Алай районунун таштанды таштоочу полигону толугу менен тазаланып, жакын арада жашылдандырылат (фото)

Ош облусунун Алай районунун таштанды таштоочу полигону толугу менен тазаланып, жакын арада жашылдандырылат. Бул тууралуу бүгүн, 16-мартта Мамлекеттик экологиялык-техникалык инспекциянын басма сөз кызматы билдирди.

Маалым болгондой, буга чейин акыр-чикир төгүлүп келген жайга көчөттөр отургузулат. "Таштанды төгүүчү жай аймактан бир топ алыс жерге көчүрүлөт. Учурда анын кайсы жерде орун алары расмий түрдө белгиленбегендиктен, акыр-чикир бир жерге чогултулуп жатат. Жергиликтүү бийликтин айтымында, буга чейин инспекциянын кызматкерлери эскертүү кагаздарын берип, таштанды таштоочу жайды көчүрүү боюнча билдирген. Эскертмелердин негизинде иштер аткарылганын кошумчалашты "Тазалык" ишканасынын өкүлдөрү”,- деп айтылат маалыматта.

Автор: Наргиза Бекжанова