Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КУНГ – ФУ ПАНДА

№297 11-17-июль, 2008-ж.


Бүгүнкү биз кеп кыла турган комедиялык мульт­фильм экранга чыга элек жатып бүткүл дүйнөдө популярдуу болду. “Кунг-фу панда” бир жарым айдын ичинде 130 миллион долларлык бюджетин 300 миллион доллар менен жаап коюуга жетишти. Мындай ийгилик жок дегенде дагы жарым жыл уланса, мультфильм «Жылдын эң кирешелүү долбоору» деп аталуусу толук мүмкүн.

Режиссёрлору – Марк Осборн, Жон Стивенсон
Сценарийин жазгандар – Жонатан Айбел, Гленн Бергер
Продюсерлери – Гленн Бергер, Мелисса Кобб
Үндөрүн коштогондор – Жэк Блэк, Дастин Хоффман, Анжелина Жоли, Жеки Чан, Люси Лью, Йен МакШейн
Орус тилинде үндөрүн коштогондор – Михаил Галустян, Александр Хотченков, Алиса Гребенщикова, Илья Лагутенко, Анна Семенович

ЭМНЕ ЖӨНҮНДӨ?
“Турагой, По, жумушка кечигесиң!” деген сөздү панда күн сайын эртең менен угат. Күн сайын эртең менен атасынын бул чакырыгы Понун эң таттуу түштөрүн аягына чейин көрүп бүткөнгө жолтоо болот. Кыялында кунг-фу жоокери болууну самаган По Тынчтык өрөө­нүн­дөгү жөнөкөй кесмеканада иштейт. Понун атасы уулуна кесме шорпонун сырын ачып, чакан бизнести ага өткөрүп берүүнү тилеп жатса, панданын ою такыр башкада. Ал кичинекейинен бери кунг-фу жоокерлерине окшош болгусу келчү. Укмуштуу бешилик: Жолборс, Маймыл, Турна, Жылан, Жаачы жана алардын устаты, улуу Шифу – панданын кумирлери.
Бир күнү Тынчтык өрөөнүнө жаман кабар келет. Ташбоор кабылан Тай-Лунг түрмөдөн качып чыгып, өрөөнгө келатат. Өрөөндөгү акылман ташбака Угвей: “Өрөөндү сактап кала турган Ажыдаардын жоокерин тандоо убактысы келип жетти. Ал баарыбызды аман сактап калат”,- деген билдирүү жасайт. Өрөөндүн жашоочуларын куткарып, “Ажыдаардын жоокери” деген атка конуу үчүн укмуштуу бешилик өз өнөрлөрүн көрсөтүшөт. Бирок, акылман Угвей эмнегедир панданы көрсөтүп, баарын таңкалтырат. Устат Шифу акылмандын жаңылып алганын ойлоп, панданын кетишин талап кылат. Бирок, жалкоо, семиз, олдоксон По өжөрлүгү менен кунг-фунун сырларын үйрөнүп, кыялын орундатат. Себеби, По эч ким билбеген сырдуу күчкө ээ...
“Миң уккандан бир көргөн жакшы” дегендей, дүйнөлүк премьераны көрүүгө сиз да шашылыңыз.

“DREAM WORKS” ДЕМЕЙДЕГИДЕЙ ИЙГИЛИК ЧОКУСУНДА
“Кунг-фу панда” 2003-жылдын күз мезгилинде тартыла баштап, 2008-жылдын жазында аяктаган. Бул төрт жарым жылды тартуучу топ саатка айландырып тамаша катары: “Бир панданын окуясын тартуу үчүн 38 380 саат короттук”,- деп айтышат.
Сүрөтчү, компьютердик дизайнер, айдоочу, кофе тараткыч сыяктуу эң керектүү иштерди аткарган адамдарды кошкондо мультфильм үстүндө баш-аягы 948 адам иштеген.
«Кунг-фу панданы» тарткан анимациялык бөлүмдүн курамына АКШ, Канада, Франция, Италия, Испания, Ирландия, Англия, Мексика, Жапония, Швеция, Бельгия жана Израилден келген адистер бар эле.
“Мадагаскар”, “Арстан хан”, “Шрек” мультфильмдерине ыр жазган композиторлор Ханс Циммер менен Жон Пауэлл бул жолу да “Dream Works” студиясынын ишеничин акташты.
Тасманын дүйнөлүк бет ачары 2008-жылы 15- майда «Канн» Эл аралык кинофестивалынын сынактан тышкаркы программасында болуп өткөн.

АНИМАТОРЛОРДУН ЭМГЕГИ
“Dream Works” студиясы адаттагыдай сапаттуу мультфильм жаратты. Аниматорлордун тобунда 25 негизги жана 37 жардамчы болуп 62 адам эмгектенген. Мультфильмдеги ар бир каармандын кыймыл-аракетин туура тартып, кунг-фу өнөрүнүн эрежелерин туура көрсөтүш үчүн аниматорлор кытай тарыхы менен бирге тай-цзы жана кунг-фу сабактарын да үйрө­нүшкөн.
Күнүнө 20 сааттан тынбай иштеген аниматорлор арасында өзүнчө салттар пайда болгон. Мисалы, бир кадр тартылып бүткөн сайын (ар бир кадрды тартууга 10-16 саат кетчү) аниматорго печенье алып келип беришээр эле. Ал эми күн сайын кезиккенде сүрөтчүлөр мультфильмдеги каармандар сыяктуу бири-бирине кунг-фуча ийилип салам беришкен. “Кунг-фу панданы” тарткан аниматорлордун эмгегин баалоо, бул жумуштун кандай кылдаттык менен аткарылганын түшүнүү үчүн төмөнкү деталдарга көңүл бөлүү зарыл:

  • Жабыркаган Пону айыктырам деп Жаачы анын далысына ийне сайып берет. Бул эпизоддо аниматорлор эринбестен 133 даана ийне тартышкан.
  • Нефрит сарайы 88100 түрдүү бөлүктөн турат.
  • Сүрөтчүлөр турнага 6019 канат, жыланга 120 түрдүү түс тартып беришкен.
  • Түрмөдөн качып бараткан эпизоддо Тай- Лунгга туура 1500 жаа атылган.
  • По менен анын жаңы достору тамак жеп жаткан көрүнүштө ар биринин идишинде 64төн макарон бар экенин байкаса болот.
  • Ажыдаардын жоокерин тандоо аземинде аянтта 2306 көрүүчү отурат.
  • Аркан көпүрөдөгү согушууда көпүрөнүн 370 тактайчасынын 174ү сынганын да аниматорлор эсепке алышкан.
  • Акылман Угвейдин кайып болгон эпизоддунда 37517 шабдаалы жалбырагы тартылган.
    Дагы бир кызыктуу маалымат катары аниматорлордун бири Ник Павловдун башынан өткөн окуясы айтылат. Ал жумушуна ушунча берилгенинен 27 күн катары менен үйүнө барбай иштеген да, сакалы өсүп кеткенден сырткары сүйгөн кызы менен да урушуп кеткен экен.

ЖЫЛДЫЗДАР КАТЫШКАН МУЛЬТФИЛЬМ
“Кунг-фу панданын” жаралышына чоң салымын кошкон атактуу актёрлордун атын атап өтпөсө болбойт.Башкаарман Понун үнүн коштогон актёр Жек Блэк дубляж учурунда туруп иштөөнү туура көрчү. Себеби, ал панданын ар бир кыймыл-аракетин кайталаганга аракет кылчу. Мындай учурда актёр кыймылдары менен үнүн шайкеш келтире алган.
Азыркы тапта “Өзгөчө кооптуу” тасмасы менен алектенип жаткан белгилүү Голливуд актрисасы Анжелина Жоли мультфильмде Жолборстун үнүн коштогон. Анжелинага өзүнүн каарманы ушунчалык жагып калгандыктан, актриса далысына жолборстун татуировкасын тарттырып алган экен.
Дүйнө жүзүнө атагы чыккан актёр Жеки Чан үчүн “Кунг-фу панда” – алгачкы анимациялык долбоор эмес. Мурда актёр мушташ, драма, фантастикалык фильмдеринен сырткары балдар үчүн арналган “Жеки Чан” аттуу анимациялык сериал чыгарган эле. Жашоодо да кунг-фу устаты болгон Жеки Чан мультфильмде Маймылдын үнүн коштогон.
Тай-Лунгдун жаш чагын режиссёр Марк Осборндун алты жашар уулу кичинекей Райли ойногон. Актёр Жек Блэктин аялы да күн сайын дубляжга келип жатып бир ролду аткарганга жетишип калган. Ал – Понун түшүндөгү официант коёндун ролу.
Бизде мультфильмдин орусча варианты көрсөтүлүп жатат. Мында атактуу КВНчи жана “Наша Раша” көрсөтүүсүндөгү кайталангыс образдарды жараткан Михаил Галустяндын эмгеги зор. Чоң пандага окшобосо да үнү менен образды жеткире алгандыгы менен Галустян талантын дагы бир жолу тастыктап берди.
Орусиядагы белгилүү «Мумий Тролль» рок-тобу жана анын солисти Илья Лагутенко мульт­фильмдин орусча варианты үчүн «Кунг-фу устаттары» деген ыр жаздырган. Бул ыр Лос-Анжелесте жаздырылып, ага дароо клип тартылган. Ал эми Лагутенко өзү мультфильмде Маймылды сүйлөткөн.

СУНУШТАЙБЫЗ!
Эгерде “күлкү өмүрдү узартат” деген сөз чын болсо, анда 90 мүнөттүк “Кунг-фу панданы” көрүүдөн калбаңыз. Сюжет, идея, дубляж, саундтрек, айтор, бардык жагынан төп келген бул мультфильмди көрсөңүз өкүнбөйсүз.
«Шрэк», «Рататуй», «Мергенчилик мезгил», “Мадагаскар”, “Колуктунун өлүгү» сыяктуу долбоорлор жарык көргөндөн баштап мультфильмдер кичинекей балдарга гана эмес, улуу муунга да арналган жанр экени белгилүү болду. Сиз мультфильм сүйүүчүлөрдүн катарына кирсеңиз, анда коллекцияңыз дагы бир жаңы анимациялык окуя менен толукталаары анык.

Бетти даярдаган Бегайым Мусакеева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
05.08.2009. 07:58 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Men bul mul'tfil'mdi murun ele korgom, je bul stat'ya murun ele jazylganby? Anan suranych, kaisy kunu jazylgan datasyn jazyp koigulachy. Rahmat
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: