Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БЕНЗОКОЛОНКА ХАНЫШАСЫ

№285 18-24-апрель, 2008-ж.


Жакшы режиссёр сценарийди окуп, анан ага артисттерди тандайт. Мыкты режиссёр алгач артистти көрүп, анан атайын ошол артист үчүн сценарий жаздырат. Ошол сыяктуу “Бензоколонка ханышасы” да бир гана актриса үчүн жазылган. Улуу актриса Надежда Румянцева үчүн...

Режиссёру – Алексей Мишурин, Николай Литус
Сценарийин жазган – П.Лубенский
Оператору – Александр Пищиков
Композитору – Евгений Зубцов
Ролдордо: Надежда Румянцева, Андрей Сова, Алексей Кожевников, Нонна Копержинская, Владимир Белокуров, Павел Винник, Юрий Белов жана башкалар

ЭМНЕ ЖӨНҮНДӨ?
Тасманын башкаарманы Людмила Добрыйвечер (Н.Румянцева) келбетинин келишпегени үчүн эчактан бери эңсеп жүргөн “Муз үстүндөгү балет” ансамблине кабыл алынбай калат да, тагдыр аны такыр эле башка жакка, бензоколонкага туш кылат. Алгач Людмиланын колунан эч нерсе келбейт, анын үстүнө ашпозчу Рогнеда Карповна (Н. Копержинская) жаңы келген кызга көрө албастык кылат. Бирок, жөнөкөй жана шайыр кыз кыска убакыттын ичинде татаал ишти гана (келген машиналарга май куюуну) үй­рө­нүп кетпестен, бүтүн­дөй бензоколонканын ишин өзгөртүүгө жана жамааты менен кардарларынын сүй­мөнчүгү болууга жетишет. Акыры ал кыялындагы муз үстүндө бийчи болбосо да, жөнөкөй бензоколонканын чыныгы ханышасына айланат.

ТАСМАНЫН ТАРЫХЫНАН
“Мосфильмдин” улуу мүдүрү Иван Александрович Пырьев актриса Надежда Румянцеваны көргөндө: “Тезинен бул актриса үчүн атайын сценарий жазылышы керек!”- деп буйрук кылган. Бул буйрук менен актриса үчүн бир эмес, үч сценарий жазылыптыр. Ошентип, 1959-жылы “Жеңилбестер”, 1962-жылы “Кыздар”, 1963-жылы “Бензоколонка ханышасы” жарык көрдү.
Сталин каза болгондон кийин өкмөт элет тургундарынын бардыгына паспорт тараткан да, айыл жаштары шаарды көздөй келе баштаган. Ушундан улам ошол кездеги дээрлик бардык киносынчылардын ою бир эле: “каяктагы бир айылдык немелер келип алып, мында кино тартабыз дешет”. Мындай сынды “Бензоколонка ханышасынын” дарегине да айтпай коюшкан жок. “Тасма жаш кыздарга туура эмес тарбия берип жатат”, “бул советтик милицияга каршы тартылган фильм” деген каршы сөздөр белгилүү гезит беттерине жарыяланчу.
Бирок, аталган кино чыныгы сынчы болгон элге, жөнөкөй советтик көрүүчүгө жакканы анык. “Бензоколонка ханышасы” 1962-жылы прокаттын лидери болгон. Биринчи эле жылы фильмди 34,3 миллион адам көргөн. Статистикалык билдирүүлөргө таянсак, бул тасма популярдуулугу боюнча катар тартылган “Эртең келгиле”, “Апачилердин алтыны”, “Россиядан сүйүүм менен” сыяктуу фильмдерди артта калтырган. Мунун башкы себеби – фильмде сүрөт­төл­гөн жөнө­көй жеңил окуя жана өтө жылдыздуу башкаарман.

КЫЗЫКТУУСУ...

  • Тасма Украинада тартылган. Кино тартуу үчүн ылайыктуу жер издеп Пирятин деген шаарчага токтошкон. Жарык берүүчү аппараттардын айынан кинону чыныгы май куюучу жайда тартууга тыюу салышкан. Ошол себептен жол боюна АЗСтин макетин жасоого туура келген.
  • Күндөрдүн биринде тартуу учурунда жасалма АЗСке алыс жол тартып келаткан жүк ташуучу машина келип токтойт да, айдоочу май куюп берүүлөрүн өтүнөт. Надежда Румянцева эч ойлонбостон: “Сизге май куйбайм! Машинаңыз кир, сакалыңыз алынбаган!”- деп жооп берет. Жини келген айдоочудан “кечириңиз, биз тамаша кылдык. Тааныган жоксузбу, бул Надежда Румянцева” деп атып кутулушкан. Кийин ушул эпизодду жана актрисанын сөздөрүн сценарийде жок болсо да киного кошуп коюуну туура көрүшкөн.
  • 2004-жылы украиналык режиссёр Александр Кириенко “Бензоколонка ханышасы-2” фильмин тартып чыгарган. Анын каарманы да Людмила театралдык окуу жайына өтпөй калып, жөнөкөй эле май куюучу жайды иштете баштайт да, тез аранын ичинде бул жерди эң сонун көңүл ачуучу жайга айландырат. Албетте, тасма оригиналынын ийгилигин кайталай алган эмес.

НАДЕЖДА РУМЯНЦЕВА
Популярдуу «Кыздар» жана «Бензоколонка ханышасы» баш болгон 30га жакын фильмдерде эң мыкты образдарды жараткан Надежда Румянцева быйыл 79га чыкмак. 8-апрель күнү саат 21:40та көпкө созулган оорудан кийин атактуу актриса о дүйнөгө сапар алды. РФнын Эл артисти менен коштошуу үчүн анын күйөрмандары бүткүл КМШ жана чет өлкөлөрдөн келишти.

Надежда Румянцева Москвага жакын Жаворонки деген айылда туулган. Жердигинен уламбы же ичке үнүн жана шамдагайлыгын ушул чымчыктыкына окшоштуруппу, актрисаны баары “Жоваронок” деп тамашалап аташчу. Актрисанын апасы да өз учурунда белгилүү адам болууну эңсечү экен да, «өзүм жетпеген кыялга кызым жетсе экен» деп тилеп, кызынын «киноактриса болом» дегенин дайыма колдоп жүрчү.
Кичинекей Надюша мектепте эле “артистка” деген атка конгон. Мектепти алтын медаль менен аяктап, Москвадагы Борбордук балдар театрына сынакка катышууну чечет. Конкурстун комиссиясы кийин эстегендей, “бою сакадай, көздөрү бакырайган 16 жашар кыз келип, Фамусовдун монологун катыра окуп бергенде, аны окууга албай коюу күнөө эле”.
Эң алгачкы жолу көрүүчүлөр Надежда Румянцева деген ысымды 1952-жылы “Жашоого бет ала...” деген фильмден угушкан. 1957-жылы Оскар Уайльддын “Жылдыз бала” жомогунда эркек баланын ролун аткарганы да көрүүчүлөргө жаңылык эле. Ошондон баштап таланттуу актрисанын фильмографиясы жыл сайын бир фильм менен толуктала баштаган.
Чыныгы популярдуулук актрисага “Кыздар” кинокомедиясынан кийин келди. 31 жашында 18 жашар кыздын ролун аткаруу – ар бир актрисанын кыялы болсо керек. Кодойгон бою бар, ишенчээк жана ажарлуу, ар бир кыймылы, ар бир сөзү күлкү жараткан Тоня Кислицына жаш муундун кыздары үчүн өрнөк болуп чыга келген. Ал эми Надежда жаңы “юбкачан Чаплин” деген атка ээ болуп калат. Бирок, чыныгы наамды, “Эң мыкты аял ролун” актрисага ошол жылдары өткөн «Эл аралык Мар-дель-Плато» кинофестивалы берген.
Ийгилик тепкичинин кийинки кадамына Румянцева жогоруда кененирээк сөз болгон “Бензоколонка ханышасы” деген фильми менен көтөрүлдү. “Мосфильмдин” көркөм кеңеши: “Сценарий боюнча башкаарман жылдыздуу жана сексуалдуу, а силер бизге кимди сунуштап жатасыңар?! Ушул маймылдыбы?”- деп чыккан. Бир аз өтпөй так ошол “маймыл” бензоколонканын гана эмес, орус кинематографиясында комедиянын ханышасына айланат. 1967-жылга чейин кайрадан бир жылда бир фильмде тартылып жүргөн актриса капыстан экран бетинен жоголуп кетет. 1975-жылга чейин ал жөнүндө эч нерсе угулбайт. “Өлүп калыптыр”, “ичип кетиптир”, “түрмөдө экен” деген көптөгөн ушак сөздөр чыгат. Ал эми чыныгы себеп баарынан жөнөкөй эле – актриса сүйүк­түү адамын жолуктуруп калган.
Кесиби дипломат Вилли Вартанович Хштоян улуту боюнча армян экен. Румянцева кийин журналисттерге берген интервьюларында: “Виллиге кезиккенде деле толтура аткарыла элек ролдорум бар болчу. Ал эми жолдошумдун кесиби башка өлкөгө кетүүнү талап кылып жаткан. Мен көп ойлонгон жокмун, жолдошумдун жумушун өзүмдү­күнөн жогору бааладым”,- деп айткан.
Надежда Румянцева чет өлкөдө, көбүрөөк Египетте жана Малайзияда дээрлик 15 жыл жашады. Албетте, мынча убакытта ал толгон жаңы образдарды жаратууга жетишмек. Бирок, актриса такыр башка, жүрөгүнө жакыныраак нерсени тандады. “Менин жолдошум “Надежда Румянцеванын күйөөсүмүн” деп айтпашы керек, тескерисинче, мен “Вилли Вартановичтин аялымын” деп айтышым керек”,- деп актриса көп жолу айтып калчу.
СССРге жубайлар 1980-жылдардын башында кайтып келишкен. Ушундан кийин Надежда 5 чакты жаңы фильмге тартылып, 1990-жылдары балдар үчүн арналган “Будильник” деген телекөрсөтүүнүн алпаруучусу болуп иштөөнү чечет. Ар жекшемби сайын актрисаны экрандан көрүү – балдар үчүн гана эмес, актрисаны бир топ сагынып калган улуу муун үчүн да өтө жагымдуу нерсе эле. Мындан сырткары, Румянцеванын кайталангыс үнү менен көптөгөн мультфильм каармандары сүйлөгөн. Алардын ичинде “38 тоту куш” мультфильминдеги Мартышка, америкалык “Өрдөктөрдүн жоруктары” мультфильминдеги Диллини айтса болот. Бул жерде дагы белгилеп кете турчу нерсе бар: актриса атактуу “Кавказ туткуну” комедиясындагы башкаарман Нинанын үнүн дубляж кылган.
Тилекке каршы, ушул кино, мультфильмдерди көрбөй өскөн, улуу актрисаны тааныбагандар, анын эмгегин баалабагандар да бар көрүнөт. 1996-жылы актрисанын үйүнө эки жаш кылмышкер уурулукка кирген. Албетте, алар максатына жете алышкан жок, себеби, кары болсо да Вилли Вартанович алдуу болуп, чакырылбаган “конокторго” каршылык көрсөтө алган. Бирок, ошол зөөкүр­лөрдөн башына эки жолу муш жеген актриса ошол күндөн тарта баш оорусуна чалдыккан.
Бул жагымсыз окуядан кийин жолдошу Москвадан көчүп кетүүнү чечет да, алар Владимир Путиндин дачасына жакын жерден чакан үй алып, тынчыраак аймакка барып жашашат. Надежда Румянцева гүл багып, кышкы салаттарды даярдап, жолдошуна даамдуу тамак бышырып, кыскасы, кадимки кожойкеге айланат. Мунусун күйөөсү Вилли Хштоян дайыма баалачу. Ал “мен сени сүйөм” деген сөздү күн сайын жубайына айтууну унутпаган.
Кийинки жылдары актрисанын баш оорусу күчөп, иммунитети начарлап, алдан тая баштаган. Бирок, акырына чейин доктурлар актрисага так диагноз коё алышкан жок. Жашоосунун акыркы мүнөттөрүн актриса сүйүктүү жолдошунун жанында өткөрүп, анын колунда көз жумган.

Бетти даярдаган Бегайым Мусакеева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: