Бишкекте “Арт-Ордо” аттуу Эл аралык театралдык фестиваль өтөт

Бишкекте 19-23-октябрь күндөрү “Арт-Ордо” 5-Эл аралык театралдык фестивалы өтөт. Бул тууралуу Маданият, маалымат жана туризм министрлигинин басма сөз кызматы билдирди.

Иш-чарага Казакстан, Өзбекстан, Тажикстан, Татарстандан келген театр жамааттары катышышат. Ошондой эле Т.Абдумомунов атындагы Кыргыз драма театры, Ч.Айтматов атындагы Улуттук драма театры, А.Өмүралиев атындагы Бишкек шаардык театры жана М.Жангазиев атындагы Мамлекеттик куурчак театры катышат. Алардын эмгегин жергиликтүү жана чет өлкөлүк маданияттын мыкты кызматкерлери баалашмакчы.

Автор: Айпери Ганыжан кызы