Бир бүркүм... «КУРМАНЖАН ДАТКА» ТАСМАСЫ КӨРСӨТҮЛДҮ...

Казакстандын Астана шаарында 22-декабрь күнү улуу жазуучу Чыңгыз Айтматовдун чыгармачылыгына арналган тегерек үстөл болуп өттү.
Акын Алыкул Осмонов тууралуу 15 мүнөттүк тасма жаралды. Аны журналист Айдай Чотуева тартып, бул иши режиссёрлукка таштаган алгачкы кадамы болуп калды.
БШК башка кызматка кеткендиги үчүн Алмазбек Атамбаев, Өмүрбек Бабанов жана Ибрагим Жунусовдун депутаттык мандатын алып салды.
Ош облусуна караштуу Кара-Кулжа районунун Биринчи Май айылында 120 орундук бала бакча ачылды.
БШКнын төрагасы Акылбек Сариевдин айтымында, президенттик шайлоонун өткөрүлүүчү мөөнөтү 2011-жылдын ноябрь айында жарыяланышы шарт.
27-декабрда Опера жана балет театрында мамлекеттик ишмер Исхак Раззаковдун 100 жылдыгына арналган маараке болуп өттү.
Аксы окуясы боюнча сот иши 23-декабрь күнү айыпталуучу Болот Жанузаковдун ден соолугунун начарлаганына байланыштуу соттолуучу айыгар мезгилге чейин жылдырылды.
ЕККУнун полиция кызматкерлери Кыргызстандын 18 районунда өз ишин баштай турганын ИИМдин өкүлү Шамшыбек Мамыров кабарлады.
ЖКнын депутаттары Бишкектеги Биринчи Май районуна Исхак Раззаковдун ысымын ыйгарууну көтөрүп чыгышты.
ЖК алгачкы эл аралык макулдашууну ратификациялады. Ага ылайык, Германия Кыргызстанга 63,7 миллион евро бөлөт.
Ош жана Жалал-Абад облустарындагы июнь окуясын иликтөө боюнча Улуттук комиссия жумушунун жыйынтыгын президент Роза Отунбаевага жана Жогорку Кеңешке жөнөттү.
Эл аралык “Руханият” ассоциациясы министр жана Ош, Жалал-Абад облустарын калыбына келтирүү боюнча дирекциянын башчысы Жантөрө Сатыбалдиевге “Жылдын адамы” деген сыйлыгын ыйгарды.
Режиссёр Замир Эралиев тарткан “Курманжан датка” жаңы даректүү тасмасынын ачылышы болуп өттү.
ИИМ уюлдук телефондордун кожоюндарын милдеттүү түрдө каттоо демилгесин көтөрүп чыкты.
Кыргызстан 2011-жылы теракттарга кириптер болчу өлкөлөрдүн тизмесине киргизилди. Бул тууралуу британиялык «Maplecroft» компаниясы кабарлаган.
ЖКнын «ар-намысчы» депутаты Дастан Бекешов парламенттин имаратына мүмкүнчүлүгү чектелген адамдар үчүн пандус орнотууну сунуштады.
Чет жерде жашаган кыргыздар өзүнүн этникалык өзгөчөлүгүн жогото баштаганын «Аалам кыргыздары» фондунун директору Акылбек Атабаев кабарлады. Анын айтымында, 90-жылдары көчүп кеткен кыргыз үй-бүлөлөрдүн балдарынын көпчүлүгү өз эне тилин билишпейт.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 426, 29-декабрь - 6-январь, 2011-жыл.