Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СОЙКУЛАР МЕНЕН БИР КҮН

№293 13-19-июнь, 2008-ж.


Сойкулукту тизгиндегенге аракет кылымыш болуп жатышкандары менен шаардын ар кайсы бурчуна туруп алышып денесин саткан кыздардын саны азаймак түгүл, тескерисинче, көбөйгөндөн көбөйүп барат. Ушундан улам бул теманы дагы бир ирет козгоп, бирок, бул ирет андай кыздардын ролун өзүбүз ойноо менен бирге бул оор тапшырманы аткарып көрмөй болдук. Бир кездеги агайдын лекциясын да эстеп дем-күч алып алдык. “Журналист деген биринчи кезекте актёр болушу керек, алкаш менен сүйлөшөм десең, бир бөтөлкөңдү коюнуңа сала бар, куру барсаң, куру кайтасың. Президентке барсаң, ошол деңгээлде башыңдан аягыңа чейин даяр болушуң керек”,- деген эле агай сөзүндө.

Кеңседе бир сааттай кейпибизди келиштирдик: кийме чачтарды кийип, көз айнек тагынып, таанылгыс болуп боёнуп да алдык. Бир чети “кайсы бир журналисттей болуп тиши жок калбасак экен...” деп санааркап да жаттык. Ошентип, “чү” дегенде эле сүрөтчү, айдоочу, жансакчылар жана эки кабарчы болуп шаар тургундарына белгилүү жай – “Достук” мейманканасынын тегерек четиндеги кыздарды көздөй багыт алдык. Машинадан түшкөндө буттарыбызды майда калтырак баса гезит салып көк чөптүн үс­түн­дө отурган эки аялга басып бардык. Божомолдообуз туура эле чыкты. Булар “мамашалар” экен. Биз аларга жетелекте эле “иштегени келдиңерби?” деген суроо узатышты.
– Ооба, бизди кошуп албайсыңарбы?
– Иштеп көрдүңөр беле?
– Жок, биринчи жолу келип жатабыз.
– Канча жаштасыңар?
– Мен 23тө, курбум 25те.
– Жашаган жериңер барбы?
– Жок.
– Анда биз менен деле жашасаңар болот. 4-5 кыз болуп жашайбыз. Акчасы “пополам”. Биякта иштегенде да түшкөн акчанын жарымы бизде калат.
– Бир күндө тапкан акчабыз канча болот?
– Эми жанталашып жакшы иштесеңер, жакшы табасыңар. Орточо эсеп менен бизден артканы күнүнө миң сомдун тегерегинде болот.
– Клиентти кайдан табабыз, силер таап бересиңерби?
– Бул жерге туруп өзүңөр чакырып турасыңар. Клиент менен биз өзүбүз сүйлөш­көндөн кийин акчасын алып калабыз да, силер тигилер менен кете бересиңер. Аларга шарттарды түшүн­дүрүп берүү – биздин милдетибиз. Силер көнгөнчө жаныңарга бир кыз кошуп беребиз. Чогуу барып-келип турат. Андан кийин өзүңөр эле иштей баштайсыңар.
– Эже, бат эле көнүп кетсе болобу?
– Ой, жакшы иштеп клиенттин көңүлүн алганды үйрөнүп алсаңар эле болду. Анан өзүңөрдүн иштегиңер келип калат. Шаарда биртуугандарыңар жокпу? Келип калышпайбы? Бизде кээде туугандары келип чачтан сүйрөп сабап алып кетишет. Орто жолдо биз күнөө­лүү болуп калабыз.
– Жок, алыскы туугандар эле бар. Эже, мен кызмын да...
– Чын элеби? Апе-ей, кой анда. Андайлар менен иштешпейбиз. Кантип иштейсиң анда? (Экинчибизге кайрылып) Сен да кызсыңбы?
– Жок, мен жигитим менен жашагам.
– Азырчы?
– Жок, урушуп кеткенбиз. Эч ким менен жашабайм.
– Анда сен деле кыз болуп калган турбайсыңбы...
– Эже, мен “кыздыгы барларды кымбат алышат” деп уккам. Ошентип клиент менен сүй­лөшсө болобу?
– Болот. Андай деле бар. Бирок, бизде жок. Аны тиги гезиттердеги жумуштарга барып сурагыла. 1000 доллар берет экен. Анын жарымын клиентти таап бергендер алышат.
– Биз аябай акчадан кыйналып жаттык эле, эже, силер эле жумушка алып алгылачы?!
– Кыз эмес болсоң алмакпыз. Подружкаң иштесин анда.
– А менчи?
– Сен кафелерге барып иште. Бизге деген мына мобул кызга окшогон (жанындагы кызга кол шилтеп) күйөөдөн чыккан, балалуу немелер келишет. Кыз бойдон алып, балээге кала албайбыз. Анан менттер билип калышса, бизге арыз түшөт.
– “Кызмын” деп мен кимге айтмак элем?
– Ой, ошол кыз менен болгон киши эле айтып коёт.
– Мындай учурлар болду беле?
– Болбой анан, э-эй, эмнелерди гана башыбыздан өткөргөн жокпуз... “Сутенёрлор зордоп эле салып берди” дегендер да болот. Эми биз кардар жумушка келээрде расписка алабыз “өз каалоом менен” деген.
– Эже, эгер милицияга кармалып калсак кандай болот?
– Коркпой эле койгула, өзүбүз чыгарып алабыз. Ай, силер көп кыйналбай “одиночка” болуп эле иштебейсиңерби?
– Ал кандай болот?
– Сексуалдуу кийинип алып атайын точкаларга барып, ары-бери баса бергиле. Анан силерди өзүлөрү эле таап алышат. Же болбосо сауналарга баргыла. Мына ошол жерден кыздыгыңды алдырып кел, анан мен жумушка алайын (каткырып күлүп калды). Бирок, ал жерден бул кызматтын бардык түрүн жасаганга мажбур кылышат. Ал эми бизде, айттым го, мусулманча эле.
– Мусулманча деген кызык экен, ал кандай болот?
– Ал обычный катнаш, бизден башка жерлерде оозуна алдыртып, артыңа да сайышат.
– Эже, биз силер менен эле иштейли, эптеп бирдеме кылбайсызбы?
– Анда мындай кылалы, бир мейманканада сага жумуш бар. Мейманкананын шейшептерин жууп, тазалап, клиенттерди жайгаштырып турасың. Ал эми курбуң иштей берет биз менен.
– Айлыгы канча?
– Бир жарым миң сом.
– Ий, эже, ал эмнеге жетет?
– Анда айтып атам го, жигитиңе кыздыгыңды алдырып кел, анан сөзсүз алам. Просто жалко болуп жатат. Мурда менде бир Жанна деген кыз иштечү. “Тиктирбей эле кой” десем болбой: “Кайынжуртума уят болом”,- деп жаматып алып күйөөгө тийген. Мына, эми бала төрөй албай кыйналып жүрөт. Тиктиргенде деген жыныстык органдарың чочуп калат экен. Эртеңкиге чейин ойлонуп көргүлө да, саат төрттөрдө келгиле. Макулбу?
– Мейли, эже, эртең келели. Жакшы калгыла.
Айланкөчөктөй болуп жанатан бери бизди тегерете карап, сөз­дөрүбүздү тыңшап турган беттери капкара болуп күйгөн кыз бизди узата басып, “мен азыр буларды узатып, жакшылап таанышып келейин” деди эле, ары жактан “мамашасы”: “К***дү кысып, клиент кара!”- деп бакырганда, ал кылчак-кылчак бизди карап эле калып калды. Ичибизден “өх” дей түштүк. Баятан бери улам-улам бизди жаман көзү менен жекире карап жатканынан эле кандайдыр бир кызгануу сезими байкалып турган.
Андан аркы сапарыбызды Правда көчөсүндөгү популярдуу көпү­рөнүн үстүнө тарттык. Бул жерден эми кардар күткөн кыздардын ролун аткарып, баягы “мамаша” айткандай, “одиночка” болуп иштеп көрүүнү чечтик. Биз эрте келип алганбызбы, айтор, эч ким деле көрүнбөйт. Машинадан түшөөрүбүз менен басканыбызды өзгөртүп, чоңураак бактын жанына келип туруп калдык. Бир мүнөт өтпөй эле “Ауди 100” үл­гү­сүндөгү машина келип токтоду. Бизди бир сыйра сынай караган ичиндеги эки жаш бала:
– Кыздар, канча турасыңар?- деп суроо узатышты.
– Саатына миң сом.
– Ой, эмне мынча кымбатсыңар?!
– Азыр баары кымбаттады, ошол үчүн.
– Эй, реально кылбайсыңарбы, потолокту тебе бербей! Биз деле өтө бай эмеспиз.
– Жок, түшө албайбыз.
– Давай, беш жүздөн кылгыла, кеттик. Жакыныраак келсеңер?!
Аңгыча жанында отурган жолдошу ары жактан бизди сүрөткө тартып жатышкан кесиптештерибизди байкап калдыбы, ымдаша калып эле «кош» дегенге жарабай «зуу» коюшту.
Булар кетээри менен эле дагы бир такси келип токтоду. Ичинде орто кызып калган орус улутундагы эки жигит. Ал эми таксист кыргыз экен. Кыязы, ошол таксист “кыз таап берем” деп милдеттеме алган окшойт, биз менен соодалаша баштады.
– Кыздар, канча турасыңар?
– Саатына беш жүз.
– Бизге бир түнгө эки балага бир кыз эле керек. Бир түнгө канча?
– Бир жарым миңге чейин.
“Оо, кымбат сурап жатасыңар” дегиче болбой чала-була кыргызча сүйлөгөн орус: “Меники чоң, жакшы”,- деп машинадан түшө калып, бизди кармалап көрүүнү чечтиби, колун сунуп келе жатканда эликтей секирип чочуп кеткенибизди көрүп, түшүнбөгөндөй карап калды.
– Биз түшө албайбыз.
– 800 кылалы, анын үстүнө, тамак-аш, ичимдикти кенен алабыз.
– Жок.
Биздин абалдан чыга албай калганыбызды машинанын ичиндеги жансакчыларыбыз байкаштыбы, жакындап келе жатышты эле: “Ой, постоянные клиенты!”- деп машинаны көздөй чуркадык.
Андан соң “жер алмаштыралы” деп чоң трассанын жанына келип турдук. Бул жолу тажрыйбалуу сойку кыздардай болуп колдорубузду бөй­рөккө алып ары-бери басып, өтүп жаткан машиналарды өзүбүзгө тартуунун аракетинде болдук.
Аңгыча болбой бир машина токтоп калды. Алардан ар кандай шылтоолорду айтып эптеп кутулсак, дагы бири келди. Анан дагы бири... Кыскасы, ар бир эки мүнөт сайын бирден машинаны узатканга үлгүрүп жаттык.
Эми “Сүйкүмдүү кыздар жогорку маяналуу жумушка алынат” деген гезит беттеринде жаандан кийинки козу карындай жайнап кеткен жарыяларга чалып, кыздыкты кандай жолдор менен сатууну сураштырдык.
– Алло, мен жарыя боюнча чалып жаттым эле.
– Чоң кыз, бизде толук интим.
– Мен кыздыгымды сатайын дегем...
– Аа, а сен канча жаштасың?
– 18де.
– Чоң кыз, азырынча мындай клиенттер жок, мындан эки күн мурун эле сурашты эле. Мен ал кишини издеп көрөйүн.
– Баасы канча болот?
– Негизи, бизде 1000 доллар. Анын 30 пайызын клиент таап берген киши алат.
– Мен качан келейин?
– Сен мага телефонуңду таштап кой, мен табаарым менен эле сага чалам.
Оюма биринчи келген сандарды айтып, трубканы койгончо шаштым.
Кичинекей шаарыбыздын ар кайсы булуң-бурчтарында, ар кандай турак-жайларды мейманканага айлантып, денесин сатып иштөө да бир чоң бизнеске айланганын аз убакыттын ичинде болсо да окурмандарга чагылдырып бергенге аракет кылдык. Урматтуу кыргызымдын кыздары, биз денесин саткан кыздардын ролун ойногондо эле бул кесиптин эң балит экенин сездик. “Мындай ишке баргыча, бирөөнүн дааратканасын жууп иштеген өйдө эмеспи” деп ойлойт экенсиң.

Даярдаган Венера Камалова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(2)
08.10.2015. 16:09 
Тайпасы:
Жаран
Комментарийлердин саны:
24
Катталган:
17-02-2013
Соӊку аракети:
15-11-2018 08:38
Жынысы:
Белгисиз
0
Ошол ХХХХ кандай эркек барат болду экен. Эркектин ХХХХ да көп турбайбы.
Модератор admin_superstan түзөттү 2015-10-08 16:23:34
08.10.2015. 16:23 
Тайпасы:
Супермодератор
Комментарийлердин саны:
4717
Катталган:
05-09-2011
Соӊку аракети:
15-11-2018 10:42
Жынысы:
Белгисиз
Калаасы:
SUPER.KG
+1
Damirbek-KG, этика нормаларын сактаңыз! Эскертүү!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: