Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЧОҢ ШААРДАГЫ СЕКС

№296 4-10-июль, 2008-жыл.


РежиссёруМайкл Патрик Кинг
Продюсерлери Ричард Кеннер, Кэтрин Энн Басби
Сценарийин жазгандарКендесс Бушнелл, Майкл Патрик Кинг
Башкы ролдордо: Кэрри – Сара Жессика Паркер, Саманта – Ким Кэтролл, Шарлотта – Кристиан Дэвис, Миранда – Синтия Никсон
Ролдордо: Крис Нот, Дэвид Эйденберг, Уилли Гарсон, Кайл МакЛахан, Жон Корбетт, Ивэн Хендлер жана башкалар.

КОЖОЙКЕЛЕР ДА, БИЗНЕСМЕНДЕР ДА КӨРҮҮЧҮ ТАСМА
“Чоң шаардагы секс” фильми – сериалды, андагы окуялардын баарын жыйынтыктоочу фильм. Анын бет ачарын күйөрмандар 4 жыл күтүшкөн. Ал эми тасманын сюжеттик линиясы бүгүнкү күнгө чейин катуу сыр катары сакталып келген.
Сексуалдуу тасманын көңүл борборун төрт курбу: Кэрри Брэдшоу, Миранда Хоббс, Шарлотта Йорк жана Саманта Жонс ээлейт. Отуз жаштагы айымдар жөнүндөгү легендарлуу сериал эми 40тан ашкан айымдар тууралуу көркөм тасмага айланды.
Тасмада баары: сүйүү да, тиричилик да, күлкү да, ый да бар. “Чоң шаардагы секс” сериалы алгач экран бетине чыкканда эле эң жогорку деңгээлдеги телевизиондук долбоор экендигин далилдеген. Мурун «сериалдарды үйдө отурган аялдардан башка эч ким көрбөйт” деп эсептелчү. Бүгүн “Чоң шаардагы секс”, “Абактан качуу”, “Жоголгондор” сыяктуу сериалдар турганда сыналгыны үй кожойкелери гана эмес, бизнесмендер да талашып көрүшөт. Аялдар каармандарга чын дили менен болушушса, эркектер айымдардын ички дүйнөсүнүн сырларын чечүүгө оңой мүмкүнчүлүк алышат.

МАКАЛА, КИТЕП, СЕРИАЛ, ТАСМА...
1997-жылы «New-York Observer» гезитинин “Сандан-санга” рубрикасында “Секс жана шаар” деген эссе жанрындагы макала чыга баштайт. Анын автору журналист Кэндэс Бушнелл чоң шаардагы жашоосунда өз башынан өткөрүп жаткан жөнөкөй, бирок, кызыктуу окуяларды жазчу. “Адегенде гезитке өз атымдан жазчумун,- дейт жазуучу жана журналист Бушнелл,- Бирок, “ата-энем окуп калса эмне болот?” деген ой менен окуяны Кэрри Брэдшоу деген ат менен чыгарууну чечтим”.
Төрт көз карандысыз айымдын Нью-Йорктогу жашоосун сүрөттөгөн “Сандан-санга” рубрикасы гезиттин нускасын бир топ көбөйткөнгө жетишет. Муну байкаган Кэндэс эл арасында популярдуу болгон окуяны китеп кылып чыгарууну ойлойт. Ошентип, 1997-жылдын аягында жөнөкөй кабарчы болуп жүргөн Кэндэс Бушнеллдин алгачкы романы жарык көрөт да, китеп текчелерине коюлаар замат сатылып, жылдын бестселлерине айланат.
Ал эми 1998-жылы аталган китептин негизинде телесериал тартылып, экранга ар бири 12-18 сериядан турган 7 цикл (сезон) чыккан. Бул жолу да авторлордун эмгеги акталып, сериал экран алдына көптөгөн көрүүчүлөрдү топтогон. Тасма тез аранын ичинде Америкада гана эмес, океандын бери жагында да популярдуу долбоорлордун бирине айланган.

«АТАЛЫШЫ БИР ТОП МАСЕЛЕ ЖАРАТКАН»
“Чоң шаардагы секс” жөнөкөй сериалдан жалпы коомдук мааниге ээ көрүнүшкө айланган: көрүү­чүлөр сериалдын каармандарын туурашып, алардын айткандарын өз турмуштарында, жеке жашоолорунда колдоно башташат. Адегенде сериалдын ачыктыгы штаттардын улуу муунун чочуткан. Бирок, кийин “интим темаларында ата-энеси менен ачык сүйлөшө албаган жаштар көчөдөгү достору айтканды кылгандан көрө ушул сериалдан үйрөнгөндөрү жакшы” деген көз караш пайда болгон.
Кэндэс Бушнелл өзү сериалдын алгачкы үч сезонун жакшы эле кабыл алып жаткан. Бирок, 3 жылдан кийин катуу сын менен массалык маалымат каражаттарына кайрылган. “Улам жаңы серия тарткан сайын сценарийдин авторлору менин китебимдеги баштапкы мазмунду өзгөртүп жатышат,- деген ал,- Сериалда ачык эпизоддор өтө эле көбөйүп кетти. Менин китебим аркылуу берейин деген оюм бурмаланып жатат”.
Сериалдын ачык-айрым эпизоддорго толуп турганы китептин автору гана эмес, ага катышкан актрисаларды да кооптондурган. Мисалы, Кристин Дэвис кээбир эротикалык көрүнүштөргө тартылууга туура келгендиктен, ата-энесинен бул сериалды көрбөшүн өтүнгөн.
Ал эми Сара Жессика Паркер чоң энеси анын кайсы тасмага тартылып жатканын сураганда, корк­конунан сериалдын атын да атаган эмес. «Мен жөн гана комедияга тартылып жатам» деп койчумун,- дейт Паркер,- Негизи, сериалдын аталышы биз үчүн бир топ эле маселе жаратты».
Съёмкалар 2007-жылдын 19-сентябрында башталган да, 12-майда тасманын дүйнөлүк бет ачар аземи болуп өткөн.

БАШКААРМАНДАР ТУУРАЛУУ МААЛЫМАТ
Голливуд жылдызы Сара Жессика Паркер 1965-жылы 25-мартта Огайодо (АКШ) туулуп, 7 биртууганы менен ынтымактуу үйбүлөдө тарбияланган. Ал кичинекейинен эле актриса болууну каалачу. Голливуд Сараны тааный электе ал чакан телесериалдарга, жарнамалык роликтерге гана тартылып жүргөн. Чыныгы популярдуулук Сарага “Чоң шаардагы секс” сериалы менен келди десек жаңылышпайбыз. 1997-жылы актриса өзүнүн эски таанышы жана жакын досу Мэтью Бродерикке турмушка чыгып, 2002-жылы ага жакшынакай уул төрөп берген.
Ким Кэтролл 1956-жылдын 21-августунда Ливерпулда (Англия) төрөлгөн. Кино жана театр актрисасы Ким “Чоң шаардагы секс” тасмасындагы “кесиптештеринин” арасынан эң тажрыйбалуусу. Ал тасмага 3 айынан баштап тартылып, 16 көркөм тасмада жана 30дай театралдык пьесаларда роль жараткан жана дүйнөлүк деңгээлдеги “Алтын глобус”, “Эмми”, “Гремми” сыйлыктарына ээ болууга жетишкен.
Актриса гана эмес, “Драма Департмент” театралдык компаниясынын жетекчиси жана бир топ театралдык долбоорлордун продюсери катары таанымал болгон Синтия Никсон 1966-жылы 9-сентябрда Нью-Йоркто (АКШ) туулган. Киного биринчи жолу 1980-жылы келген Синтия бул жаатта да көп ийгиликтерге жетишкен. Титрде аты жазылбаса да Синтия сөз болуп жаткан тасманын продюсерлеринин бири.
Таланттуу актриса Кристин Дэвис 1965-жылдын 24-февралында Боулдэрде (АКШ) туулган. Адегенде психолог кесиби боюнча университетти бүтүрүп, кийин жарнамалык роликтерге жана чакан театралдык пьесаларга катыша баштаган. Кристин “Чоң шаардагы секс” тасмасына тартылгандан бери Голливуддун атактуу актрисаларынын катарынан орун алган. Учурда актриса Нью-Йоркто йога мектебин иштетет.

КЫЗЫКТУУСУ...
Тасмада чакан ролду аткаруу атактуу ырчы Виктория Бэкхемге сунушталган. Тилекке каршы, “Spice Girls” тобунун дүйнөлүк турнесинен колу бошобой жаткан Виктория мындай сунуштан баш тартууга аргасыз болгон.
Сериал 6 “Эмми”, 8 “Алтын глобус” жана башка сыйлыктарга ээ болгон. Муну эске алуу менен фильмди дагы да чоң келечек күтүп турат десе болот.
“Чоң шаардагы секс” сериалынын акыркы бөлүмү экран алдына 4,5 миллион көрүүчүнү топтогон.
Тасмада кооз кийимдердин көптүгүнө ар бир эле көрүүчү көңүл бурса керек. Мына ошол кийимдер тасма тартылып бүткөндө сатууга коюлган. Мисалы, “Chanel” фирмасынын кара көйнөгү 5 миң долларга сатылган.
Шанхайдагы телеканалдардын бири 2003-жылы сөз болуп жаткан сериалдын негизинде өзүнүн “Ысык айымдар” сериалын тарткан.
Тасманын бюджети 65 миллион долларды түзгөн.

Бетти даярдаган Бегайым Мусакеева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: