Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АРОМАТЕРАПИЯ - ЖЫПАР ЖЫТТУУ ДАРЫ

№292 6-12-июнь, 2008-ж.


Сулуулук – денсоолуктан көз каранды. Андыктан, сулуу бойдон калуу үчүн денсоолук-тун чың болуусуна аракет жасоо кажет. Ал эми бүгүн кеп боло турган кызмат сулуулук жана денсоолук деген эки түшүнүктү тең камсыз кыла тургандардын катарына кирет. Кызыга баштады-ңызбы? Анда макалага назар салыңыз.

Жыпар жыттуу терапиянын жаралыш тарыхынан
Ароматерапия – жыттуу эфир майларынын жардамы менен дем алуу жана тери аркылуу организмди дарылоо. Бул типтеги дарылоо пайдалуу гана болбостон, денсоолукту чыңдоонун эң жагымдуу жолдорунун бири.
Дарылыгы күчтүү жыттуу чөптөрдү эң алгачкы жолу адамдар биздин заманга чейин IV кылымда эле Египетте жараттарды айыктыруу максатында колдонушкан. Кийин бул багытта айтылуу араб дарыгери Абу Али Ибн Сина жеткиликтүү иш алып барган. Ал өсүмдүктөрдүн 800дөн ашык түрүн таап, алардын адамдын организмине тийгизген оң таасирин изилдеп, иш жүзүндө пайдаланган. Андан соң мындай дарылоо түрү Индияда таралат да, ал өлкөнүн жыттуу дары чөптөрү бүткүл Азия боюнча белгилүү болуп, кийинчерээк Батыш медициналык рецепттеринин катарына кирген. 20-кылымдын 20-жылдарында парфюмер Морис Гаттефос эфир майларынын медициналык таасирин изилдеп, химиялык каражаттарга караганда эссенциялардын таасири күчтүүрөөк экенин далилдеген.
Ароматерпиянын негизги курамында адатта жалбыз, эвкалипт, лаванда, гвоздика, каз таман, сандал өсүмдүктөрү кездешет. Булардан сырткары, дарылык касиети күч жыттуу чөптөр четтен чыгат.

Массаж коштогон ароматерапиянын артыкчылыгы
Негизи, ароматерапияны жеңил массаж менен бирдикте пайдаланса, таасири алда канча күчтүүрөөк болот. Адатта бул массаж колду жай айланткан кыймылдар менен жасалат. Эфир майларын сүйкөө менен жасалган мындай назик кыймылдар дененин ошол бөлүгүндөгү кантамырлардын иштешин жакшыртат да, кандын айлануусу оңолот. Ошондой эле мындай дарылоо түрү күнү бою топтолгон терс маанайдан арылууга көмөк­төшөт, денедеги ашыкча туздардан арылтат, булчуңдардагы ооруларды азайтат. Аталган өзгөчө массаж бизде 450 сомдон жогору турат. Массаж коштогон ароматерапиянын артыкчылыгы бул эле эмес.

Негизги сыры – жыттарда
Борбор калаабызда мындай кызмат көрсөтүүчү жайлар дээрлик ар бир көрүнүктүү сулуулук, эс алуу борборлорунда бар. Андай жайлардын бири – “Афродита” айымдар борбору. Жалпыга белгилүү бул борбордо ароматерапия боюнча адис Бухан Ольга Владимировна биз менен кесиптик сырларынан бөлүштү. Анын айтымында, аталган жагымдуу кызмат бизде 1990-жылдардын башынан бери колдонула баштаган. Ароматерапиянын күчүн сынап, бул кызматты пайдалангандар ар кандай максаттар менен келишет экен. Кардарлардын кээбирлери жөн гана жумуштан чарчап же күнүмдүк турмуштун ызы-чуусунан баштарын сергиткилери келсе, башкалары күч топтоп алуу ою менен кайрылышат. Адатта келген кардарларга жыпар жыттуу чөптөрдүн негизинде жасалган майлардын түрлөрү сунуш кылынат. Алар өзүнүн маанайына, табитине жараша жыпар жыттуу майларды тандап алышат. Себеби, жыт адамга жакпаса, эң күчтүү делген майдын да таасири болбойт. Ошондой эле колдонулган май өз өлчөмүнөн ашпашы керек. Мисалы, жаш дене улгайган денеге караганда, ачык түстүү дене кара тору түстүү денеге караганда сезимтал келет. Бул шарттарды эске алган соң адамдын өзүнө жаккан жыттуу майлар менен денени жибиткен массаж жасалат. Бул массаж көңүлдү тынчтандыруучу жагымдуу музыка менен коштолот. Мындайда кызматтын таасири күчтүүрөөк болоорун айттырбай түшүнсө болот. Бири-бирине көмөк болгон жагымдуу музыка менен жыт адамдын энергетикалык зоналарын ачат да, оңой таасирленүүгө алып келет. Алгач ароматерапия аркылуу көңүлүн тынчытып, эс алууга келген адам массаж бүткөндөн соң кадимкидей күч топтоп алганын сезет. Айтып өткөндөй, ароматерапия адамды эс алдыруу, ага жагымдуу маанай тартуулоодон баштап орчундуу оорулардан арылтуу мүмкүнчүлүгүнө да ээ. Кыш мезгилинде ароматерапиянын негизинде иммунитетти чыңаса болот. Ошондой эле баарыбызга ыңгайсыздык жараткан сасык тумоого да жакшы даба. Ал үчүн ромашканын эфир майын жыттоо кажет. Мындан сырткары, бул кызматты шишиктерден, денедеги ооруксунуудан арылуу үчүн да пайдаланууга болот.
Жагымдуу жыт менен чарчаганын жазып, сергигиси келгендерге бир канча майлардын аралашмасы сунуш кылынат. Мисалга алсак, кадимки шабдаалы менен розанын аралашмасы укмуштуудай ажайып жытты пайда кылат. Мындай жыпар жыттын тартуулаган ырахаты кымбат баалуу француз атырларынын жытынан кем калышпаганы үчүн ароматерапияда бул жытка суроо-талап күч.

Үй шартында да колдонууга болот
Адамдын жандүйнөсү менен денеси бир гармонияда болуп, көңүлү жайында болсо, адамдын көздөрү жайнап, көңүлү чалкып, сырткы келбети да көзгө жагымдуу болуп чыга келет. Адамга дал ушундай мүмкүнчүлүк берген ароматерапияны такай колдонуучулардын териси жаш баланыкындай жылмакай, өңү жагымдуу болуп өзгөчөлөнүп калат. Бул майларды баш, ашказан ооруганда, сасык тумоодон улам дем алуу кыйындаганда ичип, жүдөткөн мындай дарттардан арылууга болот. Ошондой эле жыттын өзүн гана колдонгусу келгендер жыттуу шамдарды күйгүзүп эс алса да болот. Үй шартында ароматерапияны бардык каалоочулар жасай алат. Айтылган жыттуу шамдар базарларда, дүкөндөрдө кенен сатылат. Өзүңүзгө жаккан жыттуу майды тандап алып, шамга тамчылатып коюп анын жыты менен уктаса жакшы. Же болбосо ваннага түшөөрдө сууга майдан тамчылатып жатса да ароматерапиянын ажайып таасирин сезүүгө болот.

Даярдаган Махабат Догдурбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: