Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ҮЙ ЭЭСИН ӨЛТҮРГӨН СТУДЕНТ КЫЗ

№285 18-24-апрель, 2008-ж.


Токко урунуп каза тапкан орус кемпирди жаш кыргыз кызы жерге берди. Өзү жалгыз чуркап табыт алып, көрүстөндөгү жайга акча төлөп жүргөн жаш кызга маркумдарды тейлөө бюросунда иштеген кызматкерлер таңданып жатышты. Бул кыз кемпирдин үйүндө батирде турган студент экен. Эч кимиси жок жалгыз карыны акыркы сапарга сыйы менен узатып, сооп иш кылганы үчүн аны кошуналары алкап да жатышкан. Бирок, үч айдан соң бул үйгө кылмыш иликтөөчү­лөр келип, кыздын колуна кишен салып алып кетишти.

"АНЫ ӨЛТҮРҮП КОЮШТУ"
Нөшөрлөп жамгыр жаап жаткан күнү райондук милицияга арыкчырай орус аял келди. Экинчи кабатка көтөрүлгөн аял кылмыш иликтөө бөлүмүнүн башчысы Курманкуловдун кабинетине башбакты.
– Мен сизге бир маанилүү ишти айтмакчы болуп келдим.
– Айта берсеңиз болот.
– Билесизби, биздин кошунабыз Даша апа жакында каза тапты. Жашы сексенге келип калган кары болчу. Ошентсе да баскан-турганы тың эле.
– Кечиресиз, маселенин ток этээр жерин айтсаңыз?
– Мен Даша апаны өлтүрүп коюшту деп ойлойм. Ал эмес, шектүү адамды да билем.
– Ушундай деңизчи?! Даша апа дегениңиз ким? Ал биздин аймакта жашачу беле?..

КЕМПИР ҮЙДҮ ӨТКӨЗҮП БЕРГЕН СОҢ КАЗА ТАПКАН
Бөлүм башчынын кабинетиндеги ушул кыскача сүйлөшүүдөн соң кылмыш иликтөө бөлүмүнүн кызматкери Карымов токко урунуп каза тапкан Дарья Иванова тууралуу маалыматтарды чогулта баштады. Ишти баштагандын эртеси күнү эле Карымов бөлүм башчынын кабинетине шашып кирип келди.
– Шеф, кечээ келген аялдын күмөнү бекеринен эмес окшойт.
– Шектүү бир нерсе байкап калдыңбы?
– Каза тапкан кемпирдин эч бир жакын тууганы жок экен. Жанагы студент кыз аныкында үч жылдан бери батирде жашап келе жатыптыр. Кемпир каза табаардан аз күн мурун үйүн ал кызга өткөрүп бериптир.
– Эмне, документтерди кыйнап жаздырыптырбы?
– Жок. Бир кошунасынан сурамжылап, көп нерсени билдим. Кемпир: "Үч жыл бою мени баламдай асырап бакты. Эми көз жумуп кете элегимде үйдү ушул кызга өткөзүп коёюн. Эртең кайдагы бир алыс туугандар келип үйдү талашып жүрүшпөсүн. Тирүүмдө бир кайрылып каралашпаган алар көзүм өткөн соң мага тууган болуп чыга келүүлөрүн каалабайм",- деп үйүн кызга өткөзүп бериптир. Ошондон бир жума өткөн соң кемпир каза тааптыр.
– Бул жерде шектенүүгө далилдүү негиз жок.
– Бирок, шеф, мен толук айтып бүткөн жокмун.
– Ии, анда айта бер.
– Мага кыздын үйүнө суу кайнаткыч, плитка алып келгени шектүү туюлууда.
– Та-ак, бул кебиң кызык экен.
– Үйдү документтештирип бүткөн соң ал кыз үйүнө суу кайнаткыч, плитка сатып келиптир. Кошунасы менен короодо кобурашып отуруп Даша апа: "Айжан кечээ суу кайнаткыч, плитка сатып келиптир. "Эмне кылат элең буларды?" десем, "жакында шаар боюнча ысык суу өчөт, сизди кыйналып калбасын деп алып келдим" дейт. Балам болсо ушинтип мага кам көрөөр беле, жокпу, билбейм",- деп айткан экен. Демек, бул кыз баарын алдын-ала пландаштырган. Шаарда ысык суу өчкөн учурдан пайдаланмакчы болгон.
– Ал кыздын атын ким дедиң?
– Айжан Айдаралиева, жогорку окуу жайынын студенти.

"МЕН ЭЧ НЕРСЕНИ БЕКЕРИНЕН ЖАСАБАЙМ"
Бөлүм башчынын буйругу менен лейтенант Карымов эми Айжандын окуу жайына жөнөдү. Төртүнчү курстун студенттери менен таанышып, акырындап Айдаралиева тууралуу маалымат чогултуп жатты. Курсташтары "президенттик стипендия алат" деп айтышты. Сурамжылап отуруп бул кыздын өзүнүн кызыкчылыктарын гана эң биринчи планга коёорун, башкалардын маселеси, кайгысы менен кымындай иши жоктугун билди. Сураштырып жүргөнүндө Айжандын бир курсташы ал тууралуу кызыктуу маалымат айтып калды: "Айжанды деги түшүнүп болбойт. Бекер жатаканадан баш тартып, батирге чыгып кетти. Стипендиясынан тышкары, түнкүсүн дарыканада иштеп акча таап, ошону менен жашайт. Анысы аз келгенсип, батирдин кожойкеси кары кемпир экен, аны да багып жүрөт. "Ашыкча баш ооруну эмне кылат элең? Жатаканада деле ысык суу, газ, душ бар эмеспи" деп сурасам, "Лёша, мен бекеринен ал кемпирди багып жаткан жокмун, мен эч нерсени бекеринен жасабайм" деп көзүн кысып коюп кетип калды. Бирок, кебине түшүнбөдүм",- деди. "Сен түшүнбө­сөң, мен түшүндүм. Айжан сага "кемпир үйүн мага өткөзүп берген соң жайлап таштайм" деп кыйыткан." Ичинен ушуларды ойлогон лейтенант түз эле милиция бөлүмүнө келди. Бөлүм башчыга кирип, чогулган маалыматтары, түкшүмөлдөрү туурасында айтып, маркумду эксгумация кылдыруу чечимине келишти. Ал үчүн прокуратурадан уруксат алуу керек болчу. Көп өтпөй ал уруксатка да ээ болушту.

КЫЛДАТ ОЙЛОНУЛГАН КЫЛМЫШ
Бул учурда Айжан шашылыш үйдү сатуу үчүн кардар издеп, окуусуна да барбай жүргөн. Бул үйдө жашап, көңүлү тынч албасын билип, кылмышы ачылып кала электе бул жерден из суутуп кетүүнү чечкен эле. Базардагы радиотүйүнүнө барып, "шашылыш түрдө эки бөлмөлүү үй сатылат" деп жарыя берип, кардар тапты. Өзү менен кошо келип үйдү көргөн киши алдын-ала күрөө акы таштап, калган сумманы документтештирүү башталган кезде берээрин айтты. Желкесинен оор жүктү оодарып таштагансып жеңилдене үшкүргөн Айжан ваннадагы жылуу сууга кирип, магдырап жатып калды. Көзүн чала жумуп уйкусурап бараткан кыз "дирт" эте ойгонуп кетти. Көз алдына Даша апанын акыркы мүнөттөрү келген эле...
Ал күнү Айжан "бүгүн ишти бүтүрүшүм керек" деп өзүнө сөз берип келген. Айжанды көрүп кубанган кожойке чай куя кетти.
– Келегой, кызым, сага арнап ичине быштак салып блинчик бышырып койдум.
Калтылдай баскан кемпир тарамышы көгөрүп көрүнгөн колдору менен Айжандын алдына блинчик коюп, чай куюп берди. Демейде жаркылдап турчу Айжан азыр бир чекиттен көз албай ойлуу эле.
– Сизди бүгүн жуунтуп койбосом, эми эки күн бою колум бошобойт. Мен азыр суу жылытып, ваннаны толтурам.
– Тамагыңды жебедиң да, кызым.
Артынан сүйлөгөн карынын кебине кулак салып да койбогон Айжан ванна толгуча унчукпай сууну тиктеп тура берди. Калтылдап баса ваннага келип, кызга сүйөнө эптеп чечинип сууга кирген кемпир артында үн-сөзсүз турган Айжанды "дене сүрткүчтү самындап жаткан экен" деп ойлоп отура берди. Өңүнөн кан-сөлү качып, купкуу болгон кыз колуна токко туташтырылган суу кайнаткычты кармап турган. Ошол калыбында көзүн ирмеп да койбой, жай гана суу кайнаткычты сууга таштап койду. Ары карап сууда отурган кары кемпир эмне иш болгонун аңдап билүүгө жетишпеди. Бүткүл денеси диртилдеп, саамга калтырап-титиреп туруп, анан тынчып жатып калды. Кудум эч нерсе болбогондой бир топко чейин карап турган Айжан анан барып суу кайнаткычты токтон сууруду. Ваннадагы сууну агызып, шалактаган денени аарчып, кийинтип, жерге жаткызып, бутуна токко сайылган суу кайнаткычты таштап койду. Мындай картинаны көргөн адам "карыган кемпир суу ысытам деп суу кайнаткычты токко туташтырып, анан аны чакадагы сууга салам деп жатып кокустан калдастап чалынып, аны басып жыгылган экен" деп ойломок. Ваннадагы көрүнүштү сыдыра тиктеп, баары ойдогудай жайгашканына көзү жеткен соң гана Айжан суу кайнаткычты сууруп, подъездди башына көтөрө бакыра баштады. Кыйкырыктан улам заматта подъезддеги кошуналар чогулуп калышты. Экөө алактап Даша апаны залга алып чыгышса, бирөө Айжанга суу ала чуркап, чакчелекей түшүп калышты. Бир аздан соң өзүнө келе баштаган кошуналар сотмедэкспертизага чалуу керектигин айта башташты. Бул кепти укканда Айжандын жүрөгү оозуна тыгылып кала жаздады. Көрсө, кошуналары сотмедэкспертизага Айжандан шек алган үчүн эмес, маркумга өлгөндүгү тууралуу күбөлүк алуу керектигинен улам чалышкан экен. "Сотмедэкспертизанын жыйынтыгын алмайынча күбөлүк берилбейт" деп айтышкан соң Айжан бир аз өзүнө келди. Көп өтпөй жетип келген экспертизанын кызматкери маркумдун суу кайнаткычка күйүп калган бутун саамга карап, башын чайкады. Анан баракка бир нерселерди чиймелей салып, ал баракты Айжанга сунду да кете берди. Бул кемпирге окшоп карыганда жалгыз калып, кырсыктап каза тапкан карылардын далайын көргөн неме жапжаш кыздын кылмышынан кымындай да шек алган жок. "Ашыкча эле жароокерленип, ичи-коюнга кире берет" деп Айжанды жактырбай жүргөн кошунасы Мария гана башын жерге салып, ыйлап отурган кызга шектүү карап турду.
Маркумду акыркы сапарга узатуу түйшүгүн көтөргөн кыз кошуналарынын алкоосун угуп, сыртынан капаланган түр көрсөткөнү менен ичинен "кутулганыма шүгүр" деп жыргап жатты. Бирок, Даша апаны жерге берген соң уйкусу качып, өзүн жаман сезе берди. Акыры бул үйдө көңүлү тынч жашай албасын сезип, үйдү сатып, башка жактан жаңы үй алып, кылмышын дайыма эстетип тураар бул жерден эртерээк кетип калмай болду. Атүгүл башка райондон үй караштырып, кожоюну менен макулдашып келди. Бирок, канчалык жанталашпасын, максатына жетпеди. "Бүгүн үйдү алуучу кардар келет. Документтерди бүтүрсөк, акчаны берет. Анан мен алуучу үйдүн ээсине акчаны алып барып берем",- деп отурган жеринен милиция кызматкерлери келип, кармап кетишти. Ал алгач эч нерсени түшүнбөгөн түр көрсөтүп жаткан. Качан гана сөөктүн эксгумация кылынгандыгын, кайрадан соттук медициналык экспертиза өткөрүлгөндүгүн, жыйынтыгында, Дарья Иванованын кантип каза тапканы аныкталгандыгын билген соң шалдырап отуруп калды. Ал күнөөсүн моюнга албаганга аргасы жок эле.

Даярдаган Айбек Нурадилов. Сүрөтчү Ренат Мамытбеков


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: