Ак-Суу районунун Челпек айылындагы бала бакча жергиликтүү эл менен акционерлердин талашына түшкөндүктөн, бүгүн элдик жыйын болду

Ысык-Көл облусундагы Ак-Суу районунун Челпек айылындагы бала бакча жергиликтүү эл менен акционерлердин талашына түштү. Бул тууралуу SUPER.KG порталына Челпек айылдык кеңешинин төрагасы Турдубек Очкеев билдирди.

Анын айтымында, 2 кабаттуу, 350 орундуу бала бакча 1970-жылдары курулган. 1992-жылдары Советтер Союзу ураганда Теңизбай Жункеев аттуу жаран бала бакчаны жакындары менен биргеликте жашыруун түрдө менчиктештирип, "Челпек" акционердик коомуна өткөрүп алган.

2002-жылы Мамлекеттик каттоо кызматы бала бакчаны мамлекеттик акт боюнча өкмөткө кайтарып бергени менен, акционердик коом ал чечимге макул болбой келген. Бала бакчаны мамлекетке кайтаруу боюнча райондук сотко кайрылышкан. Сот акционерлердин пайдасына чечип, бала бакча мамлекетке кайтарылган эмес. Үстүбүздөгү жылдын 29-февралында Ысык-Көл облусунун сотунун отурумунда да чечим өзгөргөн эмес.

"Өкмөт өзү жайдак калган, эч нерсеси калган эмес. Акционердик коомдун имараттарында акы төлөп иштеп жатабыз. Соттор чечимди бала бакчаны мыйзамсыз менчиктештирип алгандардын пайдасына чыгарып жатышат. 29-февралда чыккан соттун чечимине биз макул эмеспиз. Сөзсүз түрдө апелляция менен жогорку инстанцияга кайрылабыз. 2012-жылы Өнүктүрүү фондунан бала бакчага 5 миллион сом бөлүнгөн. Анын эсебинен бала бакчанын ичин оңдоп чыктык. 80 пайызы даяр болду. 2016-жылдын эсебинен дагы 2 миллион сом бөлүндү. Ошондо 5 миллион сомго жасалган иштер эмне болот? 2 миллион сомду эмне кылабыз?"- дейт төрага.

Бала бакчаны "Челпек" акционердик коомунан 1 миллион сомдон ашуун акчага сатып алууну да сунушташкан, бирок акционерлер сунуштан баш тартышкан.

Ошондой эле төрага айылынан бул маселе менен Бишкекке чейин келип, Соттор кеңешинин жетекчисине кире албай калганын кошумчалады.

Автор: Үмүт Абдраимова

18:18 09-03-2016

Жазылуу

РУБРИКАДАГЫ СОҢКУ КАБАРЛАР

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 406 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 305 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 420 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 1057 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 489 0

22:31 2025-05-13 | Түркүн дүйнө

"15 жылдан 50 жылга чейин". Америкалык рэпер P.Diddy'ге карата сот иши башталды 678 0

Архив

Комментарийлер (2)

altyn2015

2016-03-09 18:50:34

Менин айылымда эмне чыр? Бала бакча ачып берсе сонун болот эле.

aykyz

2016-03-09 19:59:33

Бала бакчаны 6-7 акционер талашканы уят эле. Килтейген айыл учун, балдардын келечеги учун берип эле коюшпайбы! Соттор да сатылмалар! Карапайым калкка чечип бербеген!

Комментарий калтыруу үчүн өз ысымыңыз менен кириңиз же каттоодон өтүңүз.