"Спорт Ордосунда жарылуучу зат катылган" деген маалыматты билдирген жаран табыла элек

"Спорт Ордосунда жарылуучу зат катылган" деген маалыматты билдирген жаранды издөө иштери уланууда. Бул тууралуу бүгүн, 18-мартта SUPER.KG порталына УКМКнын басма сөз кызматынын жетекчиси Рахат Сулайманов билдирди.

“14-март күнү 102 кызматына Спорт Ордосунда мелдеш өтүп жаткан учурда "жарылуучу зат катылган" деген маалыматты билдирген жарандын өздүгүн аныктоо иштери жүрүүдө. Ал борбордон уюлдук телефондон жашырылган номер аркылуу чалганы аныкталды. Азыркы тапта аны издөө боюнча ыкчам иликтөө иштери уланып, ага бардык тиешелүү мекемелер тартылган”,- деди Р.Сулайманов.

Эске салсак, 14-март күнү "жарылуучу зат катылган" деген маалыматтан улам Спорт Ордосунда өтчү мелдеш 15-мартка саат 18:00гө жылдырылып, чогулган эл зорго таратылган эле. Мелдешти көрүү үчүн келген күйөрмандар 2,5 саат убакыт сыртта күтүп турушуп, андан соң милиция кызматкерлери алардан тарап кетүүнү суранышкан.

Автор: Мальвина Уметбекова
Фото: Интернеттен алынды