Феликс Кулов: «ЖАҢЫ ӨКМӨТКӨ КЕЛГЕНДЕР

Феликс Кулов: «ЖАҢЫ ӨКМӨТКӨ КЕЛГЕНДЕР – ЖАН КЕЧТИЛЕР»

Өкмөт түзүлгөндөн кийин “Кыргызстандын саясий сөздүгү” дагы бир сөзгө байыды. Жаңы пайда болгон “Саясий жан кечтилердин өкмөтү” деген сөздүн автору – “Ар-намыс” партиясынын лидери Феликс Кулов. Бул сөзүн темир генерал “Фергана.ру” сайтына берген маегинде айтты. “Саясий жан кечтилердин өкмөтү деп атаганымдын себеби, жаңы өкмөттүн өмүрү өтө кыска”,- дейт Кулов мырза.
Ошондой эле өкмөт башына келген Алмазбек Атамбаевге иштеп кетүү оор болорун билдирген. “Ал экономиканы өнүктүрүү менен алектенбей эле, президенттик шайлоодо жеңип чыгуу үчүн административдик ресурстун структурасын түзүүгө алаксый берет”,- дейт Феликс Кулов.
Аны менен катар өкмөт башчылыкты талап кылып, бирок, тилекке каршы, бул кызмат буюрбай калганына таарынбаганын айтып саймедирейт. Ооба, келерки жылдын аягында өтүүчү президенттик шайлоого Феликс Кулов аттанса, Орусиянын көмөгү менен потенциалдуу талапкер болушу ыктымал. Ал эми «азыркы өкмөттүн курамы тез аранын ичинде тарап кетиши мүмкүнбү?» деген суроого Кулов мырза «Кыргызстанда баары мүмкүн...» деп жыландын башын кылтыйткан.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

SubAz

2011-01-02 01:11:35

кулов озу бирдемени кыйрата тургансып...

nur1989

2011-01-02 17:22:09

Буларды жамандатып эле койсо болду, колдорунан жегенден башка ечтеке келбейт

Комментарий калтыруу үчүн өз ысымыңыз менен кириңиз же каттоодон өтүңүз.

№ 426, 29-декабрь - 6-январь, 2011-жыл.