Өзгөчө кырдаалдар министрлигине 6-7 жылдан бери бюджеттен техника алууга каражат бөлүнгөн эмес

Өзгөчө кырдаалдар министрлигине 6-7 жылдан бери бюджеттен техника алууга каражат бөлүнгөн эмес. Муну бүгүн, 10-мартта маалымат жыйынында өзгөчө кырдаалдар министри Кубатбек Боронов билдирди. Анын айтымында, бүгүнкү күндө министрликтин техникалык базасын чыңдоого бюджеттен эч кандай каражат бөлүнбөйт.

“2009-жылы мамлекеттик казынадан өрткө каршы 72 техника алганбыз. Андан бери 6-7 жыл өттү. Мындай иштерди гранттардын эсебинен бүтүрүп келебиз. 2012-жылы Түркиядан 100 миллион доллар гранттык жардам акча келген, анын 2 миллион доллары Өзгөчө кырдаалдар министрлигине бөлүнгөн. Ага инженердик техникаларды алдык. Эл аралык уюмдар менен иштешебиз, башка мамлекеттердин жардамы менен бир топ жумуштарды жасайбыз”,- деди министр.

Автор: Наргиза Бекжанова
Фото: Наргиза Бекжанова