЕМ»

№283 4-10-апрель, 2008-ж.


Шаарда белгилүү стоматологиялык клиникасы бар таанымал врач аялдын өрттөлүп, толук күйбөй калган сөөгү аэропортту көздөй кеткен жолдун жээгинен табылды. Соттук-медициналык экспертиза аялдын алгач атып өлтүрүлүп, анан өрттөлгөндүгүн аныктап чыкты. Маркумдун тууган, тааныш, дос-душманынын арасынан шектүү адамды издештирип баштаган иликтөөчү топ илинчекти таптакыр башка жактан тапты.

АЯЛДЫН ЧАЛА КҮЙГӨН СӨӨГҮ ТАБЫЛДЫ
– Балтек, Балтек, кайдасың?
Талаада кой жайып жүргөн жигит итин чакырып кирди. Куйругун булактата, жерди тытмалаган ити аны угуп да койбогондой.
– Эмнени тыткылап калдың?
Сүйлөнө итинин жанына басып келген жигит таштандылардын арасынан шукшуюп чыгып турган колду көрүп бакырып жиберди. Капкара болуп күйүп, сөөктөрү гана калгандай. Жуушап жаткан койлоруна да карабай чымын-куюн айылды көздөй чуркаган ал бир топтон соң бир нече кишини ээрчитип келди. Арасында формачан милиция кызматкери да бар. Толук күйбөй калган бул маркум аял 35-40 жаштар чамасында экен. Көп өтпөй аты-жөнү да такталып, кылмыш ишин иликтөө башталды. Шаардагы медиктердин арасын чуу түшүргөн бул окуянын башы мындан үч ай мурунку кокустан болгон таанышууга барып такалат эле.

"АКЧАНЫН ЖЫТЫН СЕЗИП КАЛГАНСЫҢБЫ ДЕЙМ..."
– Саламатсызбы, эмне маселе менен келдиңиз?
Пациенттерди жаркылдап-жайнап күтүп алууга көнгөн Айгүл кабинетине кирген олбурлуу кишини карап калды.
– Тишиме пломба койдурсам деген элем.
– Бул креслого отуруңуз. Мен азыр...
Жедеп көнүп калган ишин Айгүл бат эле бүтүрдү. Ишти аягына чыгаргыча пациент менен сүйлөшүп, кенен таанышып алды. Пациенти да эл менен бат тил табышкан адам окшойт. Айгүл жөнүндө сурамжылап, көп нерсени билип алууга жетишти. Өзү жөнүндө да айтып, үйлөргө евроремонт жасап жанбагаарын билдирди. Ушул кезде Айгүл жаңы алган квартирасына евроремонт жасатмакчы болуп, бирок, жумушчуларды тапканга убактысы жок болуп жаткан. Көктөн издегени жерден табылгандай кубанган врач пациенти менен келишим түзүп алууга да жетишти. Бирөөгө жамандыгы жок, башкаларды да өзүндөй ойлогон Айгүл кандай адам менен мамиле түзүп алганын баамдабады.
Карапайым кишилерди алдап, акчасын алып, сызга отургузуп кетүүгө маш Камчыбек тишине пломба салып берген аялдын колунда ири акчасы бар экенин сөзүнөн байкап койду. Акчанын жытын алыстан сезе билген ал Айгүлгө "үйүңүзгө өзүм эң сонун кылып ремонт жасап берем" деп убада да берип жиберди. Башында пайда болгон ойду ишке ашырууну ойлонуп, клиникадан соң түз эле Субан аттуу досуна жөнөдү. Бул досунда тапанча бар экенин жакшы билчү. Кудай жалгап, досу үйүндө экен.
– Жардамың керек болуп калды, дос.
– Мени жөндөн-жөн издечү эмес элең...
– Бизге окшогон адамдар убакытты текке кетирбейт да.
– Кыскасын айтканда...
– Кыскасын айтканда, кеп мындай. Мага "пушка" керек болуп жатат. Жакшы төлөп берем. Нааразы кылбайм.
– Акча десе жантыгыңдан жата калчу элең. Акчалуу бир иштин жытын алып калгансың го дейм.
Эки дос акыры бир келишимге келишти. Октору менен тапанчасын убактылуу бере турганы үчүн Камчыбек досуна 200 доллар бермей болду.
Келишип алгандай, эртеси Камчыбек шериктерин ээрчитип Айгүл берген дарекке келди. Аны менен сүйлөшкөн соң өзү топтоп алып келген үч киши менен дароо ишке киришти. Камчыбек Айгүлгө жакындоонун жолун ушинтип тапканына өзүнчө кудуңдап, кубанып да алды. Оңдоо-түзөө иштери бүткөн соң деле Айгүл менен кабарлашып, жалгыз бой аялдын ар кайсы чарбалык иштерин бүтүрүп берип, арам оюн ишке ашыруу үчүн анын ишенимине кирүүгө аракеттенип жатты.

МЫКААЧЫНЫН КАПКАНЫ
Жумуштан чыгып, шашып жөнөгөн Айгүл жанынан чыккан машинанын сигналынан чочуп кетти. Машинадан түшкөн Камчыбек Айгүлдүн чочуп кеткен өңүн көрүп күлүп калды.
– Чочутуп жиберген болсом, кечириңиз. Бул жакка жумуштап келип, анан кокус жумушунан чыгып калса жеткирип коёюн деп сизди күтүп тургам. Дайыма ушул убакта чыгат эмессизби.
– Макул, өзүм да шашып бараттым эле. ЦУМ жакка таштай кетсеңиз жакшы болот.
Шашылышта машина табыла калганына ичинен кубанган Айгүл жол ката сүйлөп, ал эми Камчыбек өз ойлору менен алпуруша калп эле жылмайымыш болуп баратты...
Арадан төрт күн өткөн соң Камчыбек түзгөн планы боюнча кубанычтуу кабар уккан адам кейиптенип, Айгүлгө телефон чалды.
– Алло, Айгүл, кандайсыз? Мен Камчыбекмин. Жаңылбасам, «Москвадан квартира алып, клиника ачсам» деп жаткансыган элеңиз...
– Ооба, ошондой дегем.
– Билесизби, менин досумдун эжеси Москвадагы квартирасын сатканы жатыптыр. Анын үстүнө, 1-кабатта экен. Шашылыш акча керек болуп, квартирасын арзан баада сатмакчы болуптур. Айткан кебиңизди эстеп кетип дароо сизге кабарлагыча шаштым.
– Ооба, үй алышым керек. Бирок, мен ал жактагы тааныштарга издештире жүргүлө деп дайындап койгон элем.
– Аа, мейли, жөн эле сизге айтып коёюн дегеним болчу. Үйдү үч күндүн ичинде сатат экен. «Баасы арзан» дешти. Биринчи кабат клиникага ыңгайлуу эмеспи. Ошону сизге айтып коёюн деп эле...
– Камчыбек, мен сизге өзүм чалайынбы? Азыр мага кишилер келип калышты. Анан кенен сүйлөшөбүз, макулбу?
Айтканындай эле кечке жуук Айгүл Камчыбекке телефон чалып, үй тууралуу сурамжылай баштады. Мындай болоорун алдын-ала билген Камчыбек тааныш келин менен макулдашып алган эле. Квартира тууралуу ойдон чыгарган маалыматтарын айтып, Айгүлдү биротоло ишендириш үчүн: "Жакшысы, ал эже менен өзүңүз сүйлөшүңүз. Сиздин телефон номериңизди берип койдум",- деди. Сүйлөшүп алгандай, Камчыбектин тааныш келини Айгүлгө москвалык эже болуп телефон чалды. Жашыруун номер болгондуктан, Айгүл Бишкектен чалып жатышабы же чын эле Москваданбы, айырмалап биле алмак эмес. "Телефон номериңди Камчыбек берди. Москвадан үй сатып алмакчы болуп жаткан экенсиң. Башкаларга эмес, кыргызстандык жердештерге сатсам мен деле кубанам",- деген телефондогу үнгө Айгүл чын эле ишенип алды. Ишти созуп отурбай дароо самолётко билет алып, аны Камчыбек аэропортко жеткирип бармай болду. Ошентип, ал акча үчүн энесин өлтүрүүдөн кайра тартпаган эргулдун капканына өзү түшүп бергенин билген жок.

ТАҢДАГЫ КЫЛМЫШ
– Туй ата! Баягы эски дартын дагы баштады!
Таң эрте машинада үргүлөп бараткан Айгүл Камчыбектин үнүнөн чочуп ойгонуп кетти.
– Эмне болду?
– Машина бузулуп калды.
– Саат канча болду? Кечигип калбайбызбы?
– Бир саат убакыт бар экен. Эми канттик? Такси кармаш керекпи?
Кужулдаша машинадан чыккан экөөнөн башка жолдо эч ким жок экен. Ээн жолго айласы куруй көз чаптырып турган Айгүл капысынан кежигесине тийген катуу соккудан улам көзүнөн чаар чымын учуп, бүк түшүп калды. Эсин жыя албай көзү аңтар-теңтер болгон ал маңдайына басып келген Камчыбекти көрдү. Анын көздөрүнө кан толуп, жырткычка окшоп калыптыр. Колундагы тапанчаны жай көтөргөн Камчыбек аны так маңдайга атып таштады. Чоң максат менен «Москвага жөнөгөн» аял заматта кызыл-жаян канга боёлуп, денеси титиреп барып кыймылсыз жатып калды.
Эки жагын элеңдей караган Камчыбек шалактаган жансыз денени сүйрөп, машинанын багажына жүктөгүчө шашты. Алдын-ала сөөктү орогонго шалча, канистрге суу, бензин даярдап салып койгон эле. Суу куюлган чоң канистр алып чыгып, кан уюй түшкөн жерди жууп кирди. Бул жерден сөөктү алыс алып кетсе да, "уюган канды көргөндөр шек алып жүрүшпөсүн" деди арам оюнда. Кан уюган жерди тазалап, көңүлү тынчыган соң чоң жолдон чыгып, талаа тарапты көздөй машинасын айдап, сөөктөн арылууга ыңгайлуу жер издеп жөнөдү. Акыры жолдон далдоо акыр-чикир төгүлгөн жерди тапты. Муздай түшкөн денени шалактатып сүйрөп чыгып, анан аялдын сумкасын аңтарып кирди. Жанталаша сумкаларын тинтип, ичиндеги кийим- кечелерди өлүктүн үстүнө ыргытып жатып акчасын таап алды. Камчыбекке ушул эле керек болчу. Туптуура 20 миң доллар экен. Сыягы, калган акчасын кийин бермек болсо керек. Ал эми кол сумкасындагы майда акчалар 5 миң сомго жакын болуп чыкты. Айгүлдүн кымбат баалуу чөнтөк телефонун кыйбай көпкө карап туруп, айгак болбосун деп аны да өлүктүн үстүнө ыргытты да, бензинди жаба куюп, өрттөп салды.
Жалындын соймоңдогон тилкелерин эси оой карап турган ал ичинен: "Мына, бүттү. Эми акча меники, сен болсоң менин тынчымды албайсың",- деп күбүрөнүп, чалыштай басып машинасына жөнөдү. Ушул учурда көздөрү жырткычтыкындай канталай кызарып, тизелери аздан титиреп турган эле. Оюнда "ишти таза бүтүрдүм, менден эч ким шек албайт" деп ойлогон. Бирок, үч айдан соң кармалып калды. Досу Субан бир окуяга аралашып, бирөөлөр менен атышып кеткен экен. Криминалисттер ал гильза, окту текшерип, тапанчаны табышып, анан тапанчанын ээси Субанды кармашат. Көп өтпөй атылып, сөөгү өрттөлгөн стоматолог аял да ушул тапанча менен атып өлтүрүлгөндүгү аныкталат. Кылмыш иликтөөчүлөр Субанды жакшылап суракка алганда ал досу Камчыбек жөнүндө саймедиреп айтып берет. "Орусияга кетип калсамбы?!"- деп эки анжы ойдо жүргөн Камчыбек колуна кишен салынып камакта отуруп калганында гана толук эсине келди, сыягы. Сотто аялды эмнеге өлтүргөндүгү тууралуу сурашканда «Акча үчүн өлтүрүп, өрттөп жибергем» деп моюнуна алган болчу. Адам өлтүрүп тапкан акчасы өзүнө бир тыйын пайда же кубаныч алып келбегенин абакта жатып сезди. «Бекер кылыптырмын» деп өкүнгөнү менен эми баары кеч эле...

Даярдаган Айбек Нурадилов. Сүрөтчү Ренат Мамытбеков



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: