Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖЕССИКА АЛЬБА

№298 18-24-июль, 2008-ж.


Табигый сулуулук, көргөн жанды кош көңүл калтырбаган сексуалдуу келбет, керемет жылмаюу, сырдуу көз караш жалгыз Американы гана эмес, бүткүл дүйнөнү багынтты. Бул артыкчылыктарга ээ болгон актриса Жессика Альбаны тымызын сүйүшкөнүн биздин жигиттер да жашыра алышпайт. Голливуддун эң атактуу актрисасынын жанында боло албасаңыз да ал тууралуу маалымат алып, каниет кылыңыз...

БАКТЫСЫЗ БАЛАЛЫК
Жессика Мари Альба 1981-жылы 28-апрелде Калифорния штатындагы Помона шаарында төрөлгөн. Көп өтпөй Альбалардын үйбүлөсү Миссисипи штатына көчүп кетет. Жессиканын атасы мексикалык, апасында француз каны болгондуктан, эл аларды «куураган эмигранттар» деп жаман көрө турган. Бул себептүү ата-энеси оңдуураак жумушка орношо алышпаса, Жессиканы болсо мектепте дайыма чычалата беришчү. Эптеп акча табуу үчүн ата-энеси эки-үч жерде кара жумушта иштешкен. Атасы бир топ убакыттан соң эптеп Аскердик аба күчтөрүнө жумушка орношуп, анын кызматына байланыштуу Жессика 9 жашка чыккычакты үйбүлө шаардан-шаарга көчүп жүрө беришкен. Жессиканын үйбү­лөсүндө жогорку билимге ээ жалгыз киши таятасы болгондуктан, ал Жесстин татыктуу тарбия алып, мектепте жакшы окуусуна себепчи болот. Атасы менен апасы достору менен шаңдуу кечелерди өткөрүп көңүл ачып жүрүшсө, Жессика дайыма чиркөөгө барып, Кудайга сыйынып турчу. Болочок жылдыз ошол кезде эле өзүн «башкалардан өзгө­чө­мүн» деп ойлоп, дайыма өз оюн гана туура деп эсептечү. Жесс сологой болгондуктан, мугалимдеринин дайыма оң кол менен жаздыртууга кылган аракеттерине жини кайнап, аларды кеңкелес катары саначу.

АКТРИСА БОЛУУ
Антсе да ошондой кыйынчылык турмушка карабай кичинекей кыялкеч Жесс 5 жашында эле «актриса болом» деп чечкен. 12 жашка чыкканында актёрдук курстарга барып, бир жылдан соң “Адашкан лагерь” фильминдеги биринчи ролуна ээ болгон. Алгач Жессти жөн гана массовкага кошуп тартып жатышкан. Башкы ролду ойноочу кыз кокусунан ооруп калганда Жессти таланттуу болгону үчүн эмес, чачынын өңү башкаармандыкына окшош болгондугу үчүн гана бул ролго тандап алышкан. Кинокарьерасын аябай эрте баштап алган кичинекей актриса бул кесиптин балалык кыялында элестеткендей жеңил эместигине көзү жетет. “Бай жана атактуу адамдардын катарына кошуучу жалгыз жол ушул” деп ишин таштаган эмес. Мектептен келген соң курбуларындай болуп көңүл ачуунун ордуна үй тапшырмаларын даярдап, андан кийин 10 барактан сценарий жаттачу.

АКЖОЛТОЙ КЫРСЫК
Жесс 14 жашында күтүүсүз кырсыкка кабылат. Аны “Флиппер” сериалына тартылып жаткан убагында уурдап кетишкен. Жесстин ата-энеси киши уурдоочулар талап кылган чоң өлчөмдөгү акчаны төлөп бере алышкан эмес. Бактыга жараша, кызды кокусунан эле машинанын арткы жүк салган жеринен таап алышкан. Ал эми кылмышкерлер болсо ошол боюнча дайынсыз бойдон калган. Жесс табылгандан соң бул кылмыш гезиттерге жарыяланып, кызга болгон көңүл буруулар көбөйөт. Натыйжада, актриса “Беверли-Хилз, 90210” сериалына тартылат. Көп өтпөй эле Жеймс Камерондон “Кара периште” тасмасына тартылуу сунушу түшөт. Бул тасмалардан соң Жесс эл оозуна алына баштайт да, 2001-жылы ал “Эң ысык 100 кыз” тизмесинде биринчиликке ээ болот. Учурда Жесс АКШдагы эң сексуалдуу делген айымдардын катарынан түшпөй келет.

ПЕРИНИН ЖЕКЕ ТУРМУШУ
Ар кайсы улуттун каны Жессиканын ажарына оң таасир этсе керек. Анткени, ал дайыма келишимдүү жигиттердин курчоосунда. 2005-жылы “Фантастикалуу төртилик” аттуу тасмага тартылып жатканда Жессика кинопродюсер Кэш Уоррен менен таанышып калат. Экөөнүн мамилеси акырындык менен өнүгүп отуруп 2008-жылдын май айында баш кошууларына алып келген. Июнь айынын онунда бактылуу жубайлар кыздуу болушту. Кызы Онор Мэри – Жессика үчүн көптөн бери кыялданып күткөн бакыт. Башка жылдыздарга окшоп наристесинин сүрөтүн журналдарга көрсөтүп акча табуу идеясын Жессика колдобойт.

ЖЕССИКА ӨЗҮ ЖӨНҮНДӨ СҮЙЛӨЙТ
“Дайыма элдин көңүл борборунда болуунун жакшы жактары болгону менен бул нерсе да тажатпай койбойт. Айрыкча ресторандарга барганда официанттар болбогон шылтоолор менен кайра-кайра келе беришет. Ашпозчулардын ашканадан чыга калышып, «тамак жактыбы?» демиш болуп көкүрөгүмдү, жамбашымды теше тиктегендеричи?! Дүкөн кыдырсам андан бетер кыжырды кайнатышат. Бирок, эми менин башка жолум жок да… Актриса болуп эле жүрө бербей такшалып отуруп бир күнү режиссёрдук орундукта отуруу тууралуу кыялданам. Эмнегедир мага жалаң гана жеңил ойлуу каармандарды сунуштай беришет. А мен болсо чыныгы сезимдерди чагылдырган ролдорду аткаргым келет. Сыр айтайынбы? Стриптиз бийчисинин ролун аткарганда мен хореограф жалдабастан, стрип-барларга барып, бийлеген кыздарды астыртан карап отуруп үйрөнгөм... Баса, тасмаларда мен аябай тыкан, чапчаң кыздын ролун аткарсам, жашоодо аябай жүдөмүш­мүн. Чалынып, жыгылып эле жүрөм. Ал гана эмес, бир жолу машинама отуруп жатып башымдын сыртта экенин ойлобой эле эшигин тарс жаап, башымды кыпчып алгам...”

АКТРИСА ТУУРАЛУУ КЫЗЫКТУУ МААЛЫМАТТАР

  • «Жессика» деген аттын мааниси – «Кудайдын көркөмдүгү» дегенди билдирет.
  • Кичинекейинде Жесс астма оорусу менен ооруган.
  • Балачагында «Жөргөмүш киши» актрисанын суперкаарманы болчу.
  • Жесс моюнуна гүл түрүндө татуировка тарттырган. Дал ушундай тату анын апасында, таенесинде да бар.
  • Актриса Тимбалэнд менен Мисс Элиоттун ырларын угууну жактырат.
  • Жакшы көргөн түсү – кызгылт көк, жакшы көргөн күнү – аптанын жумасы.
  • Алгачкы жолу 7 жашында өбүшкөн. Ал эми 13кө чыкканда жигит күтө баштап, аны менен 3 жыл сүйлөшкөн. Кыздык абийиринен 18 жашында айрылган.
  • Кыжаалат болгондо чачын манжаларына орогулай берет. Муну өзүнүн кемчилиги катары эсептейт.
  • Бут кийим дүкөнүнүн жанынан кыя өтө албаганы үчүн үйү толо бут кийим.
  • Бою – 169 см, салмагы – 55 килограмм, мүчө-келбетинин өлчөмү – 86-63-91.
  • «Dolce&Gabbana`дан» кийинет.
  • Мотоцикл айдаганды билет жана мушташта өзүн коргой алат.
  • 13 жашында эле жеке киноагенти бар болчу.
  • Дельфиндерди аябай жакшы көргөн­дүктөн, аларды көрүү үчүн ар аптанын соңунда океанариумга барат.
  • Жессика 2001-жылдан тарта «L`Oreal» фирмасынын жүзү болуп саналат.
  • MTV каналына өзгөчө фотосессия берүү үчүн маймыл менен өбүшкөн.

Даярдаган Махабат Догдурбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: