Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЗОРДУКТООНУ ӨНӨР ТУТКАН АҢГИЛЕР

№287 2-8-май, 2008-ж.


Абийири таза, жаш, алсыз кыздарды зордуктап, кордоп көңүл ачкан эргулдарды ким деп атаса болот? Алар жигит деген атка татыбасы анык. Аламүдүн районунун кылмыш иликтөө­чүлөрү кыздарга аңчылык кылган бул ээнбаштардын изин табуу үчүн бир айдан ашуун убакыт сарп­ташты. Учурда алардын би­ри кармалып, тергөө жүр­гү­зү­лүп, кылмыш иши сотко аш­­­кан кез. Кылмыш илик­төө­чүлөр жакынкы күндөрү кыз зордуктоону өнөр туткан бул топтун башка мүчө­лөрү­нүн колуна да кишен салуу аракетинде.

БАШКАЛААДАН УУРДАЛГАН КЫЗДАР
Аламүдүн райондук милиция бөлүмүнө январь, февраль айларынын аралыгында зордуктоого байланыштуу бир нече арыз келип түшкөн. Зордукталган кыздардын баары тең жаш кыздар. Каргашалуу окуя тууралуу алар: "Бишкектин көчөсүндө бараткан жеримден капысынан жаныма күңүрт түстөгү "БМВ" токтоду. Ичинен эки жигит чыгып, "барчу жагыңызга жеткизип коёбуз" деп мени машинага күч менен салышты. Ушунчалык күтүүсүз болгондуктан, каршылык көрсө­түп же кыйкырып жардам суроого жетишпей калдым. Рулдагысы менен булар үчөө экен. Машинаны зуулдатып айдаган боюнча алар шаардын сыртына, тоо тарапка чыгышып, Байтик айылы тараптагы ээн жерге келип токтошту. "Силер кимсиңер? Мени эмне үчүн көчөдөн салып алдыңар? Коё бергиле!"- деген сөздөрүмдү угуп да коюшпады. Машинаны жолдон далдоого, буйткага токтотушкан соң мага тийише башташты. "Мага тийбегиле" деп суранып, ыйлап, жалынып-жалбарганыма карашпады. Каршылык көрсөтсөм, колу-бутумду кайрып, сабап, максаттарына жетишти. Түнү бою улам бири мени эрмек кылып, кыйнап, зордуктап чыгышты..."- деп көрсөтмө берип жатышты.
Учурда Аламүдүн РИИБинин кылмыш иликтөөчүлөрү биринин артынан экинчиси кайталанган кылмыш иши тууралуу кенен маалымат берүүдөн сактанышууда. Албетте, буга негиз бар. Анткени, кылмышка катышы бар эргулдар толугу менен кармала элек. Ошентсе да капсалаңдуу бул кылмыш иши тууралуу айрым маалыматтарды биле алдык. Окуя тууралуу алар төмөн­күлөрдү айтып беришти: "Кыздардын арызынан улам дароо иликтөө башталган. Жаш кыздардын көз жашынан, убалынан коркпогон аңги жигиттердин изине түшүү оңойго турбады. Жабырлануучулардын айтымында, курмандыктарын шаардан алыс, киши жок ээн жерге алпарып, каалаганча көңүл ачкан эргулдар милицияга кармалып калбоонун бардык чараларын көрүшкөн. Жабырлануучуну таң аткыча үчөөлөп кыйнап, ойго-түшкө кирбес жоруктарды жасашкан соң анан таңга маал гана ал жерден кетишкен. Кетээрден мурун алар кыздардын алтын, күмүш жасалгаларын чечип алууну унутта калтырышкан эмес. Анан алы кетип, бутунда араң турган кызды бири жерге түшүрүп кармап турган, берки экөө машинаны от алдырып жөнөш­көн. «БМВ» ордунан жылган соң кызды түртүп жиберген үчүнчүсү да машинага түшүп, тебеленип, тепселип кор болгон жаш кызды талаага таштап салып кете беришкен. "Машинанын номерин көрүп калышса, бизге айгак болот" деп сактанышып, "БМВнын" арткы номерин чүпүрөк менен жаап коюшкан. Мындай жагдайда кылмышка шектүү адамдарды табуу өтө кыйын эле. Анткени, башкалаадагы темир аргымагы барлардын жок эле дегенде 10 пайызы "БМВ" минип жүрүшөт.

НЕГИЗГИ ИЛИНЧЕК
Аламүдүн РИИБинин кылмыш илик­төөчү­лөрү үймөк чөптүн ичинен ийне издеген сыңары кылмышка шектүү кишилерди таппай убара тартып жатышканда дал баягыдай маанидеги арызын көтөрүп, милиция бөлүмүнө дагы бир кыз келет. Бул кызды да жогоруда айтылган жабырлануучуларга окшоп көчөдөн капысынан токтогон машинадагылар салып кетишип, Байтик баатырдын күмбөзү тарапка алпарышкан. Анан таң аткыча зордукташып, таң агарган соң таштап салып кете беришкен. Бирок, жүрүп бараткан машина чоң ташка туш келип, ыргып кеткенде арткы номерди жаап турган чүпүрөк түшүп кеткен. Жабырлануучу машинанын номериндеги сандардын жарымын көрүп калууга үлгүргөн. Болгону, зордукчулар бул ирет "БМВда" эмес, "Фольксвагенде" жүрүшкөн.

"ФОЛЬКСВАГЕНДЕН" УЛАМ "БМВ" ТАБЫЛДЫ
"Жабырлануучулардын берген көрсөтмө­лөрү абдан эле окшош чыгып жатты: күңүрт түстөгү "БМВ", үч жаш жигит. Болгону, РИИБге акыркы кайрылган кыз кылмышкерлердин "Фольксваген" минип жүрүшкөнүн айтып берди. Кылмыштын жасалышы бири-бирине абдан эле окшош. Кыздар кылмышкерлерди табууга бизге негизги илинчек болуп берген эки нерсени эстеп калышкан. Биринчиси, "БМВ" менен уурдалган үч кызды тең машинага салып алышкан соң сол тарапка отургузушкан. Анткени, ал жактагы эшиктин туткасы сынык экен. Демек, жүрүп бараткан машинадан жаш кыз эшикти ачып түшүп кете албайт. Ошондой эле жабырлануучулардын үчөө тең машинада кичинекей DVD сыналгы бар экендигин эстеп калышкан",- дейт Ала­мүдүн РИИБинин башчысы полковник Самудин Айдаров. Анын айтымында, ишти "Фольксваген" минген жигиттерден жабыр көргөн кыздын арызын иликтөөдөн баштоону чечишкен. Шектүү машинаны болсо Аламүдүн районунун аймагынан эмес, бүтүндөй Бишкек шаарынан издөө керек эле. Кылмышка шектүү эргулдар да Бишкектин тургундары болушу мүмкүн. Акыркы жабырлануучу "Фольксвагендин" номеринин жарымын гана эстеп калган эле. Андыктан, шектүү туюлган машиналардын тизмеси абдан узун болуп чыкты. Алардын кожоюндарын бирин да көңүлдөн тыш калтырбай текшерип чыгуу зарыл болчу. Бишкек шаардык МАИ кызматкерлери менен биргеликте иштеген кылмыш иликтөөчүлөр кезектеги бир "Фольксвагендин" ээси менен сүйлөшүп жатышып, үйдүн короосунда кара түстүү "БМВ" токтоп тургандыгын байкап калышкан. Сөз арасында "БМВ" тууралуу байкатпай сураган аларга үй ээси: "Баламдын машинасы. Бузулуп калып короодо турат",- деп жооп берген. Ыгын таап, машинага көз жүгүрткөн кылмыш иликтөө­чүлөр анын ичинде кичинекей сыналгы бардыгын байкап калышат. Негизги илинчекти тапкан оперкызматкерлер артыкбаш суроо берип үй ээсине шек бербей, сылык коштошуп кете беришет. Бирок, ошол эле күнү бул дарекке келген опертоп машинанын ээсин кармап, колуна кишен салып алып кетишти. Короодо турган "БМВны" эми жакшылап карап көрүүнү чечишкен кылмыш иликтөө­чүлөр анын арткы сол эшигинин туткасы сынык экенинен улам ачылбай турганын көрүп, бир топ убакыттан бери таптырбай жүргөн адам ушул экенинен күмөн санабай калышты. РИИБге алынып келинген бул эргулду жабырлануучулардын баары таанып, зордукчулардын бири экенин айтып, көрсөтмө беришти.


Аламүдүн РИИБинин кылмыш илик­төө­­чүлөрү жаш кыздардын убалына калган зөөкүрлөрдү февраль, март айларынын аралыгында издеп, эки айга чукул убакыт коротушту. Акыры шектүү адамды таппай коюшкан жок. Учурда камакка алынган ал жигиттин иши сотко жөнөтүлгөн. Ал эми кылмыш иликтөөчүлөр зордуктоого катышкан анын шериктерин кармоонун айла-амалын издештирип жатышат.
(Тергөө жүрүп жаткандыгынан улам камакка алынган жигиттин жана жабырлануучулардын аты-жөнү берилбеди).

Даярдаган Шаиста Шатманова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: