Президент улуттук валютаны сатуу жөндөмүн колдоо жана чукул толкундоолорго жол бербөө керектигин айтты

Президент Алмазбек Атамбаев Улуттук банктын төрагасы Толкунбек Абдыгуловду кабыл алды. Бул тууралуу 20-ноябрда президенттин басма сөз кызматы билдирди.

Жолугушууда мамлекет башчыга улуттук валютадагы толкундоолорду жөнгө салуу чаралары боюнча маалымат берилди.

Президент өлкөдөгү каржы-насыя мекемелериндеги туруктуулук маанилүү экенин баса белгилеп өттү. Ошондой эле улуттук валютаны сатуу жөндөмүн колдоо жана чукул толкундоолорго жол бербөө үчүн тийиштүү чаралар көрүлүшү керектигин айтты.

Автор: Айпери Ганыжан кызы