Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЯЛДАР СЕКCТЕН БАШ ТАРТА ТУРГАН СЕБЕПТЕР КАЙСЫЛАР?

№294 20-26-июнь, 2008-ж.


– Аялдарды түшүнүп болбойт. Төшөктө бирде жаныңды койбой эсиңди оодарса, бирде туруп себебин айтпай-дебей эле жанына жуутпай калат. Ушундан улам “аялдар кандай учурда төшөктөн баш тартышат?” деп сурайын дедим эле. Роха, Талас.
– Америкалык эксперттер аялдардын төшөктөн баш тартуу себептерин изилдеп чыгышкан. Төмөндө анын жыйынтыгы:

  • Өзүн семиз сезет. Эгер ушунусу үчүн төшөктөн баш тартып жатканын байкасаңыз, анда аны жактыраарыңызды, ал сиз үчүн сүйүктүү адам бойдон кала тургандыгын айтып түшүн­дүрүңүз. Эркелеткен сөздөр­дөн аянбаңыз.
  • Аны ичинин көпкөнү (ичтеги газдар) кыйнап жатат. Кээде ушундай майда нерсе деле секске жолтоо болот. Андыктан, ал эшикке чыгып же дааратканага барып бир топко жоголуп келүүсүнө мүмкүндүк бериңиз. Айым мындай учурда ичине саат жебеси боюнча массаж жасап, газдан арыла алат.
  • Этеккири келип жатышы мүмкүн. Мындай болсо, анын ою менен болгонуңуз оң.
  • Ал эски модадагы труса кийип жүрөт. Кээбир айымдар стринг-труса кийип, жыныстык мүчөлөрүн сезгенткиси келбей эски үлгүдөгү труса кийишет. Же модалуусун сатып алууга убактылары жок. Муну түшүнүү керек. Андыктан, чечинүүгө келгенде эшикке чыгып кетип, анын уялбай чечинип алуусуна мүм­күндүк бериңиз.
  • Өзүн кир жана тер жыттангандай сезет. Мындайын байкасаңыз, душка чогуу түшүүнү сунуштоодон ашкан нерсе жок.
  • Ага бир жолку кошулуу жетиштүү. Бир жолу оргазмга жетүү чек эмес экендигин, болгону, каалоо жетишпестигин түшүндүрүү керек.
  • Сизден жаман жыттын чыгып жатышы. Өбүшүп, кучакташып киргенде айымдын мурдуна жаман жыттын урунуусу албетте, каалоосун жоготот. Андыктан, гигиенаны сактап, кошулуу алдында жуунуу керек. Мындайда “сага шире апкелейин” деген шылтоо менен эшикке чыгып, жуунуп келе калыңыз.

ЖАЙЫНДА КАЙСЫ ЖЕРДЕ КУМАРГА БАТУУ АРТЫК?
– Көпчүлүк жубайлар секс үчүн эң жакшы орун деп уктоочу диванды эсептешет. Бул бара-бара жадатма көрүнүшкө айланышы толук мүмкүн. Андыктан, төшөк кумары үчүн өзгөчө жайында кандай жерлер ылайыктуу? Мисалы, эстен кеткис сезим тартуулай турган... Кады, Ош.
– Адамдын фантазиясынын чеги жок эмеспи. Кээбирлери гаражда, сарайда, чатырда, ашканада, бак ичинде, мончодо жана башка жерлерде секс менен алектенүүдөн канааттануу алышат. Булардан сырткары, табият коюнунда рахатка батуу деген да бар.

  • Ачык асман алдында. Жапжашыл дарак, чөптөр, жалбырактардын шуудуру, бетти аймалаган жел... Мындай учурда эмоцияга эрк бербөөгө да айла жок. Каалоо болсо, түрдүү ыкмаларды колдонсо, рахат көбүрөөк болот. Болгону, түнкүсүн шүүдүрүмдүү токой ичи сыз болоорун эске алуу керек.
  • Пляждагы секс. Жылуу кум, толкундардын шыбыры, кайкып учкан акчардактар... “Жылуу кумда жатуунун өзү сексти эңсетпейт” деп ким айтты? Болгону, чоочун көз­дөрдөн жана кумдун аялдын жана эркектин жанжерине кирип кетүүсүнөн сак болуу туура.
  • Суудагы рахат. Суунун таасири ыкмалардын түрүн колдонууну чектейт. Элдин көзүнөн далдоодо болуу үчүн ээн жер керек же суунун тереңирээк жерине баруу кажет. Болгону, кир жээкте (суу кир болсо) микробдор көп болгондуктан, мындай жерде кошулууга болбойт. Анткени, аялдын “алигиси” сезгенүүгө чалдыгуусу толук мүмкүн.
  • Чөп үймөктө. Чөптө туруп кошулуудан тышкары бардык ыкманы пайдаланууга болот. Болгону, шеригиңиздин чөптөн аллергиясы бар же жок экендигин тактап алууңуздар керек. Анан чөптүн курт-кумурскалар жок жерин тандаган оң.

ГРЫЖА МЕНЕН ТӨРӨӨГӨ БОЛОБУ?
– Менин чурайымда грыжа бар. Ал оорутпайт жана сыртка чыгып кетпейт. Мен төрөөнү пландап жаткандыктан, алдын-ала грыжаны алдырышым керекпи же төрөөгө анын залалы тийбейби? Бурма, Ош.
– Чурайдын грыжасы, адатта, баланы боюна көтөрүү жана төрөө процессин оордотпойт. Бирок, бул дарыланбай коюуга болот дегендик эмес. Андыктан, хирургга кайрылып, грыжанын чоң-кичинесин тактатуу керек. Эгер врач операцияны сунуштаса, макул болуп, бойго бүтүрүүнү кийинкиге жылдыруу зарыл.

СЕКС УЧУРУНДА КАНДАЙ ЖАРАКАТКА КАБЫЛУУ МҮМКҮН?
– Төшөктө жыргалга батуу учурунда тиштегилеп жаракатка кабылтуу же түрдүү ыкманы колдоном деп жатып буттун-колдун тарамышын созуп алуу ыктымал. Бирок, мындан башка да кандай жаракатка кабылуу мүмкүн? Угушума караганда, төшөктөн түз ооруканага түшкөндөр болот экен. Роза, Бишкек.
– Сексте катуу кумарланууда адам өзүн коргоону унутуп коёт. Ушунун айынан планетабыздагы адамдардын үчтөн бири дене жаракаттарына кабылышат. Булардын арасында өзүн-өзү жаракатка кабылткандар да бар. Мисалы, айымдар өздөрүн- өздөрү канааттандыруу максатында эмнени гана колдонушпайт?! Врачтар аялдардын “алигилеринен” лампочкаларды, парафин шамдарын, чөнтөк телефондорун жана башкаларды алып чыккан мисалдар көп. Кээде жаракатты төшөктөш шериктер тартуулайт. Мисалы, тиштегилеп, соруп өбүүнүн айынан эртеси канталап, шишип калган эмчектин үрпү, бир нерсеге урунган же тырмак тыткан жердин шишип чыгуусу. Мунун баары дүүлүккөн маалда оорутууну сезүү азая тургандыгынын кесепети.
Оралдык сексте да жаракатка кабылуу бар. Мисалы, айым эркектин бел суусун жутканда анысы дем алуу жолдоруна кирип кетип, өмүрүнө коркунуч туулган учурлар катталган.
Кээде кышкысын сүйүү оюнунун кызыгына батып, төшөктөн жылып кете берип, көчүктөрүн батареяларга күйгүзгөндөр да кездешкен. Кыскасы, жаракатка кабылуунун түрлөрү көп. Андыктан, төшөк да аяр мамилени талап кылат.

ЖАМБАШТЫ КӨРКТҮҮ КӨРСӨТҮҮНҮН ЖОЛУ БАРБЫ?
– Менин жамбашым төрөгөнүмдөн соң эле шалпайып калды. “Эми күйөөсү болгон соң көрктүү жамбаштын эмне кереги бар?” деп ойлосоңуздар керек. Мен жакында жумушума кайра барам. Иштеген жерим – абройлуу жумуш. Демек, келбетим (жамбашым да) жакшы көрүнүш керек. Андыктан, жамбашымды мурункудай кантип көрктүү кыла алам? Диля, Бишкек.
– Жамбаш чымыр, анан томпоюп жакшынакай көрүнүш үчүн албетте, машыгуу зарыл. Атайын машыгуучу залдарда инструкторлор болгондуктан, алар кантип машыгуу керектигин көрсөтүп беришет. Үйдө машыгууну кааласаңыз, көнүгүүлөр бир топ. Алардын бир нечесин сунуштайбыз:

  • Полго малдаш токунуп отуруп, колду желкеге алуу керек. Бойду түз кармап, эми “баса баштаңыз”. Башкача айтканда, каздын басыгын туурагандай кыймылдаңыз. Бир топ алдыга жылган соң кайра артка кайтыңыз. Көнүгүү 8 ирет кайталанат.
  • Колду алдыга сунуп, түз жатыңыз. Бир бутуңузду тизеден бүгүп, аны көкүрөгүңүзгө алып келиңиз. Эми кезек экинчи бутуңузда. Көнүгүү ар бир бутка 20 жолу кайталанат.
  • Түз жатып, колду алдыга сунуңуз. Эми жамбашты өйдө кө­төрүп, кайра акырындап түшү­рүңүз. Кө­нүгүүнү жасап жатканда баш, колдор жана ийин полдон көтө­рүлбөш керек. Көнүгүү 6-7 жолу жасалат.

Жамбашты көрктүү көрсө­түү жагында жакында АКШда жаңылык пайда болгонун кошо кетели. Башкача айтканда, жамбаш үчүн лифчик ойлонулуп табылды. Идея Карин Харт аттуу айымга тиешелүү. Лифчик ичке тасмалардан турат жана жамбашты тартып, чымыр көрсөтөт. Азырынча бул буюм АКШда гана 30 доллардан сатылууда. Буга суроо-талап көп болсо, мүмкүн, күтө турсак, акырындап бизге да жетээр.

Даярдаган Венера Камалова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: