Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ВИА-ГРА» ТОБУНДАГЫ МЕСЕДА ПРОДЮСЕРИНЕ ТУРМУШКА ЧЫГАТ

№290 23-29-май, 2008-ж.


Жакында эле «ВИА-Гра» тобунун солисткасы Меседа Багаудинова топтун продюсери Дмитрий Костюкка турмушка чыгууга камынып жатканы маалым болду. Болочок жубайлардын жакын мамилелери качантан бери уланып келе жатканы белгисиз. Бирок, бул убакыт аралыгында бири жылдыз болууга, бири үйбүлө очогун өчүрүп жубайы менен ажырашууга үлгүрүптүр. Учурда 43 жаштагы Дмитрий да бойдокчулук турмушка жаңыдан башбакканына карабай жакын арада 24 жаштагы сулуу кыз Меседага баш кошуунун камын көрүп жаткан убагы. Эске салсак, Дмитрий жаңыдан ажырашкан жубайы украиналык ырчы Евгения Власова менен да так ушундай шашылыш үйлөн­гөн эле. Эч кимге айтпастан туруп эң биринчи жубайы менен да ажырашып, Евгениянын колун кармаган болчу. Ал эми азыр продюсердин тааныштары: «Дмитрий бир күнү башка сулуу кыздын артынан кетип калса, сен ага таңкалба»,- деп Меседага эскертип жатышат. Ал эми Дмитрий азырынча бул тууралуу элге ачык айтуудан баш тартууда.

ТИМАТИНИН АСМАН ТИРЕГЕН ТҮНКҮ КЛУБУ
Орусиялык ырчы жигит Тимати учурда Москва шаарындагы белгилүү бир көк тиреген соода борборунун төбөсүнө түн­кү клуб салдырууда. Ырчынын айтымында, клубдун тезирээк ишке киргизилишин Москванын элиталык жаштары чыдамсыздык менен күтү­шүү­дө. Себеби, клубдун өзгө­чө орунда жайгашып, эч кандай жолтоосуз асман алдында көңүл ачууга жол ачып бергени көпчүлүктүн кызыгуусун арттырууда. «Black Star Club» деп аталган бул клуб үстүбүздөгү жылдын июнь айында ишке киргизилет жана асман алдындагы «оазисте» эс алууну каалагандардын бардыгын тейлей баштайт.

ЖЕССИКА АЛЬБА ТУРМУШКА ЧЫКТЫ
Учурда кошбойлуу атактуу актриса Жессика Альба турмуш жолуна аттанды. Жессиканын жолдошу Кэш Уоррен – анын төрөлө элек баласынын атасы жана бир топ жылдан бери иштешкен продюсери. Жубайлар дүйнөнү дүңгү­рөтө үлпөт той берүүдөн баш тартышып, жөн гана жакындарынын курчоосунда кадимки эле шаар тургундары баш кошкон нике каттоо үйүндө мыйзамдуу түрдө бири-бирине баш байлашты. Үйлөнүү күнү Кэш күндө кийип жүргөн ак түстөгү көйнөгү менен күрөң түстөгү шымчан жүрсө, Жессика чачын тыкан байлап алып, жөнөкөй көк көйнөкчөн жүргөн.

ЖИГУНОВ МЕНЕН ЗАВОРОТНЮК СҮЙЛӨШПӨЙ КАЛЫШТЫ
Орусия шоу-бизнесиндеги белгилүү актёр Сергей Жигунов менен атактуу «бала багуучу» Анастасия Заворотнюк бири-бири менен таптакыр сүйлөшпөй калышты. Мунун себеби азырынча ачыкка чыкпаса да алардын мамилелерине чекит коюлганы «Моя прекрасная няня-2» тасмасына тартылуу учурундагы экөөнүн мамилелеринен улам маалым болгон. Тасма аянтында актёрлор тобу менен чогуу жүргөн маалымат булагынын айтымында, Сергей азыр мурдагыдай ак көңүл эмес. Тасмалык топтогулардын баарын болбогон себептердин артынан кыйкыра урушуп, мүнөзү да өзгөрүп кеткен. Актёрдун мындай абалда жүр­гөнүнө толук эки жумадан ашык убакыт өттү. Ал эми Настя бул учурда мурдагыдай өзүн башкалардан корубай, өтө шаңдуу айымдардын катарына кошулган. Ал гана эмес, күйөр­манда­рынын «сү­рөт­кө тү­шүп алалы» деген сунуштарына да тезинен макулдугун берип, алар менен жакшы мамилесин улантууда.

ЭШЛИ СИМПСОН ЭМИ ҮЙБҮЛӨЛҮҮ
Атактуу ырчы Эшли Симпсон жана белгилүү музыкант Пит Вентц өткөн жуманын акыркы күнү баш кошуп, үлпөт той өткөрүштү. Бул жубайлар 2006-жылдан бери эле жакында үйлөнөө­рүн айтып келишкен эле. Көптөн күткөн үлпөт тойго бардыгы болуп 150 конок чакырылып, алардын теңинен кө­бүн дүйнө элине таанымал атактуу инсандар түзүш­көн. Ал эми 23 жаштагы ырчы Эшлинин жанында курбусу жана никеге катталуу учурундагы күбөсү катары өзүнүн эжеси актриса Жесика Симпсон болгон.

СОФИЯ РОТАРУНУН КАРЬЕРАСЫ АЯГЫНА ЧЫКТЫ
Ырчы София Ротару жакын арада сахнадан кетээрин кабарлады. Мунун башкы себебин ырчы сахнада карып кетүүнү каалабагандыгы менен түшүндүр­гөн. Бирок, анын жакындарынын билдирүүсү боюнча, Софиянын карьерасынан четтешине дагы бир себеп, астма оорусу болгон. Ырчы бул оору менен толук 20 жылдан бери күрөшүп келген. Бирок, акыры илдетке жеңилип берүүгө аргасыз болуп, ырдай албай калган. Эми София жеке ишкер катары иштей баштайт. Атап айтканда, Ялтадагы көркөм сүрөт салонунун жанына 12 номерлүү мейманкана салдырмакчы. Бул мейманканада сөзсүз түрдө караоке рестораны да болот экен.

МОНТСЕРРАТ КАБАЛЬЕНИН КЫЗЫ БАСКОВ ҮЧҮН АЖЫРАШТЫ
Дүйнөгө белгилүү опера ырчысы Монтсеррат Кабальенин кызы Монтсеррат Марти жакында эле жолдошу менен ажырашып кеткени Николайдын күйөрмандары арасында шек жаратууда. Анткени, экөөнүн кайда барса да жакын дос катары ээрчишип жүргө­нү­нө көп эле болгон. Эң негизги шек, Николайдын расмий түрдө жубайы менен ажырашкандан кийин эле артынан Мартинин да өз башын бошотуп алганынан пайда болгон. Андан көп узабай эле ырчы эл алдына Мартини жетелеп чыга баштады. Алтургай бул жуптун көп жылдан бери бактылуу жубайлар катары чогуу эс алып жүргөндөрүнө күбө болгондор да бар. Учурда бойдок ырчы Николай Басковдун сүйгөн кыздары туурасында кеп кызууда.

ДИМА БИЛАН “ЕВРОВИДЕНИЕ” КОНКУРСУНУН ФИНАЛЫНА ЧЫКТЫ
Кезектеги “Евровидение” конкурсунун 53-жолкусунда Орусиянын желегин желбиретүү үчүн кайрадан ырчы жигит Дима Билан аттанган эле. Үстүбүздөгү жуманын шейшемби күнү болуп өткөн конкурстун биринчи жарым финалы жыйынтыкталып, натыйжада Дима «Believe me»(“Мага ишен”) деген ыры менен конкурстун финалына катышууга жолдомо алды. Быйылкы жылы конкурста жылдагыга караганда катышуучулардын саны өтө көп болуп, 43 өлкөнүн өкүлдөрү биринчиликке ат салышууда. Ал эми конкурстун финалы 24-май күнү өткөрүлөт.

Даярдаган Чолпон Сүйүнбаева

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: