Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БИЛЛДИ ӨЛТҮРҮҮ

№286 25-апрель - 1-май, 2008-ж.


Кытай мушташы жана италиялык вестернге жапон анимациясы менен америкалык драманы кошуп мыкты фильмди жаратуу Тарантинодон башка эч кимдин колунан келбейт эле. “Биллди өлтүрүү” жана “Биллди өлтүрүү-2” тасмалары адегенде бир сценарий болуп жазылып, убактысынын созулуп кеткенине байланыштуу гана экиге бөлүнүп көрсөтүлгөн. Мында сүрөттөлгөн кандуу окуяны түшүнүү үчүн тасманын экөөсүн тең көрүү керек экенин эске алып, биз дагы “Биллди өлтүрүү” тасмасынын эки бөлүгү тууралуу баяндоону чечтик.

Режиссёру – Квентин Тарантино
Сценарийин жазгандар – Квентин Тарантино, Ума Турман
Продюсерлери – Лоуренс Бендер, Коко Маеда
Ролдордо: Ума Турман, Люси Лью, Вивика Фокс, Дэрилл Ханна, Дэвид Керрадайн, Майкл Мэдсен, Жули Дрейфус, Чияки Курияма, Сонни Чиба жана башкалар

КЫСКАЧА МАЗМУНУ
Билл профессионалдуу мушкер, киши өлтүргүч жана акча үчүн бирөөнүн жанын кыюуга даяр болгондорду чогултуп, өзүнө окшош мыкты өлтүргүчтөрдүн тайпасын түзгөн. Ал топто Билл өзү (Д.Керрадайн), иниси Бадд (М.Мэдсен), жапон кыз О-Рен (Л.Лью), бир көздүү Элль (Д.Ханна), кара терилүү Верника (В.Фокс) жана Беатрикс деген кыз (У.Турман) бар эле.
Кезектеги тапшырмасын аткараарда Беатрикс боюнда бар экенин билет да, ымыркайынын өзү жашаган жашоодо өсүшүн каалабай, Биллдин тобунан качып кетет. Билл топтогу сүймөнчүгү эми жөнөкөй адам менен баш кошуп жатканын, кичинекей дүкөнчөдө музыкалык пластинка сатып иштээрин билгенде топтун башка мүчөлөрү менен үйлөнүү тоюна күтүүсүздөн келип, кош бойлуу Беатриксти, күйөөсүн жана тойго келген конокторду чиркөөнүн ичинде мыкаачылык менен аткылап кетишет.
Шумдуктуу бир себептер менен аман калган Беатрикс 5 жыл бою комада жаткан соң өч алууну ойлойт да, каргашалуу тизме түзөт. Ал тизме боюнча кезек-кезеги менен топтун бардык мүчө­лө­рүнөн өч алып отуруп, акыры өзүнүн түп максатына – Биллди өлтүрүүгө жетет. Бирок, аны өлтүрүү оңой эмес, себеби, Биллдин колунда Беатрикстин өзү менен кошо аман калган кызы – Биби бар.

«ӨЧ – МУЗДАК ИЧИЛЕ ТУРГАН ТАМАК!»
“Биллди өлтүрүү” тасмасын жаратуу идеясы 1992-жылы эле пайда болгон. Идея режиссёр Тарантино менен актриса Ума Турманга таандык. Сценарийде бир да тамга жазыла электе экөө тасманын ураанын аныкташкан: “Өч – бул муздак ичиле турган тамак!” Азыр бул ураан фильмдин өзүндөй эле атактуу фразага айланган.
Башкы ролду Ума Турманга ыйгараарын режиссёр сыр кылып сактап жүргөн да, актрисанын 30-туулган күнүндө мындай мүмкүнчүлүктү белек катары берген. Ошентип, идеясы дээрлик 10 жылдан бери бышып келаткан тасманы тартууга даярдык көрүлө баштаган. Бирок, актрисанын кош бойлуулугуна байланыштуу съёмкаларды дагы бир жылга жылдырууга туура келген.
2003-жылдын декабрында фильмдин биринчи, 2004-жылы июнь айында экинчи бөлүгү жарык көрдү. Тасма “Алтын глобус” (“Оскардан” кийин) кинопремиясынын башкы сыйлыгына, Ума Турман “Оскарга” ээ болду. Ал эми 55 миллиондук бюджет менен тартылган тасманын кайра тапкан кирешеси 185 миллион долларга барабар эле.

ТАРТЫЛЫШЫ
Тасма Американын бир нече штаттарында, Токио жана Гонг-Конг шаарларында тартылган. Даярдык мезгилин жана монтаждоону кошкондо “Биллди өлтүрүү” туура 9 ай 9 күндө даяр болгон. Бул туурасында режиссёр Квентин Тарантино тамашалап: “Бул тасманы мен ар бир эне сыяктуу 9 ай көтөрдүм, андыктан, анын мен үчүн кандай баалуу экени түшүнүктүү деп ойлойм”,- деп айткан.
Мушташ. Тасмада жогоруда айтылгандай, кытай мушташ өнөрүнүн ыкмалары көп колдонулган. Мунун баарын көрүүчүгө эң жакшы деңгээлде тартуулаш үчүн режиссёр 1970-жылдары Кытайда тартылган фильмдердин узун тизмесин түзгөн да, операторго алардын бардыгын көрүп чыгууну буюрган.
Кан. Режиссёр (тасманын анимациялык бөлүгүн эсептебегенде) компьютердин жардамын, атайын эффекттерди колдонууга тыюу салган. Жараланган мушкерлердин денесинен фонтан сымал атылган кан эң жөнөкөй жол менен жасалган: атайын даярдалган кызыл боёк кадимки презервативдерге куюлган да, актёр аны керектүү учурда жарып жибериши гана керек болгон. Фильмди тартып бүткөнгө чейин 1700 литр кызыл боёк сарпталганы эсептелинген. Фильмдердин рейтингин аныктоочу комиссия режиссёрго кээбир эпизоддорду ак-кара түскө боёп салууну сунушташкан. Антпесе так ушул кандын өтө көптүгүнөн “Биллди өлтүрүү” цензурадан өтпөй калышы мүмкүн эле.
Кылычтар. Тасмадагы самурай кылычтарына да көңүл бурбай коюуга болбойт. Алар сценарийде жазылгандай эле чыныгы жашоодо да кылыч жасоо менен алектенген Хаттори Ханзо тарабынан даярдалган эле. Фильмдеги бардык кылычтарды жасоого жалпы эсеп менен 65 миң доллар кеткен.
Каскадёрлор. Өтө кооптуу деп саналган эпизоддорду тартууда режиссёр компьютердик графикадан көрө каскадёрлорду жалдаганды туура көргөн. Фильмде бардыгы болуп 8 каскадёр тартылган. Анын үчөө эле башкы ролду жараткан Ума Турмандын ордуна иштешкен. Кээбир маалыматтарга таянсак, каскадёрлордун бири Зои Билли эмгеги үчүн Ума Турмандан аз эмес, тагыраак айтканда, 4,5 миллион долларлык гонорар алган. Мындан улам актёрлорго берилген гонорарды божомолдой берсе болот.
6 мүнөттүк кадр. Тарантинонун дээрлик бардык фильмдеринде колдонгон бир режиссёрлук өзгөчөлүгү бар. Ал – бир нече мүнөткө созулган кадр. Мындай кадр “Биллди өлтүрүүдө” да бар. Беатрикс Верникадан өч алууга келгенде үйгө кирип, бөлмөлөрдөн өтүп, курмандыгынын аркасынан аңдыйт. Бул өзгөчө кадр үзгүлтүккө учурабайт, монтаждалбайт жана тасманын акыркы вариантына биринчи дубли гана кирет. Киночулар бул өзгөчө ыкманы “Кадр” (баш тамга менен) деп аташат. Квентиндин 6 мүнөттүк Кадрын тартуу үчүн 6 саат убакыт камданууга эле жумшалган (салыштыруу үчүн: көркөм жана документалдык фильмдерде бир кадр эң аз 4, эң көп 8 секундга созулушу керек).

УЛАНДЫСЫ ТАРТЫЛАТ
Фильмде Беатрикс атаандашы Верниканы өл­түр­гөндө анын 8 жашар Никки аттуу кызы жетим калган эле. Квентин Тарантино: “Мен Никкини ушул бойдон калтырбайм, ал чоңоюп апасынын өлүмү үчүн өч алышы керек”,- деген. Демек, жакынкы арада бул окуянын биринчи бөлүктөрүнөн кем эмес уландысын көрүү мүмкүн.

КЫЗЫКТУУСУ...

  • Фильмдеги “Woo Hoo”, “Bang Bang” сыяктуу саундтректер хитке айланган кинокомпозициялар экендиги баарына маалым болсо да, тасмага ушул жана башка 20дан ашык ыр жаздырып берген Роберт Родригес (“Күнөөлөр шаары” фильминин режиссёру) гонорар катары 1 доллар алганын билгендер аз болсо керек. Мунун себеби, учурунда Квентин Тарантино досу Родригестин фильмине 1 доллар үчүн мыкты саундтрек даярдап берген.
  • Сценарийде башкаармандын аты бир да жолу айтылбайт. Бирок, учакка алган билетин жакшылап карап, анын ысымы Беатрикс Кидо экенин байкаса болот.
  • Тасмада Беатрикстин 88 самурай менен бетме-бет согушкан эпизоддо самурайлардын арасында режиссёр Тарантино да бар. Ал эми Биллдин үйүндөгү малайлардын бирин продюсер Лоуренс Бендер аткарган. Бул продюсер менен режиссёрдун жөн гана “эми өзүбүз деле тартылып коёлу” деген оюнан болчу. Баса, режиссёр ошол топтун арасында жүрүп актёрлордун биринен таяк жеген: ал кылыч менен режиссёрду чекеге уруп алган.
  • Тарантино – легендарлуу Брюс Линин чоң күйөрманы. Муну башкаарман Беатрикстин самурай кыз О-Рен менен беттешүүгө кийип келген сары кийиминен байкаса болот. Так ушундай спорт кийимин Брюс Ли бир эмес, үч белгилүү фильмдеринде кийген. Тарантинонун айтуусу боюнча, эгер Брюс Ли тирүү болсо, аны бул тасмага тартуу үчүн режиссёр керек болсо бармагын кесип бермек.
  • Тасмада башкаарман бардыгы болуп 153 кишини өлтүрөт.
  • Режиссёр өзүнүн фильмдеринде кандайдыр бир компаниянын соода маркасын көрсөтүүнү жаман көрөт. Андыктан, “Биллди өлтүрүү” фильминдеги тамеки, сыра сыяктуу буюмдар – режиссёрдун ойлоп тапканы. “Кызыл алма” деп аталган ойдон чыккан тамеки Тарантинонун башка фильмдеринде да бар.

Бетти даярдаган Бегайым Мусакеева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: