Жалал-Абадда окуучулар өздөрүнө чак МАИчилердин формаларын кийишти (фотолор)

Жалал-Абад ОИИБинин Жол-кайгуул кызматы №19-орто мектебинин окуучулары менен биргеликте “Симбо” балдар бакчасынын тарбиялануучулары үчүн эки сааттык ачык сабак өткөрүштү. Бул тууралуу облустук милициянын басма сөз кызматы билдирди.

Маалыматка ылайык, иш-чаранын максаты - бакчадан баштап мектептин алгачкы баскычтарына чейин жол коопсуздугунун эрежелерин окутуп үйрөтүү. "Жолугушуу бакчанын тарбиялануучулары тарабынан даярдалган оюн-зооктор менен башталып, тарбиялануучулар жол эрежелери боюнча алган билимдерин ар кандай буюмдар менен оюндар аркылуу көрсөтүштү. Жыйынтыгында бакчадагы балдарга таттуулар менен белектер берилип, мыктылар Жалал-Абад ОИИБинин жетекчилигинин мактоо баракчалары менен сыйланышты",- деп жазылат маалыматта.

Автор: Нургазы Аматов