ШААРДЫК БИИБди ЖАРДЫРМАКЧЫ БОЛУШУПТУР

25-декабрь күнү таң атпай Бишкек шаардык БИИБине караштуу имараттын жанынан ЛэндРоверДискавери үлгүсүндөгү автоунаа табылды. Кожоюну жок, ээн ташталган унаанын ичинен колго жасалган жардыргыч зат чыкты. УКМКнын басма сөз кызматы билдиргендей, коркунучтуу заттын салмагы 30 килограммды түзүп, ал уюлдук телефонго байланыштырылган. Мынча салмактагы зат жарылса, БИИБдин имаратынын күлү көккө сапырылмак. Айтор, Кудай бир сактады.
Бул машинанын Сокулук районунан уурдалганы аныкталып, ЛэндРовер АКШнын жаранына тиешелүү болуп чыкты.
Биринен сала бири кайталанган мындай иштерден улам УКМК жарандарды шектүү буюмдарды өз алдынча изилдөөдөн алыс болууга чакырат.
Эгерде ошондой буюмга туш келип калышса, анда (0312) 62-65-04 ишеним телефону боюнча байланышууну суранат.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

SubAz

2011-01-02 01:10:32

мунун баары ПОДСТАВА! жана алдын ала тузулгон сценарий боюнча коюлган спектакль.

nur1989

2011-01-02 17:24:39

Булар, элдер менен игра ойноп жаткандай... Жардырууну бийликтегилер оздору уюштурат да, Кыргызстанда жардырып емне тапмак еле башкалар...Ансыз деле эч нерсе жок болсо

Комментарий калтыруу үчүн өз ысымыңыз менен кириңиз же каттоодон өтүңүз.

№ 426, 29-декабрь - 6-январь, 2011-жыл.