Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

УУЛУМДУН ЫҢААЛАГАНЫ АЗЫР ДА КУЛАГЫМА ЖАҢЫРАТ

№190 23-29-июнь, 2006-ж.


Акчанын азабы,каргашалуу жарнама

... Атам кичине кезимде эле каза болуп калган. Мектепти бүткөнүмдө апам байкуш мени окуп алсын деп колунда бар малын сатып акча кылып, окууга жөнөттү. Эл катары борборго келдим. Менден кийин да оозун ачкан балапандай бөбөктөрүм бар эле. Бюджет жагына өтө албай калып, көзүмдү жумуп келишим бөлүмүнө өтүп алдым. Апама болгон ишти баяндап кат жазсам, “Болуптур, балам, келишим болсо деле окуп ал. Адам болсоң эле болду” деп жооп жазып жиберген экен. Ошентип, окуп калдым. Бирок, бир жылдан кийин баягы келишимдеги акча кекиртегиме сайылган кылкан болуп туруп алды. Күндүз окуп, түнкүсүн иштеп да жаттым. Бирок, келишимдеги акчаны төлөгөнгө баары бир деле жетпейт. Айылга апама айтып жиберсем “Жалгыз уйду базарга койдум. Өтүп кетсе эле берип жиберем” деп жазган экен. Балдарын ошол жалгыз уйдун сүтүн сатып багып жаткан апам байкуш эмне кылат? Катты алгандан кийин шалдайып отуруп калдым. Көзүм жанымда жаткан гезитке урунду. Кыздардын бирөө алып келип таштап койгон окшойт. Колума алып максатсыз барактай кеттим. Жарнамалардын арасында ”Жогорку маяналуу жумуш берилет” деген жарыяга көзүм түштү. Эмне деген жумуш берилээрин деле ойлонбой ошол замат ордуман турдум да, ылдыйга телефон чалганга бет алдым. Келишимге төлөөчү акчаны ойлоп, көзүм караңгылап туюктан жол таба албай турганда эч нерсени деле ойлой албай калдым окшойт. Телефондон орто жашап калган аялдын үнү угулду. Эртеси менин жатаканамдан алысыраак жерден жолугууга убадалашып дароо эле телефонду коюп койду. Билбейм, эртеси канчалык каалабай турсам да, мени белгисиз күч ошол жакка алып барды. Болжошкон жерде “Жип” машинасы турган экен. Келчү адамдын жолун акмалап турсам ал машинадагы аял: “Гүлнара деген сенсиңби?” деп кайрылып калды. Мен башымды ийкедим да. ишенимсиз кадам таштадым.

«Сен бизге төрөп бер»

Түшөөрүм менен эле алдыңкы орундукта отурган айдоочусу чыгып кетти. Тигил сулуу аял колунда бар “современный леди” экени дароо эле көзгө урунду. Мага сынаңкы көз жүгүртө карап алды да, чоо-жайымды сурап кирди. Мен окуума акча таба албай жатканымды айттым.
Аял мени карап турду да сөзүн шарт баштады:
– Сиңдим, айылдан келген экенсиң. Абалыңды түшүнүп турам. Эгерде айтканыма көнсөң, сенин түшүңө кирбей турган бай болосуң. Кийээриңе кийим, үстүңдө үй, алдыңда машина болот. Бирок, бир гана менин сунушума көнүшүң керек,- деп мени жадырай карап колумду назик кысып койду.
– Ал кандай сунуш, эже?
Мен алдымда турган аялдын мээримине негедир боор толгоп кеттим.
– Мен... Мен төрөбөс аялмын. Бирок, колумда баары бар. Күйөөм менсиз, мен күйөөмсүз жашай албайбыз. Бир гана баласыздыгыбыз болбосо бактылуу адамдарбыз. Көп жыл болду. Дарыланып көрсөм да боюмда болбоду. Мен күйөөм Аликтен балалуу болгум келет. Өзүм төрөй албасам да...
Аял ушул жерге келгенде өңү өзгөрүлө түштү. Мен дагы эле менден эмне талап кылып жатканын түшүнбөй ал аялдын жүзүнө арбала тура бердим.
– Менин сунушум... Сен... бизге төрөп бер.
– ...
– Ошент, сиңдим. Сен биздин акыркы үмүтүбүзсүң. Эгерде баланы төрөп берип бизге таштап кетсең, жана айткандай, сенде баары болот. Сен жаш экенсиң, сулуу экенсиң. Эртең эле башкага турмушка чыгып төрөп аласың.
Аял колумду кармаган бойдон жанталашып шыбырап жатты. Бул сөздөрдү укканда төбөмдөн кимдир бирөө суу куюп жибергендей ичиркене түштүм.
– Жок, эже, мен анте албайм. Кереги жок мага эч нерсенин,- дедим да колумду тартып алып машинадан түшүп чуркап жөнөдүм. Артыман жоо кубалап келе жаткандай жатаканага киргенде гана эсиме келдим.

ххх

– Жанкараева, сени деканатка...- деген старостабыздын үнүнөн улам селт чочуй түштүм. Ал жакта эмне сөз болоорун билдим да, шалдырай деканатты көздөй бастым. ”Ушул айдын аягына чейин төлөбөсөң болбойт. Сен жакшы окуганыңа да карашпайт” деген эжейибиздин сөзүнөн не кылаарымды билбей башым катты. Ошол күнү кайрадан айтылуу телефонго чалдым. Телефон автоматка барып эженин тааныш үнү угулганда “Эже, мен баарына макулмун” дедим. Ал дагы мени дароо тааныды.
– Кайдасың, азыр барам...
Эжеге дарегимди айтып, трубканы коюп эле буркурап ыйлап жибердим. Ошол маалда дагы эчен ирет көз жашым төгүлөөрүн билбеген элем.

Сатылган дене, кыйнаган абийир

Ошентип, макул болдум. Эже күйөө­сү Алик менен тааныштырганда ал титиреп турган мага бир карап алып көзүн буруп кетти. Калган окуя мен үчүн жаман түш көрүп жаткандай эле сезиле берди. Ошол күндөн тартып ар кандай врачтардын текшерүүсүнөн өтүп жаттым. “Баары жайында, денсоолугу таза” деген сөздү уккан сайын эженин көздө­рү кубанычтан сүзүлө калып жатты. Көрсө, болочок наристенин денсоолугуна кам көрүп жатышкан экен. Аялынын буйругун эч кыйшаюусуз аткарган байке мени бир күнү “эс алдырганы” алып чыгып кетти. Мейманкананын биринде мен ал адамдын тепсендисинде калдым.
Ооба, чоочун адамдын колу тие элек гүлдөй денемди каалашынча уйпалап жатты. Эч сезимсиз, эч жылуулугу жок, куду жансыз адамдай олдоксон кыймылдаган Алик байкенин кучагында жатканда өзүмдү тирүүнүн өлүгү катары сездим...
Боюмда болгондон тартып эже көзүм­дүн агы менен тең айланып жатты.
– Эмне жейсиң, эмне ичесиң, кайсыны алып келип берейин. Гуля, эшикке көп чыкпа үшүп каласың,- деп үстүмө үйрүлүп турат. Боюмда болгондон тартып алар мени өз үйүнө чыгарып алган эле.
Алтургай, колун менин билинип калган ичиме коюп, көзүн жумуп рахаттана калып ичтеги баланын кыймылдаганын сезгенде кубангандан колун чаап жиберет. Айтор, баланын энеси мен эмес эле ал сыяктуу кубанып жүрдү. Ичимден сызган менин дартымды эч ким байкаган жок. Анткени, ичимдеги бала чоңойгон сайын жаным кыйналып, эч кимге наристемдин колун карматкым келбей кызганып баштадым. Түшүмө кичинекей колдорун, буттарын тарбаңдаткан бала кирип күндө түшүмдөн умсунуп ойгончу болдум. Кабагым кирдеп калганын сезээри менен эже мени дүкөндөргө же киного ээрчитип көңүлүмдү көтөргөн­гө аракет кылат. Бирок, менин адамдык, энелик абийирим кыйнап жатканын эч капарына албады.

Көз жаш жана айрылуу

Мен үчүн тозокко айланган тогуз ай аяктап, баланын жарыкка келчү күнү жакындай баштады. Толгоом кармап калган күнү дароо эле төрөтканага алып жөнөштү. Жанымды кыйнаган төрөттүн азабынан да азыр наристемди колуман жулуп кетишээрин ойлогонумда тура калып көз көргүс, кулак уккус жакка качып жоголгум келип турду. Бирок...
Аман эсен уул төрөдүм. Баланын кинди­гин кесип, ороп-чулгап жатышат. Кубаныч көз жашы менен кошо айрылуунун азабы көөдөнүмдү тилип балама алсыз кол создум. Кичинекейим менин! Колдору, буттары тырмаңдап бакырып жатат! Көз жашыма какап-чакап врачка жалындым.
– Эже, бир эмизип алайынчы. Алып кетпеңизчи, суранам сизден.
Анткени, баланы эмиздирбей туруп алып кетебиз деп сөз берип жатканын уккан элем. Врачтын насили аял эмеспи, аяп кетти окшойт “мейли” дегендей баш ийкеп алып чыгып кетти. Медсестра баламды колума берди. Акыркы жана биринчи жолу эмизип жаттым. Ошол учурда бул дүйнөнү да, акчаны да, турмушту да алымдын жетишинче каргап жаттым. Баламдын жүзүн карап өзүмө окшош жагын издеп жаттым. Таптым! Оң жак мойнунда дал меникине окшогон калы бар экен. Наристем тойгон соң, эч капарсыз болпоюп уктап калды.
Эртең менен турсам жанымда жаткан кичинекей керебеттеги балам жок. Ордунда пакет жана бир барак кагаз жаткан экен. Калтырап араң басып барып кагазды колума алдым. Пакетте акча, менин документтерим, дагы бир кагаз бар экен. Катты ачып окуй баштадым. “Сиңдим, рахмат сага. Бактылуу бол. Эми бизди издебе! Издесең да таппайсың. Анткени, биз башка жакка көчүп кеттик. Сүйлөшүлгөндөй үй сатып алып сенин наамыңа каттатып койдук. Ал эми окууңа болсо баары төлөндү. Биз сага ыраазыбыз, сен дагы ыраазы бол! Эжең.” Колумдагы катты уучтай отуруп калдым. Тунарган көзүмө баламдын жалаягы көрүндү. Атайлап таштап кеткенби же көтөрүп бара жатканда түшүп калганбы билбейм. Колума алып жыттадым да, солуктай ыйлай бердим. “Кечир, уулум, кечир мени” деп өксүп жаттым.
Азыр баары жайында. Окууну бүтүп, жакшы жумушка орношуп, апамды, бөбөктөрүмдү бул жакка көчүрүп келдим. Апамдын кубанычын сураба, бир гана ал кубаныч менин орду толгус жоготуумдун баасына келгенин эч бир жан сезбейт. Ар түнү наристемдин үнү кулагыма жаңырып жан-дүйнөмдү кыйнап келет. Уулумду бир көргөнгө зар экенимди, абийиримдин алдында күнөөлүү экенимди эч ким билбейт.

Даярдаган Нуржамал Жийдебаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
30.01.2013. 23:00 
Тайпасы:
Жаран
Комментарийлердин саны:
117
Катталган:
23-09-2012
Соӊку аракети:
25-09-2018 15:37
Жынысы:
Белгисиз
Калаасы:
каракол
0
жашоонду ........
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: