Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«КУРБУМ БЕТИМЕ КИСЛОТА ЧАЧТЫРЫП КҮЙГҮЗГӨН»

№286 25-апрель - 1-май, 2008-ж.


Дүйнөдө канча түрдүү адам болсо, ошончо түрдүү тагдыр бар десек болот. Айрымдарга өзүнө окшогон эле адамдардын кара өзгөйлүгүнүн кесепетинен корунуп жашаганга туура келет. Мындай армандуу тагдырга Чолпон алгач бир партада отуруп, кийин ЖОЖдун босогосун чогуу аттаган курбусунун жеңил ойлуулугунан улам туш болгон. Чолпондун курбусу Нурпери болбогон жерден кек сактап жүрүп, акыры бирөө­лөр аркылуу анын бетине алтын эритүүчү кислотаны чачтырып жиберген. Ошондон бери Чолпон бетине жылына эки-үч жолудан операция жасатып, мурунку калыбына келе албай жүрөт. Көчөдө болсо жайы-кышы дебей бетин чүмкөп жүрүүгө аргасыз. Чолпон менен болгон маек назарыңыздарда...

– Кайсы жерде туулуп-өскөн­сүз? Жалпы эле өзүңүз тууралуу айтып өтсөңүз...
– Мен Ош облусуна караштуу Каракулжа районунан болом. Тогуз биртуугандын улуусумун. Кыргыздарда биринчи неберени чоң эне, чоң ата багып алган жө­рөл­гө бар эмеспи. Ошол сыңары мени дагы чоң атам менен чоң энем багып өстүрдү. 9-класстан өз ата-энемдин колуна бардым. Мектепти жакшы окуп бүткөндүктөн, ата-энем мени Ош шаарындагы Кыргыз-Өзбек университетинин юридикалык факультетине өткөрүп коюшту.
– Азыркы тагдарыңызга качан, каяктан, кантип туш болгонсуз?
– Бул окуя 1999-жылы болгон. Аны уюштурган кыз менин айылдашым, ал гана эмес, 1-класстан баштап чогуу окуган классташым болот. Нурпери экөөбүз мектепти чогуу аяктап, университетке да чогуу тапшырганбыз. Анан калса, экөөбүз жатаканада бир бөлмөдө жашачубуз. Кадимки айылдаш курбулардай эле мамилебиз жакшы болчу.
Каргашанын болушуна кичинекей эле бир окуя себепкер болду. Коңшу бөлмөдө жашаган Калыс деген кыздын күрмөсү жоголду. Ошол күнү Нурпери Калыстын бөлмөсүндө түнөгөн эле. Ал түнөгөн күндүн эртеси эртең менен Калыс сыртка чыгып кайра келсе, Нурпери жок экен. Аны менен кошо кийип жүргөн күрмөсү да жок болуп чыкты. Бир аздан соң “бөлмөгө барсам бек экен” деген Нурпери кайра Калыстын бөлмөсүнө келет. Бирок, чындыгында Нурпери менен жашаган кыздар бөлмөдө эле болчубуз. Ошентип, Калыс күрмөсү тууралуу милицияга арыз менен кайрылды. Милиция кызматкерлери күрмөнү сураштырып келип эле Нурпериге такалышат. Милиция алдында Нурпери менен чогуу жашаган биздин да суралуубузга туура келди. “Нурпери бөлмөгө келген эмес” деп мен айтып бердим. Ошондо ал: “Эмнеге антип айтасың? Бетиңе так салбасам, ка­рап тур...”- деген болчу. Жини келгенинен эле айтып жатса керек деп анын бул сөзүн этибарга алган эмесмин. Калыстын күр­мөсүн ким алганы так айтылбаса да, Нурперинин алганын баарыбыз эле билдик. Бул иш аяктагандан кийин ал экөө­бүз­дүн мамилебиз мурункудай эле калды. Күрмө жоголгондогу окуяны унутуп деле калгам.
Күндөр өтө берди. Тез эле 1-курс­тун кышкы сессиясын аяктап, баарыбыз айылдарыбызга тарадык. Каникул аяктаганда Ошко кетейин деп камдана баштадым. Кетээриме үч күн калганда Нурпери үйгө келип, менин Ошко качан кетээримди сурап кетти. Эртеси чоң атамдыкына барып үйүн жыйнап, кирлерин жууп коюп, кечинде өз үйүмө келдим. Келатып жолдон кошуна кыздардын соода кылуучу чакан күркөсүндө алар менен сүйлөшүп туруп калдым. Күркө биздин үйгө жанаша эле. Аңгыча биздин үйдүн дарбазасынын алдында бейтааныш кыздын менин атымды айтып чакырып жатканын көрдүм. Мен ага “бери кел, мен бияктамын” десем, ал “сизди курбуларыңыз чакырып жатышат” деди. “Бара албайм” десем, тигил кыз бир аз турган соң кетип калды. Оюмда эч нерсе жок эле ошону менен үйгө бардым. Бир аздан кийин сырттан бирөөнүн кыйкырганын угуп чыксам, жанагы кыз кайра келиптир. “Сизди чакырган курбуларыңыз мобул катты берип жиберишти”,- деди. Үйүбүз чоң жолдун боюнда болгондуктан, машиналар көп өтөөр эле. Машина өтүп калганда тигил кыз машинанын жарыгынан эмнегедир бетин катып, ары карап калып жатты. Колунда кичинекей кружкасы да бар экенин көрдүм. Бирок, бетиме бир нерсе чачат деп ойлогон жокмун. “Кагазды ким берди экен?” деп, аны алмакка жанына басып бардым. Бирок, аны алганга жетишкен жокмун. Бир кадам калганда ал менин бетиме кружкадагы суюктукту чачып жиберди. Көзүм ушунча катуу ачышып баштаганынан улам бакырып, үйдү көздөй жөнөдүм.
– Кислота чачканын дароо эле билдиңизби?
– Анда эч нерсе билинген жок. Алгач “суу чачып жиберди” деп ойлогом. Бирок, көзүм ачышып эле көрбөй калгандыктан, суу эмес экенин түшүндүм. Апам болсо бетимди суу менен жууп кирди. Чачкан суюктугу жемпиримди оюп кетиптир. Оорукана биздин үйгө жакын болгондуктан, дароо эле алып барышты. Ал жерде эксперттер бетиме чачылган суюктуктун жытынан эле кислота экенин айтышты. Милицияга арыз жазган элем. Алар: “Ким менен уруштуң эле? Жаман көргөн, өч адамың ким?”- деп сурап, тергөө ишин башташты. Мен болсом “эч ким менен урушкан эмесмин, душманым деле жок” дейм. Жатаканадагы күрмөнүн жоголгонун, ошондогу Нурперинин сөзүн такыр эсимден чыгарып коюптурмун. Илинчектерден улам арадан он күн өткөндө мени, анан Нурперини милицияга алпарышканда ал жасагандарынын баарын моюнуна алды. Көрсө, бул кыянаттыкты бир партада отуруп чогуу чоңойгон, мен курбум деп эсептеген Нурпери уюштуруп бериптир.
– Анда денсоолугуңуз жакшы болуп калды бе­ле?
– Эки ай көзүм такыр көрбөй жүрдү. Ошондогу менин абалымды сиз сурабаңыз, мен айтпайын. Менин денсоолугум жаштайыман калыбына келбечү­дөй соолубадыбы. (Көздө­рүнөн аккан жашты аарчып, сөзүн улады). Нурпери кечирим сурап, “жанында болоюн, бардык дары-дармегин толук көтөрө­йүн” деп жалдырады эле, үйдөгү­лөр болбой коюшту. Бул ишти уюштуруп берген Нурпери болгону менен мага кислота чачкан кошуна айылдык Бактыкан деген кыз болуп чыкты. Көп өтпөй эле Нурпери мен жаткан ооруканага “ооруп атам” деп тергөөнү создуктуруу үчүн калп эле жатып алды. Бактыкан болсо Майлысайдагы психикалык ооруканага психикалык жактан оорулуу делинип жаткызылды. Эки айдан кийин мени Ош шаарына которуп жиберишти. Ал жакта төрт ай дарыландым. Нурпери ошондо менин ата-энеме келип: “Эмне кылып аласыңар? Мен тергөөчү­лөргө акча берип койгом”,- деп ачык эле айткан экен. Окуянын болгонуна алты ай өткөндө сот болуп, Нурпери жети жылга, ал эми Бактыкан үч жылга шарттуу кесилди.
– Кыздар кислотаны кайдан алы­­­шыптыр жана бул кыздар боюнча азыр маалыматыңыз барбы?
– Нурперинин жакын эжеси стоматологияда иштечү, кислотаны ошондон алышыптыр. Угушума караганда, Нурпери түрмөдөн чыгып, азыр Орусияда экен. Ал эми Бактыканды турмушка чыгыптыр деп уктум.
– Күйгөн жерлериңиз кайра калыбына келчүдөйбү?
– Андан бери тогуз жыл өттү. Ошондон бери мен көрбөгөн кордук калбай минтип жыйырма жетиге чыктым. Чачылган кислота бетимдин терисин гана эмес, түбүнө чейин, каштарымды, мурдумдун кемирчектерин дагы күйгүзүп кетиптир. Чачтарым тосуп калгандыктан, кулагым анча күйбөй калган. Бети-башымды кайра калыбына келтирүү үчүн көп акча керек экен. Ата-энем акыркы малына чейин сатканга айласыз болушту. Анан албетте, туугандарым, кайрымдуулук уюмдары жардам берип, андан бери он беш жолу операция жасалды. Ата-энем мен ыйласам кошо ыйлап, алар да менден бешбетер санаа тартып кыйналышты. Кашым түп орду менен күйүп кеткен эле, аны баш териден чачы менен кошо алып чапташты. Бетиме жоон санымдын, ичимдин төмөн жагынын терисин алып жамашты. Операциядан башым чыкпай жүрүп абдан кыйналып, жадап кеттим. Баарынан да көзүм аман калганына сүйүнөм. Ыйлай бергендиктен, кислота жаш менен чыгып кеткен окшойт. Он жылдан берки операция, наркоз дегендин баары денсоолугумду жеп бүттү. Башында 54 килограмм элем, азыр 40 килограмм араң чыгам.
– Мурунку калыбына келтириш үчүн дагы көп каражат талап кылынат экен да?
Пластикалык операция дегениңе абдан көп акча керек экен. Менин тагдырыма боор ооруган кайрымдуу адамдардан жардам сурайын дедим эле. Бир эл, бир журт эмеспизби. Мен дагы башка адамдар сыяктуу бетимди чулгабай, корунбай, ээн-эркин жүргүм келет. Анткени, бетим эле эмес, моюн жагым да күйүп калган.


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
17.11.2010. 04:07 
Тайпасы:
Кыймылы жок
Комментарийлердин саны:
27
Катталган:
06-10-2010
Соӊку аракети:
01-02-2014 19:59
Жынысы:
Белгисиз
Калаасы:
bolzano
0
kudai ai,degi jardam berchu admadar tabilsa eken...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: