Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖЫЛДЫЗДАРДЫН КОНЦЕРТ АЛДЫНДА КОЙГОН ТАЛАПТАРЫ

№293 13-19-июнь, 2008-ж.


Атактуу жылдыздардын жер шарын кыдырып гастролдоп жүрүшү бир топ түйшүк жаратаары талашсыз. Атакка мас болгон жылдыздардын чыргоолуктарына чыдап, алардын боло турган концертин уюштуруу оңой иш эмес. Себеби, дүйнөгө аты таанымал адамдардын атагына жараша өзүнүн кызыкчылыгы үчүн койгон талаптары чоң. Ал талаптардын айрымдары таңкалтырса, кээбирлери күлкүңдү да келтирет...

АЛЛА ПУГАЧЁВА
Орус эстрадасынын примадоннасы Алла Пугачёванын жер-жерлерге концерт коюу алдында концерт уюштуруучуларына койгон талабы толугу менен 13 баракка араң батат. Анда концерт коюлуучу күндөрдүн ичинде ырчыга керек болгон диван, күзгү, кийим үтүктөөчү такта, эки кийим илгич, даарат кагазы, мөмө-жемиш, колбаса, 10 бөтөлкө газдалбаган суу, чай, кофесине чейин жазылган. Алланын концертин бир ирет уюштуруп көргөндөр кийинкисинде өздөрү билип эле 13 барактан турган талаптардын тизмесин сурашат жана алгач эле андагы жаңы талаптарга көз чаптырышат.

ЖЕННИФЕР ЛОПЕС
Латынамерикалык сулуу айым Женнифер Лопестин балалыгы жупуну эле болгонун билебиз. Андыктан, атактуу актриса өзүнүн бир кездеги жетишпеген турмушун унутуу максатында учурда өзгөчө шартта турмуш кечүүнү көздөйт. Чыргоолонгон ырчыны концертке чакыруу үчүн концерт уюштуруучулары эң биринчи аны гардения гүлүнүн жыты менен тосуп алып, анын буту баскан бардык жерди, айрыкча сахнаны ушул гүлдүн аңкыган жытына бөлөп туруулары зарыл. Андан кийинки талабы, Египеттен алынып келинген, пахтадан ийрилип, колго токулган кездемеден жасалган ак шейшептин болуусу кажет. Каратору сулуунун талаптары муну менен эле чектелбейт. Концерт бүтүп, ырчы кайра кеткичекти анын кол алдында мурда бир топ атактуу адамдарды кайтарган ишенимдүү жансакчылардын болушу шарт.

ВЕРКА СЕРДЮЧКА
Верка деген ысым менен өзгөчө стилде сахнага чыгып жүргөн ырчы жигит Андрей Данилконун да концерт уюштуруучуларына койгон талабы өзгөчө. Андрей: “Мен кайсы жерде гана концерт бербейин, сөзсүз кийинүүчү бөлмөдө бир-эки үйлөтүлгөн жасалма көкүрөк, анан ар кайсы жанрдагы 100 гезиттин жаңы саны болууга тийиш!”- деп талап коёт. Жумасына жүз гезит чыкпаган өлкөлөргө барса, Сердючканын кандай талап коёо­ру белгисиз.

«BACKSTREET BOYS» тобу
Бардык эле атактуу ырчылардын чыргоолугу боло бербейт. Айтайын дегенибиз, канча атактуу болсо да өздөрүн катардагы адам экендигин унутпаган таланттуу инсандар да бар. Мисалы, “Backstreet Boys” тобунун жигиттери концерт уюштуруучуларынан концерт башталаардын алдында ачка болбошу үчүн болгону жер жаңгак майы кошулуп жасалган 24 даана сэндвич сурашат. Ал эми калган керектүү буюмдарын ырчылар өздөрү ала жүрүшөт.

БРИТНИ СПИРС
Акыркы кезде Бритни Спирстин жеке турмушу өз нугунан тайып турган убагы. Ошентсе да ырчынын концертине күбө болуу бактысы үчүн бар байлыгын аябаган күйөрмандары жок эмес. Мындай концерт уюштуруу маалында ырчы кыз да өзүнүн эркелигин көрсөтпөй койбойт. Анын бир гана талабы бар. Бритни кайда гана концерт койбосун, күч-кубаттуу кайтаруучулары менен 7 гримдөөчү бөлмө даяр болууга тийиш. Жалгыз башына мынча көп гримдөөчү бөлмөнүн эмнеге керек экендиги көпчүлүккө сыр.

РИКИ МАРТИН
1999-жылы “Livin` La Vida Loca” деген ыры менен дүйнө элин толкуткан америкалык ырчы жигит Рики Мартиндин белгилүү боло баштагандан бери талабы бирөө гана. Ал – ырчы кайда гана болбосун, барган жеринде саргыч өңдүн курчоосунда болуусу керек. Андыктан, Рикинин концертинин сахна жасалгасынан да, гримденүүчү жайынан да, конок үйүндөгү номеринен да саргыч түстү ар дайым кезиктирүүгө болот. Мунун себебин ырчы бул түстү жакшы көрөөрү жана саргыч өңдүн толкундануудан, тынчсыздануудан арылтаары менен түшүндүрөт.

РОББИ УИЛЬЯМС
Британиялык атактуу ырчы Робби Уильямс 2003-жылы Венага болгон гастролдук сапарында 72 номерлүү белгилүү отелдердин бирин жалгыз өзүнүн карамагында болуусун талап кылган. Мунун себебин ырчы андагы ресторан, сауна, фитнес борбору, коктейль барлардын баарынын жеке өзүн гана тейлеп туруусун каалагандыгы менен түшүндүргөн. Ырчынын кийинки дагы бир өзгөчө талабы – анын гримдөөчү бөлмөсүндө дайыма кадимки тирүү маймылдын болуусу.

ИРИНА АЛЛЕГРОВА
“Мен кайсы гана машинага отурбайын, анда сөзсүз жылуу жууркан болушу керек. Болбосо, мени ал машина менен концертке алпарабыз деп ойлобой эле койгула!”- дейт ырчы. Мына, белгилүү ырчы Ирина Аллегрованын талабы ушундай. Бир жолу ырчынын бул талабы аткарылбай калып, концерт коюу үчүн жаңы эле учуп келген Ирина бир саат бою самолёттон түшпөй койгону жана мунун айынан концертинин кечигип башталганы маалым. Кызыгы, ал учур Аллегрова сууктан үшүп калбагыдай жай мезгили экен.

Булардан тышкары, Кристина Орбакайтенин ысык суусу бар ваннаны, «Звери» тобундагы Романын 7 сүлгүнү, Филипп Киркоровдун 2 гриммдөөчү бөлмө менен лимузин машинаны, Маша Распутинанын бөлмөсүндө роза гүлдөрүнүн болушун, Мэрайя Кэринин Кристина Агилеранын атын угузбоону талап кылгандыктарын жана башкаларды айтууга болот.

Даярдаган Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: