Түркияда кыргыз акыны Алыкул Осмоновду эскерүү иш-чарасы өттү

Түркиянын Амасья шаарында 12-октябрда кыргыз акыны Алыкул Осмоновдун 100 жылдыгына арналган иш-чара өтүп, ага Кыргыз Республикасынын Түркиядагы элчиси Ибрагим Жунусов катышты.

Элчиликтин билдиришинче, Жунусов кыргыз акынын Түркияда эскерүүнүн маанилүүлүгүн белгилеп: "Өмүрү кыска болгонуна карабай акын ырларынын көбүн өз мекенине, элине, табиятка арнаган. Анын чыгармалары менен улуу муун менен катар жаштар дагы тааныш. Алыкул Осмонов - кыргыз элинин сыймыгы",- деп билдирди. Элчи акындын ырларынан кыргыз жана түрк тилдеринде окуп бергени айтылат маалыматта.

Акындын чыгармачылыгын эскерүүгө кыргыз жана түрк тараптан бир топ мамлекеттик кызматкерлер, студенттер, кыргыз диаспора өкүлдөрү катышты.

Автор: Автандил Добулбеков