Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ГЕЙШАНЫН ЭСКЕРҮҮЛӨРҮ

№287 2-8-май, 2008-ж.


Дүйнөдө өзгөчө кооз жана баалуу искусство катары белгилүү болгон гейшалардын кызматы жөн гана каардуу, ырайымсыз, аёосуз оор эмгек экен. Мына ушуну көрсөтүүнү көздөгөн бул тасма сиздерге чыгыш дүйнөсүнүн кереметтүү, сырдуу, ошол эле убакта адилетсиздикке толгон атмосферасына чумкууга көмөк болот. Көптөгөн сыйлыктарга жетишкен жана ошону менен бирге эле кээбир өлкөлөрдө көрсөтүүгө тыюу салынган “Гейшанын эскерүүлөрү” фильминин белгисиз сырлары төмөндө.

Режиссёру – Роб Маршалл
Продюсерлери – Стивен Спилберг, Люси Фишер
Сценарийин жазгандар – Робин Суикорд, Дуг Райт
Ролдордо: Чжан Зии, Гон Ли, Мишель Йео, Кеннет Цанг, Кари-Хироюки Тагава, Мако, Кен Ватанабе, Судзука Ого, Того Игава

КЫСКАЧА МАЗМУНУ
1929-жыл, Жапония. Чийо аттуу 9 жашар жетим кызды көчөдө калбасын деп Киотодогу гейшалар үйүнө кабыл алышат. Көптөгөн кыйынчылыктарга карабастан ал шаардагы барктуу аял Мамехадан сабак ала баштайт да, кичинекей Чийодон татынакай Сайюри (анын жаңы ысымы) өсүп чыгат. Кызматкерлер, байлар, ишкер адамдар Сайюринин сулуулугуна суктанышса, башка гейшалар ага ич күйдүлүк мамиле жасашат.
Эң барктуу адамдарды коштоп жүрүү, кечелерде сыйлуу конок болууга жетишкен Сайюринин тилеги такыр башка – качандыр бир кичинекей кезинде көчөдөн кезиккен сырдуу мырзага кайрадан жолугуу. Арадан көп жыл өттү, ал мырза Сайюрини тааныйт болду бекен? Сайюри ага өзүн арнап, эңсеген сүйүүсүнө жете алаар бекен? Бирок, бул – орундалбаган кыялдар. Себеби, Сайюри – гейша. Ал эми гейшанын сүйүүгө, кыялданууга, үмүттө­нүү­гө акысы жок.
Фильмде ушунун баарысын ичине сактай албай, күндөлүгүнө калем менен төккөн гейшанын окуясы чагылдырылган.

ТАСМАНЫН ТАРЫХЫНАН
Нитта Сайюри – ХХ кылымдын атактуу гейшаларынын бири болгон. Ичиндеги сырларын билдирүүгө акысыз болгон жана ал сырларын күндөлүгүнө гана айта алган кыздын башынан өткөн окуяларынын негизинде америкалык жазуучу Артур Голден 1997-жылы “Гейшанын эскерүүлөрү” аттуу романын жазган. Бул романда документалдык каталар көп эле, ошол себептен Нитта Сайюри өзү бул жаңылыштыктарды түзөтүү максатында “Гейшанын жашоосу” деген китеп чыгарууну чечкен. А бирок, голливуд режиссёрлоруна албетте, Голдендин чыгармасы жакын эле да, атактуу режиссёр жана продюсер Стивен Спилберг китеп жарык көргөн жылы эле романды фильм кылып жаратуу акысын сатып алган.
Фильмди коюу режиссёр, хореограф (“Оскарга” жетишкен “Чикаго” фильм-мюзиклинин автору) Роб Маршаллдын бактысына түшкөн. Тасма 2004-жылдын октябрынан 2005-жылдын январына чейин 4 айдын ичинде тартылып бүткөн. Жалпысынан фильмге 90 миллион долларлык каражат кеткен.

ТАРТЫЛЫШЫ
Гейшалардын жалгыз мекени – Жапониядагы Киото шаары, Гион аймагы. Бирок, заманбап Гион 70 жыл ичинде бир топ өзгөргөн да, тасма АКШда, Лос-Анжелеске жакын чакан шаарчада жана Калифорниядагы жапон паркында тартылат деген чечим кабыл алынган.
Тасмага тартылган ар бир актриса ролду мыкты аткаруу үчүн 6 жумалык гейша мектебинен окуп чыккан. Аларга кичинекей кадам менен басууну, туура тамактанууну жана сүйлөөнү үйрөтүшкөн.
Фильмдин костюм боюнча адиси Коллин Этвуд атайын тасма үчүн деп салттуу кимонодон түстө­рү­нүн ачыктыгы менен айырмаланган, сүрөттөрү чоңураак болгон 250 кимоно даярдаткан. Мындан сырткары, чыныгы кимоно 27 деталдан турса, кино үчүн тигилген кийимдер 7 гана деталдуу болгон.
Рикша деп аталган арабалар, кээбир декорациялык буюмдар 2003-жылы Том Круздун катышуусу менен тартылган “Акыркы самурай” фильминен ижарага алынган.

ГОЛЛИВУДДА – ЖЕҢИШ...
“Оскар-2006” киносыйлыгы “Гейшанын эскерүүлөрүн” “Эң мыкты оператор”, “Эң мыкты сүрөтчү”, “Эң мыкты костюмдар” деген номинацияларда жеңүүчү деп тапкан. “Оскардан” кем калбаган “Алтын глобус” премиясы бул тасмага “Эң мыкты музыка” деген наамды ыйгарган.

...АЗИЯДА – КЫЙРОО
Кино Жапониянын кооздугун көрсөтүү менен бирге ал улуттун намысына чыдагыс сокку урган. Биринчиден, Чжан Зийи, Мишель Йео, Гун Ли баш болгон бардык актрисалар улуту боюнча кытай. Актёрлордун мындай курамы жапондорду гана эмес, кытай элин дагы таарынткан. Жөн гана роль ойносо да, улуттук салтты катуу кармаган кытайлыктарга мындай жорук кечирээрлик эмес эле. Кытай интернет сайттарынын биринде башкы ролду аткарган актриса Чжан Зийиге каршы «жапон сойкусу», “жапондун ойношу” деген орой сөздөр жазылган. Сайттагы “акча үчүн жапон менен жатуу ирээнжитээрлик. Ал (актриса) бүткүл Кытайды кемсинтти” деген билдирүү дээрлик бүткүл Кытайга тараган.
Атактуу кытай режиссёру Чен Кайге мындай деген жыйынтык чыгарган. «Кытай кыздары гейшаларды ойной алышпайт. Бул – Жапония маданиятында гана орун алган, кылымдар бою жашап келген салт. Алардын баскан-турганы, жылмайганы, адамды караганы, желдеткичти кармаганы башкача. Мунун баарысын туура аткаруу үчүн Жапонияда төрөлүп-өсүш керек. Бул кемчиликти азиялыктар эле байкабаса, америкалыктардын аң-сезими буга жетпейт”. Мындай сын сөздөр Голливудду канчалык таарынтса да, чындыкты кабыл албай коюу да мүмкүн эмес.
Мындан сырткары, Роб Маршаллдын майда каталарын да эске ала кетели. “Америкалык автор­дун америкалык романы боюнча тарткам” деген актануу режиссёрду сактап калган жок. “Фильмде гейшалардын кийимдери өтө эле ачык, сексуалдуу, ал эми кимоно – чындыгында, дененин бардык жерин жаап турган кийим”, “фильмде батыш көрүүчүсүн чочутуп албаш үчүн гейшалардын жүзүнө апакай упа коюуну унутуп коюшкан, а бул салтты сыйлабаганга жатат”, “гейшалардын жалгыз мекени – Калифорния эмес, Киото” деген сыяктуу көз караштар тасманын чыгышта жайылуусуна тескери таасирин тийгизбей койгон жок. Жапонияда да, Кытайда да бул фильмди көрсөтүүгө катуу тыюу салынган. Кызыккан киносүйүүчү фильмди пираттык DVD дисктеринен гана көрө алышкан. Мындай көрүнүш албетте, фильмдин жаратуучуларына күтүлбө­гөн чыгашаларды алып келген.

Даярдаган Бегайым Мусакеева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: