Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

“КЕЛЕМИШ ДЕГЕН СӨЗДҮН АЙЫНАН ЭКИ КИШИНИ ӨЛТҮРДҮ”

№290 23-29-май, 2008-ж.


Жаздын аптаптуу күндө­рүнүн биринде башталган отуруш кандуу окуя менен аяктады. Кызуулук менен айтылган бир ооз кептин айынан бала-чакалуу эки ки­ши каза таап, эрезеге жете элек балдар атасыз калышты. Окуя Бишкек шаарынын Свердлов районунда болгон.

Шашылыш чакырык
10-май күнү күндүзгү саат 15:30дар чамасында Свердлов райондук милициясынын күзөт бөлүмүнө шашылыш кабар келип түшөт. Телефон чалган аял аптыга үзүл-кесил сүйлөп жатып, үйүндө катарынан эки кишини өлтүрүп кетишкендигин кабарлаган.
Бир күн ичинде ачылган бул кылмыш иши тууралуу РИИБдин кылмыш иликтөө бөлүмүнүн башчысы Самат Курманкулов төмөнкүлөрдү айтып берди:
– Шашылыш кабар келип түшөөрү менен РИИБдин жетекчиси баш болгон опертоп айтылган дарекке жөнөдүк. Окуя жер тамда болгон экен. Жашы кыркка келип калган киши көкүрөгүн колу менен мыжый чыга бериштеги тепкичте жатыптыр. Үй алдында көз жашын көлдөтүп бир абышка менен кемпир турат. Ичкери кирсек, төркү конок бөлмөдөгү креслодо отурган жеринде өлтүрүлгөн дагы бир киши бар болуп чыкты. Сыягы, кылмышкерге каршылык көрсөткөнгө деле үлгүрбөсө керек. Башы бир жагына кыйшайып, көкүрөгүнөн ылдый кан жайылып кеткен. Денеси муздап калыптыр.
Ошентип, катарынан өлтүрүлгөн эки маркумдун өлүмүнө байланыштуу иликтөө башталды. Тепкичти кучактай жыгылып каза тапкан адам ошол үйдүн ээси, 44 жаштагы Коля аттуу киши экен. Ал жубайы, бир уул, бир кызы менен, ата-энеси болсо башка көчөдө жашаарын билдик. Төркү бөлмөдөгү стол үстүндө арак куюлган рюмкалар, толук желбей калган колбаса, тамактын калдыгы бар болчу. Демек, каргаша болоордун алдында бул бөлмөдө, ушул столдо отуруп ичишкен. Каза тапкан үй ээсинин ата-энеси жашы сексенден өтүп калган кары кишилер экен. Аларга уулунун үйүндө чыр-чатак болуп жатканын Колянын үйбүлөсү менен жакшы катышып жүргөн кошунасы Валя аттуу кыз чалып айтканын билдик. Бул маалыматты уккан соң дароо ошол кызды таптык. Валядан көргөн-билгенин баштан-аяк айтып берүүсүн өтүндүк. Ал: "Кошунабыздын балдары күндүз сабакта болушат. Каргаша болгон күнү деле короодон аларды көргөн жокмун. Үй ичинен кишилердин үнү чыгып жаткандай болгон. Бир маалда кыйкырып, сөгүнгөн үндөр чыга баштады. Биздин үй менен алардын үйүнүн ортосун зым тор бөлүп турат. Андыктан, кошунанын үйү жакты карап, үй ээси менен бир киши мушташып жатканын көрдүм. Алар көпкө чейин кыйкырышып, мушташышты. Мен өз иштериме алаксып кетип, бир маалда тынчып калышканын байкадым. Көңүлүмө жаман ойлор келип, үй ээси Колянын атасынын үйүнө телефон чалдым. Алар бизден кийинки көчөдө жашашат. Көп өтпөй алар келип калышты. Алардан Коля менен бир кишини өлтүрүп кетишкенин уктум",- деп көрсөтмө берди. Валянын көрсөтмөсүн уккан соң Колянын ата-энеси менен да сүйлөштүк. Көрсө, алар кылмышкерди көрүшкөн экен.

Кудум кинодогудай
Каргашалуу окуянын бул бөлүгү кылмыш иликтөө бөлүмүнүн башчысынын айтымында, кудум боевик кинолордогудай. "Уулуңуздун үйүндө бирөөлөр мушташып жатышат" деген кепти угаары менен абышка-кемпир чалынып-чулунуп жетип келишет. Короодон киргенде эле тепкичте жаткан уулун көрүшөт. Өз канына бөлөнүп жаткан алардын уулу башынан жөлөп чыркырыган ата-энесинин үнүнөн көзүн ача бербейт. Карылуу кол менен сайылган бычак жүрөктү тепчип кеткенде эле жашоо менен кош айтышкан экен. Уулу киши колдуу болгонун түшүнгөн ата-эне эми баш көтөрүп, короодо колуна бычак кармаган чоочун кишинин жүргөнүн көрүшөт. "Эмне кылып койдуң? Уулум сага эмне жамандык кылды эле?"- деп ыйлап кирген кемпирге кебелбей туруп: "Мен бир эмес, эки кишини өлтүрүп салдым",- дейт. Анын кебин уккан чал-кемпир чуркап үйгө киришип, төркү бөлмөдөгү жансыз жаткан кишини көрүшөт. Ал киши Коля менен чогуу иштеген 36 жаштагы досу экенин таанышат. Аңгыча сыртта жүргөн чоочун киши Колянын чөнтөктөрүн тинтип, машинанын ачкычын алып, колундагы кан болгон бычакты жанына таштайт. Анан короодо токтоп турган "Фольксваген" машинасын айдап чыгып кетет. Көрсө, "Фольксваген" Коля иштеген фирмага тиешелүү кызматтык машина экен.
Милиция кызматкерлери келгенде маркум Колянын атасы баласынан айрылып калганы бир тең, кылмышкерди бир амалын таап кармап кала албаганы бир тең болуп ызаланып, башын салаңдата ыйлап отурган экен. Милиция кызматкерлери, тескерисинче, абышканын кылмышкерге каршылык көрсөтүп же кармап калууга аракет кылбай коё бергенине кубанышты. Эгер абышка жолун тоссо, кылмышкер аны да беркилердей кылып бычактап салуудан кайра тартмак эмес. Ал эми качып кеткен кылмышкерди кармоого болот эмеспи.
Кылмыш иликтөөчүлөр абышка-кемпир менен маркумдун кошунасы Валянын сүрөттөөсү менен кылмышкердин фотороботун түзүп, маркум Коля иштеген фирмага тиешелүү болгон "Фольксваген" машинасы тууралуу шаардык МАИге маалымат жиберишет. Кечиктирилбей жасала турган бул иштер менен катар маркумдардын дос-душманын да аныктоо керек болчу. Кылмыш иликтөөчүлөр ушул иштер менен баш катырып жатышканда МАИ кызматынан шашылыш кабар келип түшөт...

Жол кырсыгы
Свердлов РИИБинен "Фольксваген" үлгүсүндөгү кызматтык машинаны айдаган киши изделип жаткандыгы тууралуу маалымат МАИ кызматындагыларга бат эле таратылды. Мындан көп өтпөй Бишкектен Сокулукка чыга берген жерде эки машина кагышып кеткени маалым болду. Жол кырсыгын каттоого алмакчы болуп барган МАИчилер кырсыкка себепкер болгон машина РИИБ тарабынан изделип жаткан "Фольксваген" экенин билип, дароо опертопко кабар беришти.
– МАИ кызматынан чалгандар Бишкектен Сокулукка кире берген жерде жол кырсыгы болгондугун, кагышкан машиналардын бири биз издетип жаткан машина экендигин кабарлашты. Дароо ал дарекке жетип бардык. "Фольксвагенде" алты адам бар экен. Алардын ар биринин аты-жөнүн сурай келгенде биз издеп жаткан адам кимиси экендиги аныкталды. Маркум Коля иштеген фирмага тиешелүү "Фольксвагендин" бир тарабы майышып калыптыр. Машинаны МАИчилерге тапшырып, өзүбүз шектүү кишини алып келдик. Бою ортодон жогору, чапжаагынан келген 41 жаштагы Алексей РИИБге келип, суракты баштаганыбызда эле күндүз кылган кылмышы тууралуу айтып кирди,- дейт кылмыш иликтөөчүлөрдүн бири. Кылмышка шектүү деп кармалган Алексей суракта бир ооз кептен улам ушундай каргаша чыккандыгын билдирген.

Бир ооз кептин айынан
Бычак менен бырчаланып каза тапкан эки киши менен Алексей башкалаадагы фирмалардын биринде чогуу иштешчү. Ошол күнү алар кезектеги заказды аткарып бүтүп, чоң пайда түшкөнүнөн улам чогуу отуруп, кирешени "майлай" башташат. Балдары мектепте, жубайы жумушта болгондуктан, "эч ким тоскоол болбойт" деп Колянын үйүндө отурууну ылайык көрүшөт. Арак-шарабы мол үчөөнүн отурушу көпкө созулуп, бөтөлкөлөр бошой баштаган сайын үндөр бийик чыгып, бирин-бири тамашаламай, кеп талашмай күчөйт. Азыр камакта отурган Алексейдин айтымында, ошол арада үй ээси Коля аны "сен келемишсиң" деп арына тийип койгон. Анткени, Алексей буга чейин беш ирет абакка отуруп чыккан эле. Абактагылар уурулук үчүн камакка түшкөн адамды атынан атабай "келемиш" деп чакыргандарын Алексей өтө жаман көрчү экен. Эки адамдын өмүрүн алып кеткен кандуу окуянын болгон себеби ушул. Ичимдикке акыл-эси тумандап турган Алексей ошол замат үй ээсинин катыгын колуна бермекчи болуп мушташып кирет. Алы жетпей баратканда стол үстүндө турган бычакты ала жүгүрүп, кесиптешинин далысына бир, көкүрөгүнө эки ирет бычак сайып алган. Кесиптеши кан жөткүрүп жыгылганда өзүн эсине келип токтотуп калбай ичкери кирип, креслодо отурган экинчи кесиптеши менен урушуп, аны креслодон турууга үлгүртпөй бычактап салган. Ошентип, байкалбай кеп арасында айтылып кеткен бир ооз кептен улам кырктын кырынан эми эле ашкан эки киши каза таап, алардын балдары атасыз калышты.

(Тергөө жүрүп жатканына байланыштуу адамдардын аты-жөнү өзгөр­түлүп берилди)

Даярдаган Шаиста Шатманова.
Сүрөтчү Ренат Мамытбеков


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: