АСКЕРДИК МАЙДАНБЫ ЖЕ МАШЫГУУ БОРБОРУБУ?

“АКШ Кыргызстанда экинчи аскердик базасын түзүү үмүтүнөн кайта элек”,- деп “Washington Рost” гезити жазып чыккан. Бирок ошол замат КРнын Коргоо министрлигинин басма сөз кызматы: “Кээ бир чет элдик жалпыга маалымдоо каражаттарынын Кыргызстанда АКШнын аскердик майдан ачуу жөнүндө кабары чындыкка дал келбейт”,- деп жарыялады. Алардын айтымында, чынында, өлкөнүн түштүгүндө аскер кызматкерлери үчүн машыгуу борборун куруу жөнүндө сөз жүрүп жатат. Анын каражатын кайтарымсыз түрдө америкалыктар каржыламакчы.
Ал эми АКШнын Кыргызстандагы элчиси Татиана Гфэллер: “АКШнын Кыргызстанда жана Борбордук Азиянын башка өлкөлөрүндө эч кандай аскердик майдан ачуу пландары жок”,- деп гезиттин маалыматын жокко чыгарды.
Буга чейин экс-президент Курманбек Бакиевдин бийлигинин учурунда баңгизат менен күрөшүү боюнча иштеген кыргызстандык кызматкерлерге түштүктө машыгуу борборун ачуу жөнүндө сүйлөшүүлөр жүргөн. Өз учурунда бул маалымат Орусияда түрдүү талаш-тартышты жараткан.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

Ceed

2010-08-19 14:00:02

Америка менен мамиле тузуу керекпи же Россия мененби? Америка сууга алып барып сугарбай келет, а кыргыздар Россиянын нанын жеп, жанын багууда! Ушуларды коруп туруп, эмне учун америкалыктарга дагы машыгууга территория берилип жатат же пландаштырылган? Андан коро Россияга бербейби!

sunshine

2012-11-29 15:13:18

Америка менен мамиле куруу бизге жакшы. Мен Американын политикасын колдойм

Комментарий калтыруу үчүн өз ысымыңыз менен кириңиз же каттоодон өтүңүз.

№ 406, 13-19-август, 2010-ж.