Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КАРГАШАЛУУ КЕК

№295 27-июнь - 3-июль, 2008-ж.


Бул адамга туш тарабы темир тор менен курчалган түрмө өз үйүндөй эле болуп калгандай. Андыктан, судьянын: "Соттолуучу Мурат Эркинбаев жыйырма жылга эркинен ажыратылсын. Жаза мөөнөтү күчө­түлгөн тартиптеги абакта өтөлсүн",- деген өкүмүн угуп бир «дирт» этип да койгон жок. Ал эми он гүлүнүн бири ачыла элек кызынан айрылып калган эне соттун жыйын залында буркурап ыйлап жатты.

"СЕНИН АЙЫҢДАН..."
– Экзамени түштө эле бүткөн. Кызың эмгиче келе элек.
Кабагын чытыган Салим тынчы кете жубайына карап калды.
– Балдар-кыздар менен шаар айланып ойноп кетишкен чыгаар. Акыркы экзаменди тапшырып бүтүштү. Бүрсүгүнү бүтүрүү кечеси болот. Балким, ошонун камын көрүп жүрүшкөндүр.
Жолдошун минтип тынчыткан менен Канышайдын да жүрөгү негедир түпөйүл болуп турду. Асел – алардын кичүү кызы. Быйыл мектепти бүтүрүп жаткан. Бул учурда он алты жаштагы сулуу кыз колу-буту байлануу, оозуна чүпүрөк тыгылып, былк этип кыймылдай албай шаар четиндеги сайдын жээгинде моюнуна тийген бычактын муздак мизинен титирей жаны чыгып отурган.
– Канчык! Сенин айыңдан мен кызыл шапкечен иттерге кармалып, канча жыл түрмөдө жаттым! Болбосо азыр Орусияда чаң салып жүргөн болоор элем.
Мындан он жыл мурун опер кызматкерге такылдап сүйлөгөн секелек кыз көз алдына келгенде бычак такаган кишинин жаак эттери түйүлө түшүп, бар күчү менен бычакты тартып жиберди. Аселдин апакай алкымынан кыпкызыл кан атылып кетти. Эми эле көздөрүнөн жаш куюлта дирилдеген кыздын тамагынан коркураган кызыктай бир үн чыгып, жаш денеси чабалактап жатты. Эми өзүн кармай албай калган киши колундагы чоң бычакты Аселдин туш келген жерине сайып кирди. Такыр былкылдабай калгыча сайгылап, анан башын көтөрө туш-тарабына абай салып, жакын жерде киши-кара көрүнбөгөн соң жанталашып кыздын кол-буттарын кескилеп кирди. Соттоло берип, милициядан көңүлү калган ал ушул тапта "тезинен сөөктү жоготуу керек" деп ойлоп, жанталашып жатты. Демейде анча-мынча кишилер өтүп калчу бул жерден бүгүн эч ким көрүнө бербеди. Кол-буттарды өзүнчө мүшөккө салып, башын, денесин өзүнчө бөлүп алган киши үч мүшөктү ары жакта токтоп турган эски "Москвичине" сүйрөп барып салып, алда кайда айдап жөнөдү.

ЖАШ КЫЗГА КИМ МЫНЧА КАРШЫККАН?
Аселдин башын ал жоголгондон үч күндөн кийин шаар четиндеги сайдан табышты. Эрке кызы ушундай каргашага туш болгонуна Канышай менен Салим ишене албай башын муштагылай ыйлап жатышты. Шаардык милиция түп көтөрүлө издеп жүрүп бешинчи күн дегенде мүшөккө салынып, таш менен корумдалып салынган кол-буттарды табышты. Кесилген колго титирей көз жүгүрткөн Канышай аты жок манжадагы шакектен улам кызынын колун тааныды. Ошол эле күнү таштандылар арасынан денени табышты. Бир үйдүн эч кимге зыяны жок эрке талтаң кызы мынчалык кимдин безине тийген эле? Күйүттөн бир аптада картайып кеткен Салим менен Канышайды милиция кызматкерлери үйүнө жибербей, ким мынчалык Аселге каршыгышы мүмкүн экенин эстөөнү талап кылып жатышты. Эсин жоготуп, кайра өзүнө келип жаткан Канышайдын эсине мындан он жыл илгери болгон окуя келди...

ОН ЖЫЛ ИЛГЕРИ...
– Эшик шыңгырап жатат. Карагылачы, ким келди?
Канышайдын сөзүнөн улам барып эшикти ачкан Салим адегенде тышта турган жигитти тааный албады. Бүшүркөй тиктеп калган Салимге салам берген бейтааныш өзүн тааныштыра кетти.
– Салим аке, мени тааныган жоксузбу? Мен Муратмын. Капар агаңыздын уулумун.
– Аа, тааныбай калган турбаймынбы. Кел, үйгө кир.
Оозу бош унчуккан Салим конокту анчалык жактыра бербей ичкери көздөй кол жаңсады.
– Азыр, тышта апам турат. Аны алып келе калайын.
Жүгүрүп артын көздөй кеткен Муратты Салим жактырбай тиктеп калды. Жакын тууганы болсо да, ушул жигиттен алыс жүрүүгө аракет кылаар эле. Мектепте окуп жүргөндө теңтуштарын токмоктоп, "атаман" аталып жүрүп бир күнү милицияга түшүп калган. Өзүнөн кичүү баланы катуу токмоктоп коюп, майып кылып койгон экен. Ошентип, тогузунчу классында камалган. Абакта жүрүп дагы бир кылмыш кылып, жаза мөөнөтү узарып кеткен. Мындан эки жыл мурун абактан бошоп келгени менен Салим алыскы айылда жашаган бул инисин көргөнү барган эмес. Андан соң анын үйлөнгөнүн уккан. "Эми адам болуп тынч жашап кетсе экен" деп жүргөн.
Эки күн болсо да тымпыйган жеңеси менен иниси келген себептерин айтышпады. Акыры ичи бышкан Салим кепти өзү баштап, экөөнүн келген себебин сурап отуруп билди.
– Сен эмне деп турасың? Ушундай ишти кылып коюп, менин үйүмө качып келесиңби? Сенчи, жеңе, мобул акмак "жүрү, кеттик" десе, чалажан келинди таштап салып келе бердиңби?
Аюудай бакырган Салимди ордунан ыргып турган Мурат жакалай муунтуп калды.
– Айкырба! Жиниме тийсең, сени да мууздап салып кете берем. Азыр Орусияга кача албайм. Анткени, бул шаардагы досум бир жумадан соң Орусияга жөнөйт экен. Үйүңдө дагы бир жума жатам. Ошого чейин тигил кызыл шапкечен иттер шимшилеп келип калышса үн дебейсиң. Катын-балаңа да айтып кой. Апамды өзүм менен алып кетем. Кийинчерээк кайра жөнөтүп жиберем.
Көздөрү канталай чанагынан чыккан жигиттин түрүнөн эси чыккан Салим унчуга албай калды. Бул акмак келинчеги менен уруша кетип, аны бычак менен бырчалап салып, анан энесин алып качып келген экен. Бир чети: "Мейли, качса качып кетсин. Ушунча алыс жерге милиция издеп келбесе деле керек",- деп өзүн жооткотуп койду. Ошол замат улуу балдарын, аялын чакырып, болгонун болгондой айтып, кокус милиция кызматкерлери сураштырып калышса эмне деп жооп берүү керектигин үйрөттү. Тышта так секирип ойноп жүргөн Аселге эскертүү Салим менен Канышайдын оюна да келбеди.
Мурат менен энеси келгенден төрт күндөн соң Салимдин үйүнө жөнөкөй кийимчен милиция кызматкерлери келишти. Салим алардын сурагынан: "Мурат аттуу иним бар экени анык. Эки жыл мурун абактан чыкканын уккам. Бирок, көрө элекмин",- деп кутулду. Эки опер кызматкер Салим менен сүйлөшүп жатканда үчүнчүсү скакалкасын көтөрүп тышка чыгып бараткан Аселди токтотуп калды.
– Бантигиң сонун экен. Муну сага ким алып берди?
– Атам апкелип берген.
– Атың ким сенин?
– Асел.
– Асел, силердин үйүңөргө кары кемпир, мурутчан байке келдиби?
– Мурат байкемди айтасызбы? Ооба, келди. Ал азыр спальныйдын балконуна чыгып кетти. Апасы да ошол жакта.
Такылдап оперге сүйлөп жаткан кызынын үнүн угуп турган Салимдин жүрөгү титиреп кетти. Кыздын кебин уккан оперкызматкерлер үн-сөзсүз төркү бөлмөнүн балконуна тапанчаларын көтөрө кирип барышты. Кыйгач жабылган эшиктен Аселдин үнүн Мурат да угуп турган эле. Колу артына кайрылып, кишенделип чыгып баратып секелек кызды көзүндө огу болсо атып жиберчүдөй бир тиктеди. Наристе кыз анын бул учурда эмнени ойлогонун кайдан билсин?! Ошентип, Мурат аялынын өмүрүнө кол салгандыгы үчүн он жылга соттолуп кеткен эле. Асел болсо жигиттердин шилекейин агызган сулуу кыз болуп чоңойгон. Алгач улам эстей калып жүрүшүп Салимдин бүлөсү бул окуяны унутуп жиберишкен. Болгону, аны Мурат унутпаптыр. Түрмөдөн чыккан күнү эле карылыктан колу-башы калтылдап калган энеси менен учурашып, гаражда токтоп турган атасынын эски "Москвичин" айдап алып жолго түшкөн. Ал он жыл бою оюнда жүргөн кегин алмакчы болгон экен.
Ошентип, кайрадан колу кишенделген Муратты түрмөгө алып кетишти. Бул ирет ал жыйырма жылга соттолду. Эми кайрылып абактан башы чыгаары, анын убайын тартып жүрүп оорулуу болгон энесин көрөөр-көрбөсү белгисиз.

Даярдаган Айбек Нурадилов. Сүрөтчү Ренат Мамытбеков



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: