реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТАМАШАКӨЙЛӨРДҮН ҮЙБҮЛӨСҮ

№283 4-10-апрель, 2008-ж.


Белгилүү орусиялык юморист Евгений Петросянды көпчүлүк билет. Анын «Кривое зеркало» берүүсүн статистикалык так маалыматтар боюнча, учурда Орусиянын ар бир үчүнчү жараны калтырбай көрөт экен. Бирок, ушул тапта Евгенийди жубайы Елена Степаненкосуз элестетүү мүмкүн эмес. Алардын биз сүйүп көргөн көпчүлүк сатиралары да ортоктош эмгектен жаралганы баарыбызга маалым…

ЕВГЕНИЙ ПЕТРОСЯН
Белгилүү юморист Евгений Петросянц (чыныгы фамилиясы) 1945-жылы 16-сентябрда Азербайжандын борбору Баку шаарында математик менен инженердин үйбүлөсүндө төрөлгөн. Ата-энеси сахнага таптакыр жакындыгы жок адамдардан болгондуктан, кичинекей уулунун «артист болом» деген сөзүнө көңүл деле бурушчу эмес. Анын үстүнө ал учурда жокчулуктун каарында жашаган үйбүлө үчүн баласы аман-эсен чоңойсо, ошол чоң бакыт болчу. Бирок, Евгений 5-класстын окуучусу болгон кезде чачтарач болуп иштеген тууганыныкына чач кестиргени барып, сахна тарапка кеткен жолдун изин таап кайткан. Ал тууганынын берген багыты боюнча эртеси күнү эле Женя эжесине ээрчип белгилүү юморист-жазуучу Розовскийдин эл алдына койгон тамашалуу номерлерин көрүп келүү үчүн жөнөйт. Андан өзүнүн жандүйнө­сү каалаган болочок кесибин тапканына сүйүн­гөнүнөн үйүнө келип, күзгүнүн астына туруп алып өзүнө-өзү сөз берип, «мен дагы дал ушундай эл адамы болушум керек» деп айткан. Ошондон көп өтпөй эле болочок куудулга дагы бир шарт түзүлүп, таежеси сыналгы сатып алат. Буга кубанган Женя ар күнү кечинде таежесиникине барат. Юмористтин кээде «мага аткаруучулукту үйрөткөн биринчи мугалимим – сыналгы» деп калганы да ошондон улам.
1958-жылы Евгений биринчи жолу чоң сахнага ар түрдүү жанрдагы монологдорду окуп чыгып, алгачкы жолу «сахнада Евгений» деген сөз, күл­күлөр жана биринчи кол чабуулар жаңырган. Бул учурда Женя болгону 13 жашта экендигине карабай көп­чү­лүктүн көңүлүн таап, өз атын алыска таанытууга үлгүрөт.
Мектеп жашында эле бир топ жетишкендиктерди багындырган Женя окуусун бүтөөрү менен бул тармакта дагы такшалуу максатында Москва шаарындагы Эстрада искусствосунун театр чеберчилиги институтуна тапшырат. Ал эми 1962-жылы бул окуу жайды бүтүрүп, «В жизни раз бывает 18 лет» деп аталган телеберүүгө жеке сатирасы менен чыккан. Бул сатирасы көпчүлүк белгилүү искусство кызматкерлерине өзгөчө жагып, белгилүү артист болууга үл­гүр­гөн. 1964-жылдан 1969-жылга чейин Леонид Утесовдун жетегинде Мамлекеттик эстрадалык оркестрде, андан кийин «Москонцертте» кызмат өтөйт. Ар кимдин жетегинде өз талантына тажрыйба топтогон Евгений 1980-жылдардан тарта ар кандай тамашалуу телеберүүлөрдүн үстүндө иштеп келет. Евгенийдин башкалардан өзгөчө­лүгү – бир чыгарманы бир ирет окуп чыкса эле анын ар бир тыныш белгилерине чейин жаттап калгандыгында.
Бул учурда Евгений Петросян жеке турмушун да унутта калтырбастан, 20 жашында биринчи жолу үйбүлө очогун тутанткан. Женянын биринчи жубайы – белгилүү балерина Кригердин биртууган синдиси. Арадан бир жыл өткөндөн кийин жубайлар Виктория аттуу кыздуу болушат. Бирок, бул бүлөнүн жашоосу узакка созулган эмес. Мунун башкы себеби, Евгенийдин башка бир сулууну сүйүп калгандыгында эле. Евгений Петросяндын экинчи жубайы дагы атактуу опера ырчысы Козловскийдин кызы Анна болгон. Анна Женядан 7 жашка улуу болчу. Тилекке каршы, бул жубайлардын биргеликтеги жашоосу бат эле аягына келип жетип, юморист үчүнчү жолу үйлөнүүгө аргасыз болгон. Бул ирет «Женянын жубайы» деген наамга Нина Дорда аттуу ленинграддык сулуу кыз ээ болот. Бирок, бул наам тез эле Евгенийдин азыркы түгөйү Елена Степаненкого ооп кеткен. «Еленаны мен бир көрүп эле сүйүп калгам. Ал кезде Лена өтө эле арык, анан мен үчүн эң сулуу кыз болчу»,- деп эскерет юморист. Азыр мурунку жубайларынын бири менен да катышпайт. Ал эми экинчи жубайы былтыркы жылы оорудан каза тапкан. Кызы Виктория болсо Америкада айнектен оюнчук чыгарган чакан ишкана иштетип күнүн көрөт. Виктория тилин албай чет өлкөгө кетип калгандыгы үчүн Евгений ага толук 10 жыл сүйлө­бөй койгон. Бирок, мындан 2-3 жыл мурун кызы менен атасы кайра жарашышып, юморист биринчи жолу неберелери менен таанышкан. Азыркы куудул-жубайы Елена Степаненко Евгенийдин кызы Виктория менен таптакыр сүйлөш­пөйт жана аны жек көрөт.

ЕЛЕНА СТЕПАНЕНКО
Елена 1954-жылы 5-январда Орусиянын Волгоград шаарында төрөл­гөн. Атасы ашпоз, апасы чачтарач болгондуктан, Ленанын балалыгы жетишпеген жакыр турмушка туура келген. Актриса болуу – анын балачагындагы эң башкы тилеги болчу. Мектепте орто окуган окуучулардын катарында болуп, математика, физика, химия деген сабактардан бир канча ирет «2» деген баа алган. Ошентсе да окуусун аяктаган соң бир жыл искусство институтунда окуп, 1972-жылы көкү­рөгүндөгү каалоосун ишке ашырып, атактуулукка жетүү максатында ГИТИСтин музыкалык театрынын актёрдук бөлүмүнө тапшырган.
Талыкпас эмгегинин артынан 1979-жылдан тартып чоң сахнага кадам таштаган Елена тез эле эл оозуна алына баштайт. Алгач көчөдөн эле чогулган таланттуулардан турган музыкалык топ менен акча үчүн эки жылга жакын убакыт жалаң гастролдордо жүрөт. Бирок, Еленанын аткаруучулук таланты 1979-жылы учурдагы жолдошу, атактуу юморист Евгений Петросян тарабынан бааланып, Мамлекеттик миниатюралар театрына кабыл алынат. Ушул күндөн тартып Елена сатиралык номерлерди чеберчилик менен аткарган эң таланттуу актриса катары эл алдына чыга баштаган. Ал эми 1999-жылы чыгарган “И смех, и слёзы, и любовь” деген аталыштагы сатиралык жеке чыгармасы менен миллиондогон көрүүчүлөрдүн жүрөгүн багындырууга жетишкен. Тынымсыз эмгектин артынан тапкан ийгилиги катары 2001-жылдан бери ТНТ каналынан эфирге чыгып келаткан “Шоу Елены Степаненко” деген телеберүүсүн айтууга болот. Андан тышкары, Елена жолдошу Евгенийдин бир гана жеке турмушунда эмес, чыгармачылыгындагы да жан шериги.
Елена жеке турмушунда балалыгынан бери сүйүүгө көп жолу жолуккандыгын айтып келет. Алтургай окуучулук кезинде Володя деген жигит үчүн эң жакын курбусу менен урушуп, керек болсо аны аз жерден өлтүрүп коё жаздаган. Курбусунун айтымында, окуя мындайча болгон: чоң суу жээктеп отурган кыздар Володя үчүн уруша кетишет. Бир маалда жөн гана сөз менен жүрүп жаткан уруш тытышууга өтүп, жини келген Елена курбусун сууга түртүп жиберип, басып кеткен. Ал эми суу агымы өтө тез болгондуктан, аны агызып кетет. Бир канча убактан кийин гана эбак эси ооп, бети-башы тытылган кызды классташ балдары суудан араң алып чыгышкан. Бирок, Елена ал жигит үчүн канча күрөшкөнү менен сүйүүсүнө жете алган эмес. Лена студент кезинде да өзүнөн эки жашка улуу Дмитрий аттуу жигитти жактырып, дагы бир чоң сүйүүгө кабылган. Аны менен бир жылдай жолугушуп жүрөт. Бирок, кийин Дмитрийдин үйбүлөлүү экендигин билип калып, ортолорундагы мамилеге чекит коюшкан. Елена Степаненконун башынан булардан башка да бир канча сүйүү сезимдери өткөн. Алардын эң өзгөчөсү катары өзү 23 жаш кезинде 57деги кишини жактырып калгандыгын айтууга болот. Бирок, муну көпчүлүк «байлык үчүн» деп жүрүшөт.
Елена азыркы жолдошу Евгений Петросянга чогуу иштешкендерине 6 жыл болгондон кийин гана 1985-жылы турмушка чыккан. Бирок, ошол 6 жыл ичинде экөө жарандык никеде жашап жүрүшкөндөрүн жана Евгенийдин ошол учурдагы жубайы менен да бир нече жолу урушканын айтып келишет. Учурда бул жубайлар бири-бири үчүн жаралгандыктарын жар салып, 20 жылдан ашык убакыттан бери ынтымакта чогуу турмуш курушууда. Тилекке каршы, экөөнү тең өкүн­дүргөн нерсе – балалуу боло алышпаганы. Ал эми бул кош жылдыздын ортолорунда уруштун жаралышы көбүнчө ашыкча тамашадан жана какшыктан келип чыгаарын өздөрү жашырышпайт. Алтургай 2004-жылы Елена жолдошун катуу тамашалап, экөө аз жерден ажырашып кете жаздашкан эле.

Даярдаган Чолпон Сүйүнбаева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: