Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«БАСЫП КЕТСЕМ, АНАН ЫРЧЫ БОЛСОМ ДЕП ТИЛЕЙМ»

№298 18-24-июль, 2008-ж.


Биздин бүгүнкү каарманыбыз Арапбек Ниязов 1994-жылы Лейлекте төрөлгөн. Арапбек – Исакбай ага менен Ниязов Шарапат эженин тун перзенти. Асылган оорунун айынан учурда Арапбектин заарасы токтобой, 14 жашка чыкса да азыркыга чейин "памперс" киет. Мындан тышкары, бутунан баса албай бир жаштагы баладай көчүгү менен жылып отуруп керектүү жерине жетет. Баласын карап үйүндө отурган Арапбектин апасы Шарапат эже менен маектешкенибизде, уулу тууралуу бизге төмөндөгүлөрдү айтып берди...

БЕЛ ОМУРТКАДАГЫ ШИШИК
– Арапбек төрөлгөндө эле бел омурткасында кичинекей шишик менен төрөлгөн. Алгач ага атасы экөөбүз көңүл деле бурган эмеспиз. Бирок, күн өткөн сайын шишик чоңойгондон чоңоё берди. Жаткырганда көрүнмөк түгүл, билинбей калат. Баланы колго алганыбызда кайра «булк» этип чыга калат. Балама беш ай болгондо ал шишиктин чоңдугу муштумдай болду. Ошондо Лейлектин дарыгерлери Бишкекке барып көрүнү­шүбүзгө жолдомо берди. Ошентип, бул жерден операция жолу менен шишик алынып салынды. Операцияга чейин балам болтойгон семиз бала эле. Андан кийин эле арыктап, бут сөөктөрү ичкерип, таманы ийрилип, башы чоңоё баштады. Исакбай экөөбүздүн оюбузга мындай болот деген нерсе таптакыр келген эмес. "Шишикти алып салсак эле Арапбек оорудан айыгып, убагында басып кетет" деп ойлоп жүрбөйбүзбү. Операция болгондон кийин баламдын туура эмес өсө баштаганынан да заарасы токтобой тамчылап агып калганы жаман болду.
– Эмнеден улам заарасы токтобой калды?
– Кичинекейинен тарта баламдын башы ооруканадан чыкпай калбадыбы. Ошондо дарыгерлердин бири: "Операция убагында бөй­рөк­­кө кеткен нервдер кесилип кеткен, ошондон заара токтобой калды",- деп айткан.
– Оорунун келип чыгышы эмнеден болгон экен?
– Эмнеден пайда болгонун дарыгерлер өздөрү билишпейби же атайын менден жашырып коюштубу, айтор, эмнеден улам ушундай болгонун да, оорунун диагнозун да айтышкан эмес. Менден "боюңузда болгондо ооруган жок белеңиз?" деп сурашканда, "ооруган эмесмин" дегем. Ошентип, операциядан кийин кайрадан Лейлекке кеттик. Жолдошум ал жакта трактор айдачу. Лейлекте жүргөндө баламдын тагдырын, келечегин ойлоп алып көрсөтүп да, көр­сөтпөй да ыйлап күн өткөр­чү­­мүн. «Балдар менен ойносо аң-сезими, кыймыл-аракети өсөбү?» деген ой менен балама чоң жынсы шымды кийгизип, багалегин бууп коём. Балдар менен бак ичинде томолонуп жүрө берет. Бирок, албетте, баламды жалгыз балдарга кошуп коё алчу эмесмин. Ээн-эркин ойносун деп үйгө кетимиш болуп алдыртан байкап отурам. Башка балдарга караганда зиректигин, дилгирлигин байкап алып огобетер маанайым чөгүп, ыйлап алчумун. 15-20 метр жумшак кездеме алып, памперс жасап коём. Аным тез эле сийдик болуп калат. Сыналгыдан памперстин жарнамасын көрүп алып, "Кудайым, мен да ушундай нерсеге жетсем экен" деп ыйлайм. Мага кошулуп атасы ыйлайт. Акыры балабыздын келечеги үчүн "эмнеси болсо да борбордо бололучу" деп Арапбек төрткө чыкканда Лейлектен Бишкекке көчүп келип, батирде жашап калдык. Жолдошум куруучу болуп ишке орношту. Баламдын буттары узарып өскөнү менен жоонойбой ичке бойдон кала берди. Түз да болбой ар кайсы жакка майрыйып өстү. Ошондо бизге гана эмес, чет элдик жарандардын да сообуна калып, аларды бастырып жаткан белгилүү дарыгер Сабырбек Жумабековго да көрүнгөнбүз. Ал киши «бир эле бутун балдактын жардамы менен баса турган кыла алам» деген эле. Сураштырсак, ага да бир топ каражат керек экен. Каражаттын тартыштыгынан ал дарыгерге да бара албай отурабыз.

БИЛИМГЕ УМТУЛУУ
– «Бешке чыкты» деп сүйүнгөнүбүз менен Арапбек бир жашар балача көчүгү менен жылып жүрдү. «Өзү баспаган майып болсо, анан сабатсыздыгы жоюлбай калса, балабыз кандай күнгө туш болот?» деп атасы экөө­бүз сарсанаа болобуз. Бирөөлөр­дүн кеңеши менен балабызды бактырыш үчүн эмес, сабатсыздыгын жоюу үчүн Белеводск шаарчасындагы майып балдар үйүнө бердик. Ал жерге алып баргандан кийин тарбиячылар бала көнгүчө менин эки ай келбей туруумду суранышты. Анткени, ага чейин бара берсем, балам «үйгө кетем» деп тарбиячыларды бушайманга салышы мүмкүн экен. Бир ай болгондо эле чыдабай барып алдым. Оорунун тийгизген таасириби, айтор, барсам, балам мени тааныбай: "Койчу, сен менин апамсыңбы?"- деп таңкалды. Ал жерден аны угуп алып шолоктоп ыйлаганымды сураба. Ошентип, Беловодск шаарчасында бир жыл окуду. Тамганы үйдөн эле мен өзүм үйрөткөн элем. Ал жактан орус тилин, анан шар окуганды үйрөндү. Эки жылдан бери Бишкектеги реаблитациялык борбордо билим алууда. Ал жакта балам жалаң "4" жана "5" деген бааларга окуп жатат. Баса, ал борбордогу мүмкүнчүлүгү чектелген балдарга элибиздин патриот уулдары ар кандай жардамдарды берип, жайкысын Көлгө эс алдырып келишет. Былтыр депутат Аскар Салымбеков Көлдө эс алууга шарт түзүп берген. Быйыл да баламды алып эки жума эс алып келдик. Баламды окууга, мечитке, концертке, кыскасы, кайсы жакка көңүлү тартпасын, ошол жакка алып барып үйдө отурам.

ТУБАСА ТАЛАНТ
– Балам майып болуп калганы менен тубаса таланттуу десем болот. Кичинекей кезинен эле жакшы ырдайт. Азыркы жаңы чыгып жаткан эстрада ырчыларынын баарын тааныйт. Ал гана эмес, кайсы ырчынын кандай ыры бар экенин жатка билет. Ырчылар көбүнчө "Супер-Инфо" гезитине чыгат эмеспи. Гезитке чыккан ар бир ырчынын макаласын кесип алып, үч жылдан бери чогултуп келатат. Ар апта сайын бул гезитти сатып барганыбыздан кийин «Арапбек кесип файлына салып алгыча окуп калалы» деп аңдып турабыз. Балам 6-7 жашка чыккандан тарта кайсы ырчы концерт бербесин, дайыма барабыз. "Менден 200 сомуңарды ая­ба­­гыла"- десе эле көзү­бүз­дү жашылдантып алып карыздап бол­­со да билет алып, такси жалдап жөнөп калабыз.
Бир жолу "Сейтек" балдар борборунда концерт көрүп отуруп кыргыз телевидениесинде балдар көрсөтүү­сүн даярдаган Салика эже менен таанышып калдык. Ал киши бизге Жаныбек Алыкуловдун "Куудул отурушуна" чакыруу билетин берди. Арапбекти коляскага отургузуп, таксиге салып алып бардык. "Жаныбек байкенин колун кармашым керек" деп жолдон гүл да алдыртып алган. Сүрдөгөнү­мдөн сахнага калтырап-титиреп жатып баламды көтөрүп чыктым. «Гүл берип кетип калат экенбиз» десем, Арапбек куудулдун колунан микрофонду тартып алып: "Талантыңыз мындан нары да өркүндөй берсин!"- деп сүйлөп жатпайбы! Анда Жаныбек байке: "Азыр апаң сени көтөрүп чыкса, эмкиде сен апаңды көтөрүп чык",- деп жакшы сөз айткан эле.
Учурда Арапбектен кийинки балам Ильязбек менен кызым Нуриса комуз үйрөнүп жатышат. Аларды көргөн Арапбек өзү эле дилгирленип, эч ким үйрөтпөсө деле комузду үйрөнүп, анын коштоосунда ырдап калды. Баламдын «келечекте белгилүү ырчы болсом» деген максаты бар.

Апасынын бизге айтып берип жаткандарын чөгүңкү маанай менен тыңшап отурган Арапбек менен да маектешкен элек.

– Окууларың кандай, Арапбек?
– Мен жаман окугум келбейт. Бизде каникул деген жок болгондуктан, азыр да окуп жатабыз. Бардык сабактарды «5ке» окуганга аракет кылам. Бирок, кээде "4" аралашып кетип жатат.
– Баарынан сага кайсы сабак жагат?
– Бардык сабактардан мага орус тили жагат. Андан дайыма "5" деген баа алам.
– Орус тилин кимден үйрөн­дүң эле?
– Беловодск шаарчасындагы балдар үйүндө жүргөндө үйрөнгөм. Мага орус тилинде сүйлөгөн абдан жагат. Мурда орус тили сабагынан кыргыз эжеке берчү. Азыр орус мугалим окутуп жатат.
– Мектепте дагы эмне кыласыңар?
– Буту баскан балдар футбол ойношот. Мен коляскада отуруп алып волейбол ойногонду жакшы көрөм.
– Досторуң барбы?
– Эң жакын досторум Аскат менен Айбек. Айбек 21 жашта, Аскат болсо 18де. Экөөнүн тең буттары баспайт, үчөөбүз реаблитациялык борбордо чогуу окуйбуз.
– Жакшы көргөн кызың барбы?
– Ооба, бар. Ал быйыл 6-классты аяктады. Аны менен майып таежесин коляска менен сүй­рөп жүр­гөн­үндө таанышкам. Азыр ал экөө­­­бүз жакшы дос­тор­донбуз.
– Келечекте ким болгуң келет?
– Келечекте бел­­ги­лүү ырчы болсом деген тилегим бар. Кичинекей кезимден эле ырдаганга кызыгам. Азыркы чыгып жаткан ырчылардын арасынан Ильяз Абдыразаков өзгөчө жагат. Анын бардык ырларын ырдайм.
– Бош убактыңды кантип өткөрө­сүң?
– Сабактан кел­генден кийин уктап эс алам. Анан комузда жаңы ырларды үйрөнөм, гезит окуйм, сериал көрөм.
– Мечитке барат экенсиң, ошон­до өзүңө Кудайдан эмне тилейсиң?
– Кудайдан «басып кетсем, ырчы болсом, анан ата-энем, биртуугандарым аман болсо экен, ата-энемдин эмгегин актасам экен» деп тилейм.

Арапбектин маегинен соң «анын жүрөгүндөгү аруу тилектери аткарылып, келечекте башка балдар сыяктуу басып кетсе экен, анан белгилүү ырчылардан болчу күн келсе экен» деп бата тиледик. Биз менен коштошоор алдында эл арасында кеңири ырдалып жүргөн "Классташым" деген ырды ырдап берди.

Даярдаган Сүйүн Кулматова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: