Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БАРЫБИР СҮЙӨМ...

№283 4-10-апрель, 2008-ж.


Ошентип, орусиялык Биринчи канал тартуу кылган “Баарыбир сүйөм...” сериалы соңуна келип жетти. Мыкты курулган сюжет, өткөн жылдардын атмосферасы, актёрлордун профессионалдуу оюну миллиондогон көрүү­чү­лөрдү бир жарым ай бою экран алдында “байлап” турууга алы жетти. Сериалдын жана ага катышкан актёрлордун кээбир сырларын ачууга биз да кызыктык.

Режиссёру – Сергей Гинзбург
Продюсери – Дмитрий Глущенко, Юрий Ивашкевич
Сценарийин жазгандар – Татьяна Арцеулова, Анна Суворова
Композитору – Дмитрий Маликов
Ролдордо: Татьяна Арнтгольц (Вера), Антон Хабаров (Вадим), Вера Алентова (Татьяна Брониславовна), Михаил Жигалов (Николай Ефремович), Раиса Рязанова (Глаша), Анатолий Руденко (айдоочу), Анастасия Макеева (Катя), Ирина Низина (Инна), Георгий Дронов (Володя), Алина Булынко (кичинекей Рита), Светлана Иванова (Рита), Шамиль Хаматов (Женя), Кирилл Жандаров (Макс), Сергей Гинзбург (Леший) жана башкалар.

КЫСКАЧА МАЗМУНУ
Вера аттуу ачык мүнөз, ишенчээк, жөнөкөй айылдык кыз Москвага келип, курбулары менен заводго орношот. Шаарда өскөн Вадим деген жигит менен таанышып, алардын ортосундагы жылуу мамиле үйлөнүү тою менен аяктайт. Тилекке каршы, балдар үйүндө тарбияланып, анан бай адамдардын үйүнө келин болуп барган Веранын бактысы көпкө уланбайт. Вадимдин энеси келинин жактырбай, баласынын Парижде иштеп жүргөнүнөн пайдаланып Вераны үйүнөн кууп чыгат. Веранын бакубат жашоосу кыска убакыт ичинде короо шыпырмай, аракечтик жана уурулук менен алмашып калат. Ушундай шартта Вадимден төрөгөн кызы Рита чоңоёт. Жашоодо бир жакшы нерсе көрбөй Вера акыры каза табат да, сериалдын башкаарманы эми Рита болот. Анын башына да учурунда энеси башынан кечирген татаал күндөр келет. Ал да сүйгөн адамы тарабынан сатылып, сойкуканадан түрмөгө чейинки оор күндөрдү башынан кечирет. Бирок, качандыр бир колдоо көрсөткөн жакын досу, согушка кетип дайынсыз жоголгон Женя кайтып келип, Ританы ыплас жашоодон куткарат. Вера менен кызын таштап, алардан кечирим суроодон тартынып жүргөн атасы Вадим дагы кызын жаман жашоодон алып чыгууга чоң салымын кошот. Акыркы 24-бөлүм атасы менен кызынын элдешүүсү жана Женя менен Ританын мамилелеринин жаңыланышы менен аяктайт.

АДЕГЕНДЕ КИТЕП ЧЫККАН
“Баарыбир сүйөм...” тасмасынын мазмуну аялдарга арналган чыгарманын негизинде жазылган. Жазуучу Елена Харькованын «Баарыбир сүйөм» романы «Гелеос» ири басмасынын «Сүйүү жөнүндөгү эң мыкты роман» деген сыйлыгын алган. Бул китеп 2004-жылдын ачылышы жана бестселлери болгон. Жөнөкөй тил менен жазылган татаал окуя 4 жылдан кийин сериал болуп тартылып чыгат да, орусиялык Биринчи канал тарабынан бүткүл КМШ өлкөлөрүнө көрсөтүлө баштайт.

«МОСКВА КӨЗ ЖАШКА ИШЕНБЕЙТ» КАЙТЫП КЕЛДИБИ?
Сериалдын сюжети Меньшовдун “Москва көз жашка ишенбейт” көркөм тасмасына окшош экенин байкагандар бар чыгаар. Дегеле, жаңы сериал эски фильмдин уландысы деген ойлор да айтылып жүрөт. Эки тасмада тең 70-жылдардагы Москва сүрөт­төлөт. Экөөндө да элеттик кыздар бакыт артынан кубалап чоң шаарга келишет да, сүйүү, чыккынчылык, жалганчылык сыяктуу татаал турмуштун камдаган сынактарына туш болушат. Меньшовдун тасмасында актриса Вера Алентова аткарган Катя Тихомирова чоң шаарда кичинекей кызы менен жалгыз калат эмеспи. Бул сериалда актриса ушул сымал окуяда эми каардуу кайнененин ролун аткарат.
«Советтик кинематографтын бермети» деген атка конгон Вера Алентованы сериалга тартуу абдан чоң эрдик, себеби, бул актриса өмүрүндө сериалдарга тартылган эмес жана сунушталган ролдорду абдан сынап көрүп анан кабыл алат. “Вера Валентиновна сценарийди көпкө чейин окуду, анан көпкө чейин ойлонуп көрдү. Мен ага убакыт бердим. Бирок, макулдугун берет деп акырына чейин ишене алган эмесмин”,- дейт режиссёр.
Вера Алентованы да бул сериал көп жылдарга артка алып учкан сыяктуу. “40 жыл мурун мени кайненем жактырбай, сүйүүмдөн ажыраткан. Бул сериалда мен келинимди теңиме албай, уулум экөөнүн тең бактысына балта чаап жатам,- деп салыштырат актриса,- Андан да кызыктуусу, эки тасманын ортосунда көрүнбөгөн байланыштар бар экен. Күндөрдүн биринде съёмкалар дачада уланмай болду. «Мосфильмдин» костюм бөлү­мүнөн мага эски кардиган алып келип беришти. Бул кийим менин көзү­мө абдан жылуу учурады. Көрсө, ал тээ “Москва көз жашка ишенбейт” фильми тартылып жатканда мен кийген кардиган экен. Анын айланып келип кайра өзүмө туш болгонуна баарыбыз таңкалдык”.

СОВЕТТИК ДООРДУ КУРУУ
Сериалдын режиссёру жаш муунга караганда улуу муун менен иштешүү оңой экенин айткан. “Жаш актёрлорго социализм убагындагы адамдардын жашоосу кандай экенин түшүндүрүү өтө кыйын эле,- дейт режиссёр, - Ал эми ошол жылдарда жашаган актёрлорго сөз айтып кереги жок”.
Азыркы Москва менен советтик Москванын айырмасы абдан чоң. Сериалда ошол жылдардагыдай атмосфераны түзүү да өзүнчө бир талантты талап кылган. “40 жыл мурунку Москваны кайрадан куруу мүмкүн эмес деп ойлогом,- дейт режиссёр, - бирок, Москванын тегерегинде убакыт токтоп калгандай туюлду. Атүгүл атайын декорация даярдап деле кереги жок экен. Себеби, шаар четинде даяр барак үйлөр бар. Алардын тургундары жалпы ашкана, жалпы мончону колдонушат. Суу, газ деген жок. Ошондуктан, биздин декораторлорго советтик үйлөрдү жасоо оңой эле болду”.
Мисалы, Вера жашаган бөлмөдө терезеде радио турат. Аны декораторлор издеген эмес. 40-жылдарда чыккан радио бүгүнкү күнгө чейин ошол барак үйдө туруптур. Үйдүн тургундары колдонгон илгерки эмеректер да декорциянын бир бөлүгүнө айланды.

АКТЁРДУК ТОП
Тасманын жүрүшүндө көрүүчүлөр башкаарман Веранын бир жашоону толук жашап чыкканына күбө болушат. Башта Вера апакай үлпөт көйнөк кийип турган болсо, ортодон түрмөгө отуруп чыккан келинге, акырында ичкич аялга айланып калат. Адегенде режиссёр Веранын ролуна эки башка актрисаны алам деп ойлогон. Бирок, продюсерлер: «Бул образды баштан-аяк Татьяна Арнтгольц жаратсын»,- деп сунуш кылышкан. Тасмада 25 жаштагы актриса грим­дөөчү­лөр­дүн жардамы менен кемпирге айланат. Бул үчүн парик жана жасалма бырыштар жардамга келген.
Актриса Татьяна Арнтгольц 1982-жылы Калининградда туулган. Эгизи Ольга экөө театралдык окуу жайында окушат. “Баары бир сүйөм...” сериалындагы айдоочу Сергейдин ролун аткарган Анатолий Руденко менен жакын мамилеси бар болчу. Бирок, учурда Таняны актёр Кирилл Плетнёв менен көп көрүшөт.
Вадимдин ролун аткарган актёр Антон Хабаров ушул сериалдын артынан чоң популярдуулукка жетишти. Тасманын сюжети боюнча өзүнүн энесинин ролун атактуу Вера Алентова аткараарын билгенде чочулай түшкөн. Актриса менен болгон эң биринчи кезигүүсүн Антон мындайча эскерет: “Тасманы үйлөнүү тоюн тартуудан баштаганбыз. Менин аткарып жатканымды режиссёр байкап, “азаматсың, чын эле үйлөнүп жаткандай аткардың” деген. А чындыгында, мен актриса Вера Валентиновнаны көрүп алып толкунданып жаткам.
Актёр Антон Хабаров 1981-жылы Балахиште туулуп-өскөн. Россияда эң престиждүү деген “Замандаш” тетрынын мүчөсү, профессионалдуу бийчи жана спорт чеберине талапкер. Учурда жубайы актриса Елена Хабарова менен 6 айлык кызын тарбиялоодо.
Өзүнүн таланты менен бүт актёрдук топту таңкалтырган Алина Булынко кичинекей Ританын ролун мыкты аткарган. Кыш күндөрүнүн биринде Алина катышкан эпизоддор тартылып жатат. Сценарий боюнча Рита ыйлашы керек эле. Кичинекей актрисага ишенбеген режиссёрдун “сага гримдөөчүлөр жасалма жаш жасап беришсин” деген сөзүнө жаш талант “өзүм эле ыйлайм” дегенсип абдан таарынган экен. Режиссёр менен бүткүл тартуучу топту таңкалтырып 2-3 дублдин ичинде кадимкидей ыйлап берген. Алина Булынко азыр 11 жашта. Бийге, ырга кызыгат.
Актриса Светлана Иванова Ританын 14 жаштан 24 жашка чейинки курагын аткарган. “Мектеп окуучусун аткарып жатканда бетиме бир да грамм боёк коюлган эмес,-дейт актриса,- Жасалма чач жана гриммдин жардамы менен улам чоңоюп бараттым”.
Светлана Иванова 1985-жылы Москвада туулган. Физика-математикалык мектепти аяктаган соң ВГИКке актёрдук бөлүмгө тапшырган. Жолдошу кесиби боюнча кинооператор, азырынча жарандык никеде турушат.

КЫЗЫКТУУСУ

  • Сериалда Вадим менен Веранын ролдорун аткарган Антон Хабаров менен Татьяна Арнтгольц Щепкин атындагы театралдык окуу жайында бирге окушкан. Ал кезде Антон дайыма Таняны анын эгиз сиңдиси Ольга менен алмаштыра берчү. Кино тартылып бүткөнчө Антон Веранын ар бир кыймылын, көз карашын изилдеп отуруп, аны эч качан алмаштыргыс болгонун билдирген.
  • Статистика боюнча, акыркы 1 ай ичинде интернеттеги «Яндекс» издөө сайтында эң көп “Баарыбир сүйөм...” сериалы кантип бүтөт?” деген суроо берилген.
  • Сериалдын композитору – атактуу ырчы Дмитрий Маликов. Фильмдин саундтрегин, “Сен жана мен” деп аталган ырды Маликов өзү аткарат.
  • 24 бөлүктөн турган жана жалпысынан 1230 мүнөткө созулган тасманы 8 ай ичинде тартып бүтүшкөн. Негизги съёмкалар күз жана кыш мезгилдерине туш келгендиктен, дээрлик ар бир актёр грипп менен ооруп чыккан.

Даярдаган Бегайым Мусакеева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: