Нарымбаев: "Коркмазов досум эмес, болгону эки-үч жолу бильярд ойногонбуз"

Бүгүн, 19-октябрда Бишкек шаарынын Биринчи Май райондук сотунда коррупция боюнча айыпталган президенттик аппараттын мурунку башчысы Данияр Нарымбаев жана Жогорку Кеңештин экс-депутаты Хажимурат Коркмазовдун иши боюнча соттук отурум өтүп жатат. Сот залында Нарымбаев көрсөтмө берип жатып, Коркмазовдун айткандары калп экенин айтты.

"Ооба, Мен Коркмазовду кабыл алгам, бирок аны менен саясий маселелерди гана талкуулагам, эч кандай акча алып келген эмес",- деди Нарымбаев.

Ал Коркмазов менен 20 жылдан бери тааныш катары гана сүйлөшүп келгенин айтты. "Менин досум эмес, ал менден улуу, болгону эки-үч жолу бильярд ойногонбуз. Болгону ошол",- деди ал.