Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КЫЛМЫШКА ЖЕТЕЛЕГЕН АКЧА АЗГЫРЫГЫ

№298 18-24-июль, 2008-ж.


"...Атам машина сатып алганы автобазарга кеткен боюнча кайрылып келген жок. Уюлдук телефонуна чалсак, алгач эч ким жооп бербей жаткан. Эми таптакыр өчүрүлүп калды..."
Мындай арызды милицияга 17 жаштагы жигит алып келди. Бөлүмдө дайынсыз кеткен жарандын аты-жөнү, өзгөчө белгилери такталып жаткан чакта бөлөк райондон адамдын сөөгү табылды. Маркумдун баш сөөгү быркырай талкаланып кеткенден улам көз жумганы маалым болду.

ДАЙЫНСЫЗ ЖОГОЛДУ
– Саламатсыздарбы. Арыздарды ким кабыл алат?
Таң эрте милиция бөлүмүнө келип арыз тапшырмакчы болгон жигитти күзөттөгү кызматкерлер керектүү кабинетке киргизип коюшту. Жигиттин таң эрте келишинин да себеби бар экен. Атасы "автобазардан машина сатып алам" деп чыгып кеткен боюнча кайрылып келбептир. Баланын кебин бөлбөй угуп отурган кылмыш иликтөөчү эми суроолорду бере баштады:
– Атаңдын жанында акча бар беле?
– Ооба, алты миң доллар акчасы бар болчу. Экөөбүз чогуу санаганбыз. "Жип" алам. Бул акчаны алдын-ала кепилдик катары берсем, калганын шаарга, нотариуска барган жерден берем",- деп кеткен болчу.
– Жанында кайсы документтери бар экенин билет белең?
– Паспорту, айдоочулук күбөлүгү, техпаспорту машинасындагы кичинекей сумкасында жүрөр эле.
– Телефону кайсы маалда жооп бербей калды?
– Атам жумушу көп адам. Үйгө көпчүлүк учурда түн ортосунда келет. Бул күнү мен жумуштарым чыгып, кечки саат бештерде чалып калдым. Телефонуна жооп берген жок. «Бош эмес окшойт» деп он мү­нөттөн соң кайра чалдым. Жооп жок. Эки сааттан кийин чалсам да жооп болбоду. Үйдөгүлөр болуп түнү бою күттүк. Келген жок. Телефонуна кайра-кайра чалып жаттык. Бир маалда аппараты өчүрүлүп калды. Ошондон баштап "бир жамандык болдубу" деп тынчсыздана баштадык.
– Машинаны ошол күнү тандамак беле же мурун көрүп келген беле?
– Айтымында, мурун көрүп келген. Ошол күнү эртең менен: "Мен жакшы "Жип" көрүп келдим. Аны бүгүн алып, сага мен минип жүргөн машинаны берем",- деп айтып кеткен.
Мындай сүйлөшүүдөн соң дайынсыз кеткен ал киши изделүүдө жүргөндөр­дүн тизмесине кошулуп, кайда жүргөн­дүгүн аныктоо боюнча иштер башталды.

ТООДОН ТАБЫЛГАН СӨӨК
– Саламатсызбы, райондук милициянын күзөт бөлүмү угуп жатат.
– Тоодо бир кишинин сөөгү жатат. Ошону айтып коёлу деп чалып жаттык эле.
– Кайсыл тоодо? Дарегиңерди тактап айткыла.
Шашылыш чогулган опертоп телефон чалган адам айткан тарапка заматта жетип барышты. Жанагы телефон чалган киши эки шериги менен маркумдун сөөгүн алыстан кайтарып турушуптур. Айтымдарында, тоого көңүл ачууга чыгышкан экен. Кокусунан адамдын сөөгүн көрүп калып, милицияга кабарлашыптыр. Маркумдун башын оор буюм менен жара чабышканбы, айтор, баш сөөгү быркырап сынып кеткен. Опертоптун жигиттеринин бири күбөлөр менен сүйлөшүүнү баштаса, экинчиси сөөк табылган жерди текшерип, калгандары маркумдун денесин целлофанга ороп киришти.
– Шаардагы төрт районго байланышып, тоодон сөөк табылгандыгын кабарлагыла. Кылмышкерлер аны шаардын ичинде өлтүрүп, анан сөөгүн тоого алып барып ташташы мүмкүн. Дайынсыз кеткендердин тизмесин жакшылап карап чыккыла!
Кабинетке кирген опертоптун жетекчиси жигиттерге тапшырма берип, анан сотмедэкспертизанын кызматкери менен сүйлөшүүгө отурду. Маркумдун эмнеден улам каза тапканын сотмедэкспертиза бир аптада, ашып кетсе, бир айда тактап чыгат. Бирок, айрым маалыматтарды алдын-ала деле айта алышат.
– Шеф, эки РИИБден жооп келди. Сыягы, маркумду жакындары издетип жатышкан көрүнөт. Мына, мобу аныктаманы карасаңыз.
Эксперт менен сүйлөшүп жаткан бөлүм башчынын кебин бузуп, кабинетине кылмыш иликтөөчүлөрдүн бири кирип келди.
– Берчи?!. М-мм... Да-аа... Окшошот экен. Тезинен аларга чал. Сөөктү таанууга жакындарын алып келишсин.
– Жарайт.
Көп өтпөй сөөктү көрүүгө кошуна РИИБдин эки оперкызматкери, дайынсыз кеткен кишинин уулу менен жубайы келишти. Сөөктүн бети карарып, шишип күндө калгандыктан, бузулуп кеткен эле. Бирок, колунун манжаларындагы жазуу даана көрүнүп турган. Маркумдун аялы ал жазууларды көрөөрү менен буркурап, ыйлап жатып калды.

"ЭКИ ЖИГИТТИ ЭЭРЧИП КЕТКЕН"
Эки райондун кылмыш иликтөө­чүлөрү биргеликте бул ишти бир ай иликтешти. Маркум дайынсыз жоголгон күнү чын эле автобазарга барган экен. Аны көргөн күбөлөр да табылды. Алардын бири: "37 миң долларга "Жип" сатып алмакчы болуп турган эле. Бирок, эки жигит аны айнытып, "мындай машинаны 33 миңге таап беребиз" деп алып кетишкенин билем. Калганын билбейм ",- деп көрсөтмө берди.
Соттук-медициналык экспертизанын билдирүүсүнө караганда, маркум муунтулуп, башына кырдуу оор буюм тийгенинен улам каза тапкан. Ал эми МАИ кызматкерлери маркумга тиешелүү машинаны түштүктөгү шаарлардын бириндеги унаа токтотуучу жайдан табышты. Күзөтчүлөр машинаны Кайрат аттуу жигит калтырып кеткенинен башка эч нерсе айта алышпады. Кайрат аттуу белгисиз жигитти издеген милиция кызматкерлери кичинекей кыштактан таап, кармап келишти.
Башында эч нерсеге түшүнбөй жаткандай түр көрсөткөн жигит жакшылап кысымга алынган соң кылмыш илик­төөчүлөрдүн суроолоруна жооп бере баштады.
– Машинаны кайдан алдың эле?
– Аа, аны... Досторум суранышканынан алпарып койгом.
– Кайсы досторуң? Аты-жөндөрү...
– Байке, бул машинаны кайдан алып келишкенин билбейм. "Биз бошой албай жатабыз" деп суранышканынан гана айдап барып токтотуп кеткем.
Кайрат көп маалыматтарды айтып берди. Машинаны түштүк­тө­гү шаарга анын классташы Керим менен Зарыл аттуу жигит чогуу айдап барып: "Казакстанга баратабыз. Машинаны жок дегенде үч айча бир жерге токтото туруу керек. Ылайыктуу жай таап бер",- деп сурангандарын айтып берди. Бул сүйлөшүү­дөн соң түнкүсүн казак-кыргыз чегара күзөт постуна чыккан оперкызматкерлер түн жамына чет жерге жөнөгөн Керим менен Зарылды кармап келишти. Текшере келгенде биринин жол сумкасынан ырлар жазылган дисктер табылды. Маркумдун уулу атасына өзү тандап жаздырып берген дисктерди жакшы таанычу. Криминалисттер да дискте маркумдун бармак издери сакталып калгандыгын аныкташты. Актанууга амалдары жок калган эки жигит маркумду кантип өлтүргөндөрүн айтып беришти.
Оңой акча таба коймокчу болгон алар автобазарды айлана кардарларды акмалап жүрүп акыры "Жип" алмакчы болуп турган кишини бутага алышкан экен. Колуна салынган кишенди кармалай башын шылкыйтып отурган Керим: "Ал кишинин жанына барып алгач баракча сундум. Баракчада Араб Эмираттарынан арзан баада машина алып келип сатып жаткан фирманын жарыясы бар эле. Аны компьютерди жакшы билген таанышыбызга жасатып алганбыз. Баракчаны окуп кызыгып калган ал кишиге: "Шаарда автосалон ачканбыз. Барып көргүлө",- деп алдап ээрчитип кеттик. Алдыңкы орунга мен, артка Зарыл отурду. Шаарга бир аз жетпей ээн жолдо Зарыл анын моюнуна чынжыр илип, муунтуп калды. Мен болсо домкрат менен башына чаап калдым. Сөөгүн тоо тарапка алпарып, ээн жерге таштап салдык. «Кылмыштын изи суугуча машинаны алыска алып барып коё туралы» деп ойлоп, түштүктөгү мен туулган шаарга айдап барып таштаган элек",- деп көрсөтмө берди.
Бешиктен бели чыга элек жатып мындай оор кылмыш ишине барган Керим менен Зарыл ар бири он жылдан эркинен ажыратылып, күчөтүлгөн тартиптеги абакка жөнөтүлдү. Маркумдун машинасы менен табылган өздүк буюмдары анын үйбүлөсүнө кайтарылып берилди.

Даярдаган Шаиста Шатманова. Сүрөтчү Ренат Мамытбеков



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: